આર્થિક સ્થિતિ.. / અમૂલ ઈન્ડસ્ટ્રીના કર્મચારીએ પેટ્રોલ છાંટી કર્યું અગ્નિસ્નાન, 6 મહિનાથી કર્મચારીને નથી મળ્યો પગાર, ખાઈ રહ્યો છે જીવન-મરણ વચ્ચે જોલા

• અમૂલ ઈન્ડસ્ટ્રીના કર્મચારીએ કર્યું અગ્નિસ્નાન
• પેટ્રોલ છાંટી આત્મહત્યાનો કર્યો પ્રયાસ 
• 6 મહિનાથી કર્મચારીને નથી મળ્યો પગાર

ખાનગી કંપનીઓમાં કર્મચારીઓનું શોષણ થાય છે, આવું સાંભળ્યું ખુબ હશે. પરંતુ આજે રાજકોટમાં અમુલ ઈન્ડસ્ટ્રીમાંથી આવો જ એક કિસ્સો સામે આવ્યો છે. જ્યાં એક કર્મચારીએ પોતાના પર પેટ્રોલ છાંટીને આપઘાતનો પ્રયાસ કરતા ચકચાર મચી ગઈ હતી.

પગાર ન મળતા આર્થિક સ્થિતિ કથળી
આ કર્મચારીએ આવું પગલું એટલા માટે ભર્યું કારણ કે, છેલ્લા 6 મહિનાથી અમુલ ઈન્ડસ્ટ્રી દ્વારા તેનો પગાર ચૂકવવામાં આવ્યો નથી. આપઘાતનો પ્રયાસ કરનાર કર્મચારીનું નામ વિક્રમ બકુત્રા છે. અને હાલ તેને રાજકોટ સિવિલ હોસ્પિટલમાં જીવન મરણ વચ્ચે જોલા ખાઈ રહ્યો છે. જોકે આ મુદ્દે અન્ય સાથી કર્મચારીઓ સાથે અમે વાત કરી તો ચોંકાવનારા ખુલાસાઓ સામે આવ્યા છે. કંપનીના માલિક દ્વારા કર્મચારીઓનું શોષણ કરવામાં આવી રહ્યું છે. 

જીવન-મરણ વચ્ચે જોલા ખાય છે કર્મચારી
રાજકોટથી અન્ય રાજ્યોમાં બદલી કરવાની ધમકીઓ આપવામાં આવે છે. 6 મહિનાથી પગાર આપવામાં આવ્યો નથી. તેવામાં ન માત્ર વિક્રમભાઈ પરંતુ અન્ય કર્મચારીઓ પણ પીડાઈ રહ્યા છે. ત્યારે સવાલ એ થાય છે કે, શોષણ કરતી આમૂલ ઈન્ડસ્ટ્રી સામે કેમ કોઈ કાર્યવાહી નથી થતી? શું આવી કંપનીઓ લોકોનું શોષણ જ કરે છે? કેમ છ મહિનાથી કર્મચારીઓને પગાર નથી અપાયો? શું આ મામલે પોલીસ અને સરકાર કોઈ કાર્યવાહી કરશે? સવાલો હાલ અનેક છે. ત્યારે આશા રાખીએ કે, સરકાર આ દીશામાં વહેલી તકે પગલા ભરશે. અને કર્મચારીઓને પોતાનો પગાર અપાવડાવશે.