- લોકસભામાં પાસ થયું ક્રિમિનલ પ્રોસિજર બીલ
- પોલીસ માટે ઘણુ મહત્વનું છે બીલ
- અમિત શાહે રજૂ કર્યું બીલ
ગૃહમંત્રી અમિત શાહે લોકસભામાં ક્રિમિનલ પ્રોસિજર ઓળખ બીલ 2022 રજૂ કર્યું હતું. વિપક્ષોના ઉગ્ર હોબાળાની વચ્ચે ધ્વનિમતથી આ બીલને પાસ કરી દેવાયું હતું. કારણ કે વિપક્ષો આ બીલની વિરૃદ્ધમાં છે, તેમની એવી માગ છે કે આ બીલને સંસદની સ્ટેન્ડિંગ કમિટીની પાસે મોકલવામાં આવે અને પછી રજૂ કરવામાં આવે, જોકે સરકારે તેમની આ માગ ઠુકરાવી દીધી હતી અને તેને ધ્વનમતથી પાસ કરાવી દીધું હતું.
નવી પેઢીના ગુનાઓને જુની રીતે ન અટકાવી શકાય
આ બીલ રજૂ કરતા અમિત શાહે કહ્યું કે નવી પેઢીના ગુનાઓને જુની રીતે ન અટકાવી શકાય,આપણે ક્રિમિનલ જસ્ટિસ સિસ્ટમને નવા યુગમાં લઈ જવી પડે છે. શાહે કહ્યું કે ક્રિમિનલ પ્રોસિજર ઓળખ બીલમાં એવી એક જોગવાઈ કરાઈ છે જે હેઠળ પોલીસ ગુનેગારો કરતા બે ડગલાં આગળ રહે છે.
કરોડો નાગરિકોના માનવાધિકારની ઢાલ બની રહેશે
અમિત શાહે એવું પણ કહ્યું કે ક્રિમિનલ પ્રોસિજર ઓળખ બીલ કાયદાનું પાલન કરનાર કરોડો નાગરિકોના માનવાધિકારની ઢાલ બની રહેશે.લોકસભામાં આ બીલના પક્ષમાં બોલતા શાહે કહ્યું કે આ બીલ જુના કાયદામાં રહેલી ખામીઓને સુધારીને ગુનાી સાબિતી માટે જરુરી પુરાવાઓ પણ પૂરા પાડશે.
આરોપી અને દોષીની માહિતી મળવી જરુરી-શાહ
અમિત શાહે એવું પણ કહ્યું કે કથિત આરોપી અને દોષીની બાયોમેટ્રિક અને ફિઝિકલ માહિતી મેળવવામાં ઘણો ઊણો ઉતર્યો છે. તેથી આવી માહિતી એજન્સીઓ સરળતાથી મેળવી શકે તે માટેની કાયદામાં જોગવાઈ હોવી ઘણી જરુરી છે.
