હેલ્થ ટિપ્સ / બદામ પડે છે મોંઘી! તો ચિંતા ન કરો, બજારમાં મળે છે સસ્તી અને ગુણકારી ચીજ, જાણો તેના ફાયદા

• સ્વસ્થ રહેવા માટે ડાયટમાં બદામને સામેલ કરવી શ્રેષ્ઠ 
• મગફળી પણ અનેક પોષકતત્ત્વોથી ભરપૂર છે
• રોજ પલાળેલી મગફળી ખાવાથી શું ફાયદા થાય છે તે જાણો

આપણે જાણીએ છીએ કે સ્વસ્થ રહેવા માટે ડાયટમાં બદામને સામેલ કરવી શ્રેષ્ઠ ગણાય છે, તેનાથી ઇમ્યુનિટી સ્ટ્રોંગ થવાની સાથે અનેક બીમારીઓથી પણ બચી શકાય છે. મગજ અને હૃદય સારી રીતે કામ કરે છે. શરીરમાં સ્ફૂર્તિ અને ચુસ્તી આવે છે. બદામની જેમ જ મગફળી પણ અનેક પોષકતત્ત્વોથી ભરપૂર છે. તેનું સેવન પણ બદામની જેમ આખી રાત પાણીમાં પલાળીને કરવાથી શરીરને તમામ ઉચિત તત્ત્વો યોગ્ય માત્રામાં મળી શકે છે. લોહીની કમી પૂરી થવાની સાથે-સાથે કેન્સર જેવી ગંભીર બીમારીનો ખતરો પણ અનેકગણો ઘટી જાય છે. રોજ પલાળેલી મગફળી ખાવાથી શું ફાયદા થાય છે તે જાણો...

મગફળીમાંથી મળતાં પોષક તત્ત્વો
વિટામિન, કેલ્શિયમ, પોટેશિયમ, મેંગેનિઝ, કોપર, આયર્ન અને સેલેનિયમ જેવાં તત્ત્વો મળી આવે છે, તેના સેવનથી શરીરને બીમારી સામે લડવાની તાકાત મળે છે.

પાચનતંત્ર બનાવશે મજબૂત
ઔષધીય ગુણોથી ભરપૂર મગફળીને રોજ સવારે ખાલી પેટે ખાવાથી આરોગ્ય સારું રહે છે. પાચનતંત્ર મજબૂત બને છે અને પેટદર્દ, એસિડિટીમાંથી રાહત મળે છે. 

સાંધાનો દુખાવો દૂર કરશે
મગફળીમાં કેલ્શિયમ, આયર્ન વગેરે વધુ માત્રામાં હોવાના કારણે તેના સેવનથી માંસપેશીઓ અને હાડકાં મજબૂત બને છે. સાંધાના દુખાવામાં રાહત મળે છે.

કમરદર્દની પરેશાનીમાં પણ રાહત
જે લોકોને કમરદર્દની ફરિયાદ રહેતી હોય તેમણે પોતાના ડાયટમાં પલાળેલી મગફળી સામેલ કરવી જોઇએ. તેના સેવનથી કમરદર્દની પરેશાનીમાંથી ઝડપથી છુટકારો મળે છે. 

સ્મરણશક્તિ વધારવાનો રામબાણ ઈલાજ
રોજ સવારે પલાળેલી મગફળી ખાવાથી મગજની કોશિકાઓ બહેતર રીતે કામ કરે છે, તેનાથી સ્મરણશક્તિ તેજ થાય છે.