મોંઘવારી / ગુજરાતીઓનું મિનિ વેકેશન: ગોવાની ફ્લાઇટના ભાવ ચાર ગણા થયા, ઉદયપુરમાં હૉટેલો ફૂલ

• ગોવા જતી ફ્લાઇટ-રિસોર્ટના ભાવ આસમાને
• ફ્લાઇટના ભાવમાં સામાન્ય કરતા ચાર ગણો વધારો
• રાજસ્થાનમાં પણ હોટલોનું બુકિંગ ફૂલ 

શ્રાવણ માસ એટલે તહેવારોની શરૂઆત. રક્ષાબંધનથી તહેવારોની શરૂઆત થઇ ગઇ છે ત્યારે આ વખતે ગુજરાતીઓ તહેવારોની રજાનો લાભ લઇને ફરવાનો પ્લાન બનાવી નાંખ્યો છે. મોટાભાગના ટુરિસ્ટ પ્લેસમાં હોટલોનું બુકિંગ ફુલ થઇ ગયુ છે. તો બીજી તરફ પ્રવાસીઓના ધસારાને જોતા વિમાની ભાડામાં પણ ધરખમ વધારો થવા પામ્યો છે.

ગોવા બન્યુ મોંઘું

જી, હા ગુજરાતીઓનુ ફેવરિટ ડેસ્ટિનેશન હોય તો તે છે એક રાજસ્થાન અને બીજું છે ગોવા. ત્યારે તહેવાર ટાણે ગોવાની ટિકિટના ભાવમાં પણ વધારો થયો છે. સામાન્ય દિવસો કરતા ગોવાની વિમાની સેવાનુ ભાડુ લગભગ ચાર થઇ ગયુ છે. અમદાવાદ-ગોવાનું વન-વે વિમાની ભાડું સામાન્‍ય દિવસોમાં 3500 રૂપિયાની આસપાસ હોય છે. પરંતુ 15 ઓગસ્‍ટની રજાઓ દરમિયાન વન-વે ટિકિટ હવે 13 હજારની નજીક પહોંચવામાં છે. માત્ર વન વેનું ભાડુ 13 હજારને પાર થયું છે. તો ગોવામાં રહેવા ખાવાનું પણ મોંઘુ બન્યુ છે. રિસોર્ટના ભાવ પણ આસમાને પહોંચ્યા છે. રૂમના ભા઼ડામાં 10થી 20 ટકાનો વધારો થવા પામ્યો છે. જો હજુ પણ ગોવાની ફ્લાઇટ ફૂલ જશે તો રિસોર્ટના ભાડામાં વધારો થઇ શકે છે. દિવાળી સુધી ફ્લાઇટના ભાડમાં વધારો જોવા મળી શકે છે. 

રાજસ્થાનમાં પણ હોટલોના ભાડા વધ્યા

મહત્વનું છે કે , સાતમ-આઠમ  આવી રહી છે.  આ નાનકડા વેકેશનમાં ફરવા જવાનો પ્લાન મોટાભાગના લોકો કરે જ છે. ત્યારે ગુજરાતની સરહદને લાગતા રાજસ્થાનમાં પણ હોટલના રૂમ મોંઘા થયા છે.  જી, હા રાજસ્થાનમાં પણ ફરવા જવા માટે અત્યારથી લોકો બુકિંગ કરાવી રહ્યા છે. ગુજરાતને જોડતી મોટા ભાગની ફ્લાઈટો મોંઘી થઈ છે. સાથે સાતમ- આઠમની રજાઓ ને કારણે

ગુજરાતની બાજુમા રાજસ્થાન બોર્ડર અને ઉદયપુર પર ફુલ બુકિંગ સાથે ડબલ ભાવમાં હોટલના રૂમ ભાડા ચાલી રહ્યાં છે.. આગામી દિવાળી સુધી આ જ પ્રમાણે ફ્લાઈટના ભાડામા વધારો જોવા મળશે..ઉલ્લેખનીય છે કે કોરોનાને કારણે ગુજરાતની ગોવા જતી ફ્લાઇટમાં ઘટાડો થયો છે વળી તેમાં પણ ઇંધણના ભાવ આસમાને પહોંચતા તેની સીધી અસર વિમાનભાડા પર જોવા મળી રહી છે.