જમાલપુર પાસે ટ્રાફિક પોલીસની દાદાગીરીનો વાયરલ વીડિયો સામે આવ્યો છે, જે મામલે ઉચ્ચ પોલીસ અધિકારીઓ રિપોર્ટ તૈયાર કરીને એક્શન લેશે
Share
જમાલપુર ટ્રા્ફિક પોલીસની દાદાગીરી
ટ્રાફિક પોલીસે કાર ચાલકને માર માર્યો
સમગ્ર ઘટનાનો વીડિયો સો.મીડિયામાં વાયરલ
અમદાવાદ શહેરમાં અવાર નવાર ટ્રાફિક પોલીસની દાદાગીરી સામે આવતી હોય છે ત્યારે ફરી એકવાર જમાલપુર પાસે ટ્રાફિક પોલીસની દાદાગીરીનો વીડિયો સામે આવ્યો છે. જ્યાં કાર ચાલકને રોકી માર માર્યા છે. વિગતો મુજબ વાહનચાલકે કાર ન રોકતા પોલીસે માર માર્યો છે. જો કે, જે આ મામલે વીટીવીના અહેલાલ બાદ કાર્યવાહીનો ધમધમાટ પણ શરૂ થયો છે.
કાર ચાલકને ચોકી પર બેસાડી રાખ્યો હતો
આપને જણાવીએ કે, માર મારવાની સાથે પોલીસે વાહનચાલકને બિભત્સ શબ્દો પણ કહ્યા હતા. કારચાલકને જમાલપુર ટ્રાફિક ચોકી પર બેસાડી રાખ્યો હતો. સમગ્ર ઘટનાનો વીડિયો સોશિયલ મીડિયામાં વાયરલ થતાં ખળભાટ મચ્યો છે. ટ્રાફિક પોલીસની દાદાગીરી અવાર-નવાર સામે આવતી હોય છે. અત્રે ઉલ્લેખનીય છે કે, અગાઉ પણ જમાલપુર ટ્રાફિક પોલીસ વિવાદમાં આવી હતી તેમજ અનેક વખત જમાલપુર ટ્રાફિક પોલીસની દાદાગીરીના કિસ્સાઓ ધ્યાને આવ્યા છે. કાર ચાલકે કહ્યું હતું કે, બીજા વાહન ચાલકો સાથે પણ પોલીસ આવું જ વર્તન ન કરે છે
રિપોર્ટ તૈયાર કરીને એક્શન લેવામાં આવશે
જમાલપુરમાં ટ્રાફિક પોલીસની દાદાગીરીનો વાયરલ વીડિયો મામલે વીટીવીએ અહેલાવ બતાવ્યો હતો જે બાદ પોલીસ ઉચ્ચ અધિકારીઓએ કાર્યવાહીનો ધમધમાટ શરૂ કર્યો છે. વીડિયોમાં દેખાતા ટ્રાફિક પોલીસ અને TRB જવાન વિરુદ્ધ કાર્યવાહી કરવામાં આવી રહી છે. તમામ વિરુદ્ધ રિપોર્ટ તૈયાર કરીને એક્શન લેવામાં આવશે.
