બ્રેકિંગ ન્યુઝ
લોકસભા ચૂંટણી 2024: પૂર્વ PAAS કન્વીનર અલ્પેશ કથીરિયા અને ધાર્મિક માલવિયા CR પાટીલની હાજરીમાં ભાજપમાં જોડાયા
લોકસભા ચૂંટણી 2024 / 'કોંગ્રેસ અને આપ પાર્ટીના લોકો જુઠ્ઠાણાં ચલાવે છે' અમિત શાહે વિપક્ષને આડે હાથ લીધું
લોકસભા ચૂંટણી: કેન્દ્રીય ગૃહમંત્રી અમિત શાહની ગોધરામાં વિજય સંકલ્પ સભા, જનસભામાં મોટી સંખ્યામાં લોકો ઉમટી પડ્યા
લોકસભા ચૂંટણી 2024: મુંબઈ નોર્થ સેન્ટ્રલથી પૂનમ મહાજનનું પત્તુ કપાયું, આતંકી કસાબને ફાંસી અપાવનારા ઉજ્જવલ નિકમને ભાજપે ટિકિટ આપી
સલમાન ખાન ફાયરિંગ કેસ: અનમોલ બિશ્નોઇ સામે લુકઆઉટ નોટીસ જાહેર
1983ના 41 વર્ષ જૂના કેસમાં દાઉદ ઇબ્રાહિમ દોષ મુક્ત
VTV / વિશ્વ / After G20, the world will get a glimpse of Vishwaguru India on January 26: Biden invited
Priyakant
Last Updated: 10:43 AM, 21 September 2023
ભારત અને અમેરિકા વચ્ચેના ગાઢ સંબંધોની ચર્ચા આખી દુનિયામાં થઈ રહી છે. આ દરમિયાન હવે એક મોટા સમાચાર સામે આવ્યા છે કે, અમેરિકી રાષ્ટ્રપતિ જો બિડેન ફરી એકવાર ભારતની મુલાકાત લઈ શકે છે. વાત જાણે એમ છે કે, બિડેનને G-20 સમિટ દરમિયાન ભારત આવવા માટે આમંત્રણ આપવામાં આવ્યું છે. વડાપ્રધાન નરેન્દ્ર મોદીએ આગામી વર્ષે ગણતંત્ર દિવસની ઉજવણી પરેડમાં મુખ્ય અતિથિ તરીકે બિડેનને આમંત્રણ આપ્યું છે. જોકે બિડેન દ્વારા હજુ સુધી કાર્યક્રમને આખરી ઓપ આપવામાં આવ્યો નથી.
આ સંદર્ભે ભારતમાં અમેરિકી રાજદૂત એરિક ગારસેટ્ટીએ ને માહિતી આપી છે. ગારસેટ્ટીએ કહ્યું કે, નવી દિલ્હીમાં G20 સમિટના એક દિવસ પહેલા આયોજિત દ્વિપક્ષીય બેઠક દરમિયાન આ આમંત્રણ આપવામાં આવ્યું હતું. ગારસેટ્ટીએ વધુમાં કહ્યું કે વડાપ્રધાન મોદીનું આમંત્રણ બંને દેશો વચ્ચેના ગાઢ સંબંધોને દર્શાવે છે. તેઓ આગામી વર્ષોમાં વધુ મજબૂત સંબંધોને ઉત્તેજન આપવા આતુર છે.
મેરિકી રાજદૂત એરિક ગારસેટ્ટીને આગામી પ્રજાસત્તાક દિવસની ઉજવણી દરમિયાન ક્વાડ નેતાઓની મુલાકાત અંગે પ્રશ્ન પૂછવામાં આવ્યો ત્યારે તેમણે આ માહિતી શેર કરી હતી.
તેમણે કહ્યું કે, G20 સમિટની બાજુમાં દ્વિપક્ષીય બેઠક દરમિયાન વડાપ્રધાન મોદીએ અમેરિકી રાષ્ટ્રપતિ બિડેનને ગણતંત્ર દિવસની ઉજવણી માટે આમંત્રણ આપ્યું છે. જોકે પીએમ મોદીએ Quad Summit 2024નો ઉલ્લેખ કર્યો ન હતો. મને આની જાણ નથી.
ભારત એક મોટું વ્યૂહાત્મક પગલું ભરવાની તૈયારીમાં
મહત્વનું છે કે, અગાઉના મીડિયા અહેવાલોમાં કહેવામાં આવ્યું હતું કે, ભારત ગણતંત્ર દિવસની ઉજવણી માટે તમામ Quad નેતાઓને આમંત્રિત કરવાનું વિચારી રહ્યું છે. ભારત Quad Summit 2024 ફ્રન્ટ પર એક મોટું વ્યૂહાત્મક પગલું ભરવાની તૈયારી કરી રહ્યું છે. Quad નેતાઓના નામોમાં ઓસ્ટ્રેલિયાના વડાપ્રધાન એન્થોની અલ્બેનીઝ અને જાપાનના વડાપ્રધાન ફ્યુમિયો કિશિદાનો સમાવેશ થાય છે. જોકે અંતિમ નિર્ણય આ વિશ્વના નેતાઓની ઉપલબ્ધતા પર આધાર રાખે છે.
ભારત મૈત્રીપૂર્ણ ભાગીદાર દેશોને આમંત્રણ આપે છે
નોંધનીય છે કે, ગણતંત્ર દિવસની ઉજવણીમાં મુખ્ય અતિથિ તરીકે ભાગ લેવાનું આમંત્રણ ઘણું અર્થપૂર્ણ છે. તે ભારતના વ્યૂહાત્મક રાજદ્વારી સંબંધો અને ભાગીદારીને પ્રતિબિંબિત કરે છે. સામાન્ય રીતે પ્રજાસત્તાક દિને મુખ્ય અતિથિ તરીકે મહત્વપૂર્ણ સાથી દેશના રાજ્યના વડાને આમંત્રિત કરવામાં આવે છે, આ માટે મહેમાનોની ઉપલબ્ધતા વિશે અનૌપચારિક પુષ્ટિ કર્યા પછી આમંત્રણ મોકલવામાં આવે છે.
ભારત 2024માં ક્વાડ સમિટનું આયોજન કરશે
ભારત 2024માં આગામી Quad Summitનું આયોજન કરવા માટે સુનિશ્ચિત થયેલ છે, જે આ ક્ષેત્રમાં ભૌગોલિક રાજકીય ગતિશીલતાના વિકાસની પૃષ્ઠભૂમિમાં આવશે, વૈશ્વિક વ્યૂહાત્મક વિકાસમાં તેની ભૂમિકાને આગળ વધારશે અને સાથી ક્વાડ દેશો સાથે તેના સંબંધોને મજબૂત કરશે. એક મહત્વપૂર્ણ કાર્યક્રમ હશે. અટકળો એ છે કે, જો બિડેન મુખ્ય અતિથિ બનવા માટે સંમત થાય છે તો Quad Summit 2024 25 જાન્યુઆરીએ એક દિવસ અગાઉ યોજવામાં આવી શકે છે, કારણ કે ઓસ્ટ્રેલિયા 26 જાન્યુઆરીએ તેનો રાષ્ટ્રીય દિવસ ઉજવે છે. આવી સ્થિતિમાં વડાપ્રધાન અલ્બેનીઝ ક્વાડમાં સામેલ થઈ શકશે નહીં. ખાસ કરીને ચીન અને હવે કેનેડા સાથેના નબળા સંબંધોને જોતા તમામની નજર આગામી ગણતંત્ર દિવસના કાર્યક્રમ અને Quad Summit 2024 પર છે. આને ભારતની રાજદ્વારી શક્તિ વધારવા અને આંતરરાષ્ટ્રીય સંબંધોને મજબૂત કરવાના એક મહત્વપૂર્ણ પગલા તરીકે જોવામાં આવી રહ્યું છે.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir
પ્રચાર
ટોપ સ્ટોરીઝ
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir