મોન્સૂન / અમદાવાદમાં બીજા દિવસે પણ વરસાદ, આટલા વિસ્તારોમાં વરસ્યો અનરાધાર, રવિવાર હોવાથી શહેરીજનોને રાહત

• અમદાવાદમાં વિરામ બાદ ફરી વરસાદનું આગમન
• શહેરના મોટા ભાગના વિસ્તારમાં વરસાદી માહોલ
• જજીસ બંગ્લોઝ, શયામલ, એસ.જી.હાઈવે વિસ્તારમાં વરસાદ

અમદાવાદમાં ગઈકાલે વરસેલા ધોધમાર વરસાદ બાદ આજે પણ ફરી વરસાદ અચાનક જ શરૂ થયો હતો.  થલતેજ, વસ્ત્રાપુર, એસજી હાઈવે, ગોતામાં વરસાદ વરસ્યો હતો. તેમજ એલિસબ્રિજ, જમાલપુર, મણિનગરમાં પણ વરસાદ ખાબક્યો હતો. મધ્યગુજરાતમાં વરસાદની આગાહી વચ્ચે અમદાવાદમાં પણ મેઘમહેર જોવા મળી રહી છે. ગઈકાલે ધોધમાર વરસાદથી શહેરનાં રસ્તાઓ પર પાણી ભરાયા હતા. 

અમદાવાદમાં વરસાદ
અમદાવાદ શહેરમાં જજીસ બંગ્લોઝ, શયામલ, એસ.જી.હાઈવે તેમજ બોડકદેવ, થલતેજ, શિવરંજની, માનસી સર્કલ, વસ્ત્રાપુરમાં વરસાદ અચાનક જ વરસાદી માહોલ જામ્યો છે.

વરસાદી માહોલ
અમદાવાદ શહેરમાં ગઈકાલે વરસેલા વરસાદના પગલે નીચાણવાળા વિસ્તારોમાં પાણી ભરાયા હતા. અમુક રસ્તાઓ પર તો હજુ સુધી પણ પાણી જોવા મળી રહ્યાં છે તો બીજી તરફ ફરી આજે વરસાદ શરૂ થયો છે જેના પગલે ઠેર ઠેર પાણી ભરાઈ શકે છે. ગઈકાલે ભારે વરસાદના કારણે શહેરના 7 અંડરબ્રિજ બંધ કરાયા હતાં.