- આજથી RTEના ફોર્મ ભરવાનું શરૂ
- 22 એપ્રિલ સુધી ભરી શકાશે ફોર્મ
- IT રિટર્ન ભરનારે IT રિટર્ન બતાવવું ફરજીયાત
ગરીબ-મધ્યમવર્ગના વિદ્યાર્થીઓ ખાનગી શાળામાં અભ્યાસ કરી શકે તે માટે સરકારની રાઈટ ટુ એન્યુકેશન એક્ટ 2015-16થી અમલમાં છે. ત્યારે આરટીઈ હેઠળ પ્રવેશ પ્રક્રિયાનો આજથી પ્રારંભ થયો છે. આજથી જ આરટીઈ એડમિશન ઓનલાઈન ફોર્મ ભરવા માટે 12 દિવસનો સમય વાલીઓને આપવામાં આવ્યો છે. વાલીઓ 22 એપ્રિલ સુધી ઓનલાઈન ફોર્મ ભરી શકશે.
ડ્રોના માધ્યમથી અપાશે પ્રવેશ
તારીખ 31 મે, 2023 સુધીમાં 6 વર્ષ પૂર્ણ કરનાર બાળકને આરટીઈ હેઠળ ધોરણ 1માં પ્રવેશ મળશે. ઓનલાઈન અરજીમાં વાલીઓ તેમના નિવાસની આસપાસની જે શાળાઓમાં બાળકનો પ્રવેશ લેવા ઇચ્છતા હોય તેવી ગુજરાતી કે અંગ્રેજી માધ્યમની શાળાઓ પસંદ કરી શકશે. ત્યાર બાદ ડ્રોના માધ્યમથી વિદ્યાર્થીઓને સ્કૂલમાં પ્રવેશ અપાશે. વાલીઓ આરટીઈની વેબસાઇટ http://rte.orpgujarat.com પર ફોર્મ ભરી શકશે.
22 એપ્રિલ 2 વાગ્યા સુધી સ્વીકારવામાં આવશે અરજી
પ્રવેશ માટે કુટુંબમાં એકમાત્ર દીકરી હોય તેવા પરિવારોને શાળા પ્રવેશમાં પ્રાધાન્ય આપવામાં આવશે. મહાનગરપાલિકામાંથી વાલીએ સિંગલ ગર્લ ચાઇલ્ડનું પ્રમાણપત્ર અપલોડ કરવાનું રહેશે. અરજી સ્વીકારવાની છેલ્લી તારીખ 22 એપ્રિલ હોઈ બપોરના 2 વાગ્યા સુધી અરજી સ્વીકારવામાં આવશે. એડમિશન માટે વાલીએ કરેલી અરજીમાં ખૂટતા ડોક્યુમેન્ટ અપલોડ કરવા માટે વાલીઓને ફરી એક તક 25થી 27 એપ્રિલ સુધી આપવામાં આવશે.
ફોર્મ ભરતી વખતે આ ડોક્યુમેન્ટ રાખવા પડશે સાથે
ત્યારબાદ જે ખૂટતા ડોક્યુમેન્ટ અપલોડ થયા હશે તેની ચકાસણી 25થી 29 એપ્રિલ સુધી કરવામાં આવશે. ત્યારબાદ આરટીઈ પ્રવેશ પ્રક્રિયાનો પહેલો રાઉન્ડ 3 મેના રોજ શરૂ થશે. ઓનલાઈન ફોર્મ ભરવા સમયે વાલીએ જરૂરી પુરાવા સાથે રાખવા પડશે, જેમ કે જન્મ તારીખનો દાખલો, રહેઠાણનો પુરાવો, જાતિનો દાખલો, ઇન્કમટેક્સ રિટર્ન, ઉપરાંત જો કોઈએ ઇન્કમટેક્સ રિર્ટન ભરેલ ન હોય તેવા કિસ્સામાં આવકવેરાને પાત્ર આવક ન થતી હોવા અંગેનું સોગંદનામું વગેરે અસલ આધારો ઓનલાઈન અપલોડ કરવાના રહેશે. ઓનલાઈન ફોર્મ ભર્યા બાદ વાલીએ ફોર્મ ક્યાંય જમા કરવવાના રહેશે નહીં. વાલીએ ફોર્મની એક નકલ પોતાની પાસે જ રાખવાની રહેશે.
