- બાહુબલી સ્ટાર પ્રભાસની ફી છે સૌથી વધારે
- સિનિયર હોવા છંતા સૈફ અલી ખાનની ફી છે પ્રભાસ કરતા ઘણી ઓછી
- સોનલ ચૌહાણ પણ આ ફિલ્મમાં જોવા મળશે
Adipurush Star Cast Fees: 16 જૂન, 2023ના રોજ સિનેમાઘરોમાં એક મોટી ફિલ્મ રિલીઝ થવા જઈ રહી છે, જેનું નામ 'આદિપુરુષ' છે. આ ફિલ્મ દ્વારા સાઉથનો સુપરસ્ટાર પ્રભાસ ફરી એકવાર મોટા પડદા પર ધમાલ મચાવવા માટે તૈયાર છે. આ ફિલ્મમાં પ્રભાસ ઉપરાંત બોલિવુડ અભિનેતા સૈફ અલી ખાન, અભિનેત્રી ક્રિતિ સેનન અને સની સિંહ પણ જોવા મળશે. તમને જાણીને નવાઈ લાગશે કે 'રામાયણ' પર આધારિત આ ફિલ્મ માટે લીડ સ્ટારની ફી જાણીને ચોંકી જશો... આવો જાણીએ કલાકારોની ફી વિશે..
પ્રભાસઃ 'બાહુબલી'ની ધમાકેદાર સફળતા બાદ દેશના સૌથી મોટા સ્ટાર્સમાંનો એક અભિનેતા પ્રભાસ છે. પ્રભાસે પોતાની ફી વધારીને 100 કરોડ રૂપિયાથી વધુ કરી દીધી છે. મીડિયા રિપોર્ટ્સ અનુસાર, આ ફિલ્મમાં ભગવાન શ્રીરામની ભૂમિકા ભજવવા માટે પ્રભાસને લગભગ 150 કરોડ રૂપિયા આપવામાં આવ્યા છે.
સૈફ અલી ખાન: આ ફિલ્મ માટે સૈફ અલી ખાનને પણ માટે મોટી રકમ આપવામાં આવી છે. આ ફિલ્મમાં સૈફ રાવણના રોલમાં જોવા મળશે. મીડિયા રિપોર્ટ્સનું માનીએ તો આ ફિલ્મ માટે તેને લગભગ 12 કરોડ રૂપિયા ચૂકવવામાં આવ્યા છે.
ક્રિતિ સેનનઃ બોલિવુડની જાણીતી અભિનેત્રી ક્રિતિ સેનન, જે આ ફિલ્મમાં મુખ્ય અભિનેત્રી તરીકે જોવા મળશે, તેની ફી પણ ભારે હોવાનું કહેવાય છે. આ ફિલ્મમાં માતા સીતાના રોલમાં જોવા મળી રહેલી ક્રિતિ સેનનને લગભગ 3 કરોડ રૂપિયા ચૂકવવામાં આવ્યા છે.
સની સિંહ: આ સિવાય લક્ષ્મણના પાત્રમાં જોવા મળશે તેવા સની સિંહને લગભગ 1.5 કરોડ રૂપિયા અને સોનલ ચૌહાણ જે ફિલ્મમાં મહત્વની ભૂમિકા ભજવશે તેને લગભગ 50 લાખ રૂપિયા ચૂકવવામાં આવ્યા છે.
