કામની વાત / શું આધાર કાર્ડનો ફોટો તમને નથી પસંદ! તો ચિંતા ન કરો, આજે જ કરાવી દો અપડૅટ, જાણો પ્રોસેસ

• આધાર કાર્ડને બેંક એકાઉન્ટ, સિમ કાર્ડ અને પાન કાર્ડ સાથે લિંક કરવું ફરજિયાત છે.
• ઓનલાઇન નહીં બદલી શકાય આધાર કાર્ડનો ફોટો
• ફોટો બદલાવવામાં 90 દિવસનો લાગે છે સમય 

aadhaar card photo update: આધાર કાર્ડ વર્તમાન સમયમાં ખૂબ જ મહત્વનું ડોક્યુમેન્ટ બની ગયું છે. આજકાલ બેંક ખાતું ખોલાવવું, સીમકાર્ડ ખરીદવું, બાળકોને શાળામાં પ્રવેશ અપાવવો, પેન્શન યોજના, રોકાણ વગેરે જેવુ કોઇપણ કામ  આધારકાર્ડ  વિના શક્ય નથી. જેમાં તમારું નામ, સરનામું, જન્મ તારીખ સહિતનો બાયોમેટ્રિક ડેટા પણ સંગ્રહિત છે. આ એક માત્ર ડોક્યુમેન્ટ દ્વારા તમામ માહિતી એકઠી કરવું સરળ બનાવે છે. હવે તમારા આધાર કાર્ડને બેંક એકાઉન્ટ, સિમ કાર્ડ અને પાન કાર્ડ સાથે લિંક કરવું ફરજિયાત છે.

તમે જોયું જ હશે કે મોટાભાગના લોકોના આધાર કાર્ડમાં ફોટો સારો નથી આવતો. ઘણી વખત ફોટો સારો ન હોય ત્યારે આધાર કાર્ડ સાથેનો ફોટો કહીને તેની મજાક ઉડાવવામાં આવે છે. જો તમારા આધારમાં ફોટો સારો નથી અને તેની મજાક ઉડાવવામાં આવે છે, તો તમે તેને સરળતાથી બદલી શકો છો. આવો જાણીએ આધારકાર્ડ પરનો ફોટો બદલવાની પદ્ધતિ વિશે.

ઓનલાઇન ઉપલબ્ધ નથી આ સુવિધા
ઉલ્લેખનીય છે કે આધાર કાર્ડમાં ફોટો અપડેટ કરવાની સુવિધા ઓનલાઈન ઉપલબ્ધ નથી, એટલે કે તમે તેને ઘરે બેસીને બદલી શકતા નથી. જો તમને તમારા આધાર કાર્ડનો ફોટો ગમતો નથી અને તમે તેને બદલવા માંગો છો, તો તમે નજીકના આધાર કેન્દ્ર પર જઈને તેને સરળતાથી બદલી શકો છો. આવો આગળની સંપૂર્ણ પ્રક્રિયા વિશે જાણીએ.

આ રીતે બદલો આધાર કાર્ડમાં ફોટો

• આધારમાં ફોટો બદલવા માટે તમારે પહેલા UIDAI વેબસાઇટ uidai.gov.in પર લોગિન કરવું પડશે 
• આધાર નોંધણી ફોર્મ ડાઉનલોડ કરવું પડશે. 
• આ ફોર્મ ભરો અને તમારા નજીકના આધાર કેન્દ્ર પર સબમિટ કરો. 
• અહીં તમારી પાસેથી બાયોમેટ્રિક વિગતો લેવામાં આવશે. 
• આ સાથે તમારો નવો ફોટો લેવામાં આવશે. 
• અહીં એક સરસ હસતો ફોટો લીધા પછી, તમારે GSTની સાથે ફી તરીકે 100 રૂપિયા ચૂકવવા પડશે. 
• તમારું કાર્ય અહીં પૂર્ણ થશે. 
• અપડેટ થવામાં 90 દિવસ જેટલો સમય લાગી શકે છે.

આ રીતે ચેક કરો
આધાર કેન્દ્રમાં ફોટો અપડેટ કરતી વખતે તમને URN સાથે એક સ્લિપ પણ આપવામાં આવે છે. આની મદદથી તમે ચેક કરી શકો છો કે તમારા આધાર કાર્ડનો ફોટો બદલાયો છે કે નહીં. જ્યારે તમારો ફોટો અપડેટ થાય છે, ત્યારે તમે UIDAI વેબસાઈટ પર જઈને નવા ફોટો સાથે આધાર કાર્ડ ડાઉનલોડ કરી શકો છો.