હિંમતનગર / કરિયાણાની દુકાનમાં આગ એટલી વિકરાળ બની કે જેસીબી વડે દુકાનનું શટર તોડી, કાબૂ મેળવાયો

• કરિયાણાની દુકાનમાં વહેલી સવારે લાગી આગ
• બે માળની ઉમિયા કિરાણા સ્ટોર્સમાં લાગી આગ
• જેસીબી વડે દુકાનના શટર તોડી આગ પર મેળવ્યો કાબુ 

અવાર નવાર આગની ઘટનાઓ સામે આવતી હોય છે ત્યારે હિંમતનગરના નવા બજાર વિસ્તારમાં આગની ઘટના સામે આવી હતી. કરિયાણાની દુકાનમાં આગ લાગતા અફરા તફરીનો માહોલ સર્જાયો હતો. જોત જોતામાં આગને વિકરાળ સ્વરૂપ ધારણ કરતા આગની જ્વાળાઓ આખી દુકાનમાં પ્રસરી ઉઠી હતી અને દુકાનમાં રહેલો સામાન બળીને ખાખ થઈ ગયો હતો. જો કે કોઈજાનહાનિ સર્જાઈ નહોંતી. આગની જાણ ફાયર વિભાગને કરાતા ફાયરનો કાફલો ઘટના સ્થળે દોડી આવ્યો હતો અને ભારે જહેમત બાદ આગ પર કાબૂ મેળવ્યો હતો. 

હિંમતનગરના નવા બજાર વિસ્તારમાં આગ 

નવા બજાર પાસે કરિયાણાની દુકાનમાં વહેલી સવારે લાગેલી આગથી લોકોમાં હડકંપ મચી ગયો હતો અને લોકોમાં નાશભાગ પણ જોવા મળી હતી. બે માળની ઉમિયા કિરાણા સ્ટોર્સમાં આગ એટલી વિકરાળ બની હતી કે જેસીબી વડે દુકાનના શટરને તોડવામાં આવ્યું હતું અને ફાયરના જવાનોએ પાણીનો મારો ચલાવીને ભારે જહેમત બાદ આગ પર કાબૂ મેળવ્યો હતો. જોકે આગ લાગવાનું કોઈ ચોક્કસ કારણો હજુ સુધી સામે આવ્યું નથી પરતું આગ શોર્ટ સર્કિટને કારણે લાગી હોવાનું અનુમાન સેવાઈ રહ્યું છે.