વાહ.. / નદીની વચ્ચેથી સડસડાટ કાઢી 108 ઍમ્બ્યુલન્સ, પોતાના જીવની ન કરી પરવાહ, જુઓ પોરબંદરનો આ વીડિયો

• પોરબંદરમાં 108ની પ્રશંસનીય કામગીરી સામે આવી
• નદીના ધસમસતા પ્રવાહને પાર કરી સગર્ભા મહિલાનો જીવ બચાવ્યો 
• લોકોએ 108 એમ્બ્યુલન્સના કર્મચારીની પ્રસંશા કરી

રાજ્યના અનેક વિસ્તારોમાં વરસાદી આફત એવી રીતે વરસી કે, મુશ્કેલીમાં ધોધમાર વધારો કરી દીધો છે. ભારે વરસાદના પગલે અનેક વિસ્તારોમાં પાણી ભરાયા છે તો અનેક ખેતરો બેટમાં ફેરવાયા છે. મૂશળધાર મેઘાના કારણે અનેક રસ્તાઓ સ્વિમિંગ પૂલ બની ગયા છે. આ બધાની વચ્ચે પોરબંદરમાં 108ની પ્રશંસનીય કામગીરી સામે આવી છે.

108ની પ્રશંસનીય કામગીરી
પોરબંદરમાં 108 નદીના ધસમસતા પ્રવાહને પાર કરી સગર્ભા મહિલાનો જીવ બચાવ્યો છે. કેશોદના લૂસાળા ગામની મહિલાને પ્રસવ પીડા ઉપડતા 108 બોલાવી હતી. પરંતુ રસ્તા પર ભારે વરસાદી પાણી હોવના કારણે ડર પણ હતો કે, 108 કેવી રીતે આવશે. પરંતુ 108ના પાયલોટે હિંમતભેર દેરોદર અને એરડા ગામ વચ્ચે પાણીમાં એમ્બ્યુલન્સ હંકારી હતી.

નદીના પ્રવાહને પાર કરી મહિલાને બચાવી
108ના પાયલોટ અને AMTએ પોતાના જીવની પરવાહ કર્યા વગર મહિલાને બચાવી લીધી છે. સગર્ભા મહિલાને સમયસર હોસ્પિટલ પહોંચાડી તેનો જીવ બચાવ્યો જેને લઈ પરિવારે 108ના સ્ટાફનો આભાર વ્યક્ત કર્યો હતો તો લોકોએ 108 એમ્બ્યુલન્સના કર્મચારીની પ્રસંશા કરી રહ્યાં છે.