અફરાતફરી / એક સિગારેટના કારણે વંદે ભારત ટ્રેનમાં મચી ગયો ભાગમભાગ, લોકો અરીસો તોડીને ભાગ્યા, જુઓ વીડિયો

• તિરૂપતિથી સિકંદરાબાદ જતી વંદે ભારત ટ્રેન ચર્ચામાં
• ટ્રેનમા બંધાણી મુસાફરે સિગારેટ સળગાવતા અફરાતફરી
• પોલીસે દોડી જઇ કરી કાર્યવાહી

કોઈને કોઈ કારણસર વંદે ભારત એક્સપ્રેસ ટ્રેન હંમેશા ચર્ચામાં રહેતી હોય છે. ઢોર અથડાવાથી લઈને અન્ય કારણોસર ટ્રેન હેડલાઇન્સ બનતી હોય છે. પરંતુ આ વખતે ચોંકાવનારી ઘટના સામે આવી છે. જેમાં સિગરેટ અને બીડીને લઈને ટ્રેનમાં અફરાતફરી મચી ગઈ હતી અને લોકો બહાર નીકળવા માટે બારીઓ તોડવા લાગ્યા હતા. તિરૂપતિથી સિકંદરાબાદ જતી વંદે ભારત ટ્રેનમાં સામે આવેલા આ કિસ્સાને પગલે ચકચાર જાગી છે.

వందే భారత్ రైలులో పొగలు

గూడూరు - మనుబోలు మధ్య రైలు నిలిపివేత. తిరుపతి నుంచి హైదరాబాద్ వెళుతుండగా ఘటన.

రైలు టాయిలెట్‌లో ఓ వ్యక్తి సిగరెట్ తాగడంతో రైలు నిండా పొగలు.#VandeBharat #VandeBharatExpress pic.twitter.com/Vl2tW65oph

— Telugu Scribe (@TeluguScribe) August 9, 2023

કોચમાં એરોસોલનો છંટકાવ થઈ ગયો

વાત એમ છે કે વંદે ભારત એક્સપ્રેસ ટ્રેન આંધ્રપ્રદેશના તિરૂપતિથી સિકંદરાબાદ જઈ રહી હતી. આ દરમિયાન લગભગ 8 કલાકનું ડિસ્ટન્સ હતું ત્યારે ટ્રેનમાં સવાર એક બંધાણીને સિગરેટની તલબ લાગી હતી.જેથી તેણે ચુપચાપ ટ્રેનના ટોયલેટમાં જઈને સિગરેટ સળગાવી હતી. જોતજોતામાં તે સિગરેટનો ધુમાડો ટ્રેનના કોચમાં ફરી વળતા ઓટોમેટિક ફાયર આલાર્મ તરત જ વાગવા લાગ્યું હતું અને ફાયરના સાધનો પણ એક્ટિવ થઈ ગયા હતા. જે ઓટોમેટીક કામ કરવા લાગતા કોચમાં એરોસોલનો છંટકાવ થઈ ગયો હતો.

આરોપી ટોયલેટમાં છુપાઈ ગયો હતો

જોકે આ સમગ્ર કિસ્સાને લઈને મુસાફરોમાં ડરનો માહોલ જોવા મળ્યો હતો. આથી લોકો પોતાના જીવ બચાવવા માટે કોચમાં દોટ મૂકી રહ્યા હતા. બીજી બાજુ સિગરેટનો બંધાણી ઓટોમેટિક ફાયર સિસ્ટમ મામલે અજાણ હતો અને તેમણે ટિકિટ પણ ન લીધી હોવાનું સામે આવ્યું હતું જેથી તે ટોયલેટમાં છુપાઈ ગયો હતો. બાદમાં રેલવે પોલીસે તેને દબોચી લઈ કાર્યવાહી હાથ ધરી હતી.