લોકસભા ચૂંટણીને લઈ ગુજરાતમાં 26 સીટો પર ભાજપના રાષ્ટ્રીય અધ્યક્ષ દ્વારા વર્ચ્યુઅલી 26 લોકસભા બેઠકો પર કાર્યાલયનું ઉદ્ઘાટન કર્યું હતુ. આ બાબતે ભરૂચના સાંસદે ભાજપની જીતનો આશાવાદ વ્યક્તો કર્યો હતો.
Share
ભરૂચમાં લોકસભા ચૂંટણીને લઈને કાર્યાલયની શરૂઆત
ભરૂચના સાંસદ મનસુખ વસાવાએ ભાજપની જીતનો આશાવાદ વ્યક્ત કર્યો
પાર્ટીએ મને 6 વખત ટિકિટ આપી છે: મનસુખ વસાવા
ભરૂચમાં લોકસભા ચૂંટણીને લઈ કાર્યાલયની શરૂઆત કરવામાં આવી છે. ભરૂચના સાંસદ મનસુખ વસાવાએ ભાજપની જીતનો આશાવાદ વ્યક્ત કર્યો હતો. તેમજ પાર્ટી જે પણ ઉમેદવારને ટિકિટ આપશે. તેની જીતની જવાબદારી મારી છે. પાર્ટીએ 6 વખત મને ટિકિટ આપી છે. ભરૂચ બેઠક પર ભાજપનો જ ઉમેદવાર વિજયી થશે.
અમે કરેલા કામોના કારણે અમે જીતીશુંઃ મનસુખ વસાવા
આ બાબતે મનસુખ વસાવાએ જણાવ્યું હતું કે, અમે વિશ્વાસ સાથે કહીએ છીએ કે, સરકાર દ્વારા કરેલા કામો તેમજ સંગઠનની તાકાતના આધારે અમે આ લોકસભા બેઠક જીતવાના છીએ. ઉમેદવાર કોઈ પણ હોય એને જીતાડવાની મારી સંપૂર્ણ જવાબદારી છે. મુમતાજબેન પટેલ હશે, ચૈતર વસાવા હશે કે અન્ય કોઈ એનાથી અમને કોઈ ફરક નથી પડવાનો. અમે કરેલા કામોના કારણે અમે જીતીશું.
ભરૂચમાં મધસ્થ ચૂંટણી કાર્યાલયનું આજરોજ ઉદ્દઘાટન કરવામાં આવ્યું
લોકસભાની ચૂંટણીને લઈને ભરૂચમાં મધસ્થ ચૂંટણી કાર્યાલયનું આજરોજ ઉદ્દઘાટન કરવામાં આવ્યું. ભરૂચ લોકસભાના મધ્યસ્થ ચૂંટણી કાર્યાલયનું ઉદ્દઘાટન માનનીય રાજ્યમંત્રી મૂકેશભાઈ પટેલ અને રાજ્યસભા સાંસદ રમીલાબેન બારાના વરદહસ્તે કરવામાં આવ્યું. આ ચૂંટણી કાર્યાલયના ઉદઘાટનમાં ભરૂચ લોકસભાના તમામ ધારાસભ્યો, જિલ્લા પ્રમુખ, ભરૂચ સાંસદ મનસુખ વસાવા પણ ઉપસ્થિત રહ્યા હતા.
