મનોરંજન / આતંકવાદને ઉજાગર કરતી '72 હૂરેં' ફિલ્મનું દમદાર ટીઝર રિલીઝ, લોકોએ કહ્યું 'આગ લગા દી...'

• '72 હૂરેં'નું ટીઝર થયું રિલીઝ
• આતંકવાદને ઉજાગર કરે છે ફિલ્મ 
• દર્શકોને ખૂબ પસંદ આવી રહ્યું છે ટીઝર 

સંજય પુરન સિંહ ચૌહાનના નિર્દેશનમાં બનેલી ફિલ્મ '72 હૂરેં'નું પહેલું ટીઝર આજે 4 જૂને રિલીઝ થઈ ગયું છે. જેમાં પવન મલ્હોત્રા અને આમિર બશીર જેવા એક્ટર્સ મહત્વના રોલમાં છે. ફિલ્મના ટીઝર દ્વારા આતંકવાદનું કારણ જણાવવામાં આવી રહ્યું છે. અમુક કટ્ટરપંથી કઈ રીતે સામાન્ય લોકોને ધર્મના નામ પર આતંકવાદી બનાવી દે છે. ફિલ્મના ટીઝરથી જાહેર થાય છે કે ફિલ્મ આતંકવાદની માનસિકતા પર છે. 

ટીઝર જોયા બાદ લોકો આપી રહ્યા છે પ્રતિક્રિયા 
ફિલ્મનું નામ પણ જણાવે છે કે કઈ રીતે અમુક કટ્ટરપંથી જીહાદના નામ પર સામાન્ય લોકોને આતંકવાદનો રસ્તો અપનાવવા માટે મજબૂર કરે છે અને તેમને વિશ્વાસ અપાવે છે કે તે મર્યા બાદ જ્યારે જન્નત જશે ત્યારે '72 હૂરેં' (કુવારી યુવતીઓ) તેમની સેવા કરશે. 

ફિલ્મ '72 હૂરેં'નું ટીઝર જોયા બાદ લોકો પોતાની પ્રતિક્રિયા આપી રહ્યા છે. એક યુઝરે લખ્યું, "ફિલ્મની રાહ જોઈ રહ્યો છું, શાનદાર ટીઝર." બીજા એક યુઝરે લખ્યું, "ફિલ્મ રિલીઝની આતુરતા પૂર્વક રાહ જોઈ રહ્યા છીએ."

આતંકવાદ પર પ્રહાર છે ફિલ્મ '72 હૂરેં' 
નેટિજેન્સ ફિલ્મના નામના વખાણ કરી રહ્યા છે. એક યુઝરે લખ્યું, "જબરદસ્ત". જ્યારે બીજા એક યુઝરે ફિલ્મનું ટિઝર જોઈ લખ્યું, "બોલિવુડે આગ લગાવી દીધી". ફિલ્મ '72 હૂરેં'નો વિષય ધ કેરલ સ્ટોરી અને ધ કાશ્મીર ફાઈલ્સ જેવી ફિલ્મો સાથે મળે છે. 

ફિલ્મ આતંકવાદ અને આતંકવાદીઓની માનસિકતા પર ખુલીને વાત કરે છે. જોકે અમુક એવા પણ લોકો છે જેમને લાગે છે કે આ પ્રકારની ફિલ્મો મુસ્લિમોના વિરૂદ્ધ નફરત અને ડરની ભાવનાને પ્રોત્સાહન આપશે. 

7 જુલાઈએ રિલીઝ થશે ફિલમ '72 હૂરેં' 
ફિલ્મ '72 હૂરેં' ફિલ્મ ફેસ્ટિવલમાં દર્શાવવામાં આવી ચુકી છે. ફિલ્મને વર્ષ 2019માં ગોવામાં આયોજીત થયેલા 'ઈન્ટરનેશનલ ફિલ્મ ફેસ્ટિવલ ઓફ ઈન્ડિયા'માં જર્શાવવામાં આવી હતી. સંજય પુરન સિંહ ચૌહાને વર્ષ 2021માં ફિલ્મ માટે બેસ્ટ ડાયરેક્ટરનો રાષ્ટ્રીય પુરસ્કાર મળ્યો હતો.

ટીઝર જોઈને લાગે છે કે આ દર્શકોના રૂવાડા ઉભા કરી દેશે. આ ફિલ્મ આવતા મહિને 7 જુલાઈએ સિનેમાઘરોમાં રિલીઝ થશે.