હેલ્થ / વજન જ નહીં આ 6 બીમારીઓ પણ ઠીક કરી દેશે પૌંઆ, ડાયાબિટીસ-બ્લડપ્રેશરના દર્દીઓ ખાસ ખાય

• 6 બીમારીમાથી પણ રાહત આપે છે પૌંઆ
• ડાયાબિટીસ-બ્લડપ્રેશરના દર્દીઓ માટે પણ ગણકારક
• પૌંઆમાં ફાઈબર, આયર્ન, વિટામિન અને કાર્બોહાઈડ્રેટ્સ મળે છે ભરપૂર

પૌંઆ ખાવાનું મોટાભાગના લોકો પસંદ કરતા હોય છે આ પૌંઆને હેલ્ધી નાસ્તો માનવામાં આવે છે અને આ નાસ્તો બનાવવો પણ ખૂબ સરળ છે અને  ઉત્તર ભારતની પ્રખ્યાત વાનગી છે, જેમાં પણ ઈન્દોરના પૌંઆ દેશ દુનિયામાં વખણાઇ છે. વૃદ્ધો, બાળકો કે યુવાનો તમામ વર્ગના લોકો પૌંઆ ખાવાનું પસંદ કરતા હોય છે. પૌંઆમાં ફાઈબર, આયર્ન, વિટામિન અને કાર્બોહાઈડ્રેટ્સ ભરપૂર માત્રામાં મળી આવે છે. 

પૌંઆ ખાવાના ફાયદાની વાત કરીએ તો રોગપ્રતિકારક શક્તિનો વધારો થાય છે અને પૌંઆમાં અમુક શાકભાજી પણ ઉમેરી શકાય છે. જેથી તેમાં રહેલ તત્વો રોગપ્રતિકારક શક્તિને વધારે છે. વધુમાં પૌંઆમાં ભરપૂર માત્રામાં ફાઈબર હોવાથી બ્લડ શુગર લેવલને નિયંત્રિત કરવામાં મદદ કરે છે. તથા શુગરના દર્દીઓ માટે ફાયદાકારક છે.

વજન ઘટાડવામાં ફાયદાકારક

પૌંઆ ખાધા પછી લાંબો સમય ભૂખ લાગતી ન હોવાથી વધુ પડતું ખાવાની જરૂર જણાતી નથી. જેથી વજન ઘટાડવામાં મદદ કરે છે. તેમજ  પૌંઆમાં રહેલ તત્વથી તમે દિવસભર ઉર્જા અનુભવી શકો છો. પૌંઆમાં કાર્બોહાઈડ્રેટ હોય છે જે શરીરને એનર્જી આપે છે.

એસિડિટીથી દુર રાખે છે.
પૌંઆમાં આયર્ન અને ફાઈબર ભરપૂર માત્રામાં હોવાથી ડાયાબિટીસના દર્દીઓ માટે ફાયદાકારક છે. તેમજ પૌંઆમાં બી વિટામિન અને આયર્ન પણ હોય છે. ખાસ પૌંઆ પચવામાં સરળ છે અને પાચનતંત્રને પણ સ્વસ્થ રાખે છે. જે એસિડિટીથી દુર રાખે છે.