- પોલીસ સ્ટાફ પરેશાન કરે તો આ નંબર ઘુમાવો
- પોલીસ દમન સામે ફરિયાદ કરવા 5 આંકડાનો નંબર જાહેર
- રાજ્યના એડવોકેટ જનરલે હાઈકોર્ટ સમક્ષ માહિતી આપી
જો હવે પોલીસ તમને હેરાન કરે તો તમે પણ પોલીસની ફરિયાદ નોંધાવી શકો છો. પોલીસ દમન અને પોલીસ સામે ફરિયાદ નોંધવા માટે રાજ્ય સરકાર દ્વારા એક અલગ જ નંબર જાહેર કરવામાં આવ્યો છે. જેમાં તમે ફોન કરીને ફરિયાદ નોંધાવી શકો છો.રાજ્યના એડવોકેટ જનરલે હાઈકોર્ટ સમક્ષ માહિતી આપી છે. www.Indianhelplinenumber.com પર તમે તમામ પ્રકારના ઈમરજન્સી નંબર મળી જશે.
ફરિયાદ નોંધાવવા માટે 14449 નંબર જાહેર કર્યો
સરકારે એફિડેવિટ કરીને પોલીસ સમક્ષ ફરિયાદ નોંધાવવા માટે 14449 નંબર જાહેર કર્યો છે. આગામી 15 દિવસમાં આ હેલ્પલાઇન નંબર કાર્યરત કરવા માટે સરકારે કોર્ટને બાંહેધરી આપી હતી. નંબર એક્ટિવેટ થતા લોકોને તેની જાગૃતિ મળી રહે તે માટે નંબરની જાહેરાત કરવામાં આવશે. પોલીસ સામે ફરિયાદ માટેનો નંબર 24*7 કાર્યરત રહેશે.. રાજ્ય સરકારે બીજા હેલ્પલાઇન નંબર પણ કોર્ટ સમક્ષ જણાવ્યા છે.. જે પણ બહાર પાડવામાં આવશે.. હાલમાં 1091 મહિલા હેલ્પલાઇન નંબર, 1064 ભ્રષ્ટાચાર નિવારણ માટે અત્યારે કાર્યરત છે.
આગામી 15 દિવસમાં નંબર સક્રિય કરવા કવાયત હાથ ધરવામાં આવશે
આ ઉપરાંત દેશ સ્તરની જુદી જુદી હેલ્પલાઇન નંબરને પણ કાર્યરત કરવામાં આવશે. આ મામલે આગામી સુનાવણી 16 ફેબ્રુઆરીના હાથ ધરવામાં આવશે. આમ આગામી સમયમાં જો તમને પોલીસ ખોટી રીતે હેરાન કરે તો તમે તેની સામે ફરિયાદ નોંધાવી શકો છો. તમને જણાવી દયે કે આગામી 15 દિવસમાં નંબર સક્રિય કરવા કવાયત હાથ ધરવામાં આવશે.. અન્ય હેલ્પલાઇનની જેમ આ હેલ્પલાઇન 24/7 કાર્યરત રહેશે. નંબર સક્રિય થતાં તેનો જાહેરાતના માધ્યમથી પ્રચાર પ્રસાર કરવામાં આવશે.
