રાજ્યમાં વરસાદનો ત્રીજો રાઉન્ડ શરૂ થવાની તૈયારીમાં છે. ત્યારે સુરતનાં પલસાણાં તેમજ સૌરાષ્ટ્રનાં રાજકોટ, જુનાગઢ શહેર તેમજ ગ્રામ્ય વિસ્તારમાં વરસાદી માહોલ છવાયો હતો. વરસાદ વરસતા વાતાવરણમાં ઠંડક પ્રસરી જવા પામી હતી.
Share
સુરતના પલસાણા પંથકમાં ધોધમાર વરસાદ
ધોરાજી અને ઉપલેટાના ગ્રામ્ય વિસ્તારમાં ધોધમાર વરસાદ
બોટાદ ના ગઢડા તાલુકાના ગ્રામ્ય વિસ્તારોમાં વરસાદ
ભાવનગરમાં 3 ઈંચ વરસાદમાં જ ઠેર ઠેર પાણી
સુરતનાં પલસાણાં પંથકમાં ધોધમાર વરસાદ પડ્યો હતો. પલસાણામાં વહેલી સવારે 6 થી 4 વાગ્યામાં 3.5 ઈંચ વરસાદ નોંધાયો છે. પલસાણાના કડોદરા, ચલથાણ તાતીથૈયા સહિતના ગામડાઓમાં વરસાદી માહોલ છવાયો હતો. સવારથી જ અવિરત વરસાદી માહોલ થતા વાતાવરણમાં ઠંડક છવાઈ ગઈ હતી.
વરસાદ પડતા નીંચાણવાળા વિસ્તારમાં ભરાયા પાણી
રાજકોટ જીલ્લાનાં ધોરાજી અને ઉપલેટામાં ધોધમાર વરસાદ પડ્યો હતો. ત્યારે વરસાદ પડતા નીચાણવાળા વિસ્તારમાં પાણી ભરાયા હતા. ધોરાજી અને ઉપલેટાનાં ગ્રામ્ય વિસ્તારમાં ધોધમાર વરસાદ પડ્યો હતો. ધોરાજીના ચકલા ચોક વોકળા કાંઠાનાં વિસ્તારમાં પાણી ભરાયા હતા.
તાલુકાના ઢસાગામ સહિત ગ્રામ્ય વિસ્તારમાં ફરી વરસાદ
બોટાદનાં ગઢડા તાલુકાનાં ગ્રામ્ય વિસ્તારમાં વરસાદ પડ્યો હતો. તાલુકાનાં ઢસાગામ સહિત ગ્રામ્ય વિસ્તારમાં ફરી વરસાદ ખાબક્યો હતો. ઢસા સહિત જુનવદર. જલાલપુર સહિત ગ્રામ્ય વિસ્તારોમાં વરસાદ ખાબક્યો હતો.
વાવેતર કરેલ ઉભા પાક પર પાણી ફરી વળ્યાં
જુનાગઢનાં કેશોદ તાલુકાનાં પાણખાણ ગામે ધોધમાર વરસાદ પડ્યો હતો. ધોધમાર વરસાદ પડતા નોરી નદીમાં પુર આવ્યું હતું. વધુ વરસાદ પડતા ગામમાં નીચાણવાળા વિસ્તારમાં ઘરોમાં પાણી ઘુસ્યા હતા. ત્યારે વાવેતર કરેલ ઉભા પાક પર પાણી ફરી વળ્યા હતા. મગફળી, કપાસ, એરંડા જેવા પાકોમાં નુકશાન થયું હતું.
3 ઇંચ વરસાદમાં જ રસ્તાઓ પર ભરાયા પાણી
ભાવનગરમાં વરસાદને કારણે ઠેર ઠેર પાણી ભરાયા હતા. ત્યારે 3 ઈંચ વરસાદમાં જ રસ્તાઓ પર પાણી ભરાયા હતા. પાનવાડી, મેઘાણી સર્કલ, રબર ફેક્ટરી સર્કલ પાસે પાણી ભરાયા હતા. નવાપરા સહિતનાં વિસ્તારમાં પાણી ભરાયા હતા. વરસાદી પાણી ભરાવવાની સાથે જ વાહન ચાલકોએ ભારે મુશ્કેલી વેઠવી પડી હતી.
