કાર્યવાહી / BIG NEWS: કેન્દ્રીય મંત્રીના પુત્ર આશિષને ઝટકો, 3 દિવસના પોલિસ રિમાન્ડ પર, કોર્ટનો મોટો ચુકાદો

Hiralal

Last Updated: 05:16 PM, 11 October 2021

FOLLOW ON

શેર કરો

લખીમપુર ખીરી હિંસા કેસના આરોપી અને કેન્દ્રીય મંત્રી અજય મિશ્રાના પુત્ર આશીષ મિશ્રાને કોર્ટે તરફથી એક મોટો તગડો ઝટકો લાગ્યો છે.

લખીમપુર હિંસાના આરોપી આશિષ મિશ્રાને મોટો ઝટકો
લખનઉની કોર્ટે કોઈ રાહત ન આપી
આરોપી આશિષ મિશ્રાના ત્રણ દિવસના પોલીસ રિમાન્ડ મંજૂર

‎લખીમપુર ખેરી કેસના મુખ્ય આરોપીને આશિષ મિશ્રાને કોર્ટ તરફથી કોઈ રાહત મળી નથી. લખનઉની સીજીએમ કોર્ટે આરોપી આશિષ મિશ્રાને 3 દિવસના પોલીસ રિમાન્ડ પર મોકલી આપવાનો આદેશ આપ્યો છે. કોર્ટે આરોપીને તેની સાથે વકીલ રાખવાની પણ પરમિશન આપી છે. કોર્ટના આદેશ બાદ હવે આશીષ 12 ઓક્ટોબરના સવારના 10 થી 15 ઓક્ટોબરના સવારના 10 સુધી પોલીસ રિમાન્ડ પર રહેશે.

સોમવારે ફરિયાદ પક્ષે આશિષના બે દિવસના પોલીસ રિમાન્ડ માગ્યા

સોમવારે ફરિયાદ પક્ષે આશિષના બે દિવસના પોલીસ રિમાન્ડ માગ્યા હતા પરંતુ બચાવ પક્ષના વકીલોએ આ માગ પર વાંધો ઉઠાવ્યો હતો. આખરે બન્ને પક્ષોની દલીલ સાંભળ્યા બાદ કોર્ટે આરોપીને ત્રણ દિવસના પોલીસ રિમાન્ડ પર સોંપવાનો આદેશ આપ્યો હતો.

આશીષ મિશ્રા પર શું છે મોટો આરોપ
કેન્દ્રીય ગૃહરાજ્ય મંત્રી અજય મિશ્રાના પુત્ર આશીષ મિશ્રા પર લખીમપુર ખીરીમાં ખેડૂતો પર ગાડી ચડાવી દઈને 4 ખેડૂતોના મોત નીપજાવવાનો મોટો આરોપ છે. કોંગ્રેસ સહિત સમગ્ર વિપક્ષ આશિષ મિશ્રાને લઈને રાજ્ય અને કેન્દ્ર સરકાર પર હુમલો કરી રહ્યો છે. આશિષના પિતા અને કેન્દ્રીય મંત્રી અજય મિશ્રા તેનીની હકાલપટ્ટી કરવાની માંગ કરવામાં આવી રહી છે.‎

સંકળાયેલા મુદ્દાઓ

ashish mishra lakhimpur khiri incident lakhimpur violence lakhnau court આશિષ મિશ્રા ખેડૂત આંદોલન લખીમપુર ઘટના લખીમપુર હિંસા ashish mishra