ધરાશાયી / સુરતના કતારગામમાં મોટી દુર્ઘટનાઃ કોમ્પ્લેક્ષનો સ્લેબ ધરાશાયી થતા 2ના મૃત્યુ, હજુ એક વ્યક્તિ દબાયો હોવાની આશંકા

• સુરતના કતારગામમાં સ્લેબ ધરાશાયી
• સ્લેબ ધરાશાયી થતાં 3 લોકો દબાયા
• ફાયર બ્રિગેડના 7 જેસીબી કામે લાગ્યા

સુરતમાં સ્લેબ ધરાશાયી થવાની ઘટના સામે આવી છે. કતારગામ વિસ્તારમાં આવેલી કિરણ હોસ્પિટલ પાછળના કોમ્પ્લેક્ષનો સ્લેબ ધરાશાયી થઇ ગયો છે. આ ઘટનામાં 5 થી વધુ લોકો દબાયા હોવાની આશંકા સેવાઈ રહી છે. 

ફાયર બ્રિગેડના 7 JCB કામે લાગ્યા
 
સુરતના કતારગામમાં કિરણ હોસ્પિટલની પાછળના જૂના કોમ્પલેક્ષમાં રિનોવેશનનું કામ ચાલી રહ્યું હતું. તે દરમિયાન આજે અચાનક જ કોમ્પલેક્ષનો સ્લેબ ધરાશાયી થતાં 5 થી 6 લોકો સ્લેબ નીચે દબાઈ ગયા હતાં. આ બનાવની જાણ ફાયર વિભાગને કરાતા ફાયરનો કાફલો ઘટના સ્થળે દોડી આવ્યો હતો. તાત્કાલિક 7 જેટલા JCBની મદદથી રેસ્ક્યુ ઓપરેશન હાથ ધરવામાં આવ્યું હતું.જો કે, સ્લેબ ધરાશાયી થતાં 2 શ્રમિકોનું મોત નીપજ્યું છે. જ્યારે એક વ્યક્તિ દબાયા હોવાની આશંકા છે. હાલ કાટમાળ હટાવવાની કામગીરી ચાલી રહી છે

Vtv ના સળગતા સવાલો 

- કોની બેદરકારીને કારણે 2 લોકોના જીવ ગયા?
- 2ના મૃત્યુ માટે જવાબદાર કોણ?
- નિયમોનો ભંગ થયો છે કે કેમ તેની તપાસ થશે?
- ક્યાં સુધી આવી બેદરકારીને કારણે લોકોના જીવ જતા રહેશે?
- અધિકારીઓ અને સત્તાધીશો માલિકની બેદરકારીના નામે છટકી શકે ખરા?
- શું કોર્પોરેશન ટીમની દેખરેખ હેઠળ માળ ઉતારવાનું કામ ચાલી રહ્યું હતું?