- રાજકોટમાં મોત સે દોસ્તી નામનાં ગ્રુપની કરાઈ ધરપકડ
- પડધરી પોલીસે 14 શખ્સોની કરી ધરપકડ
- રેસ લગાવીને અન્ય વાહનચાલકોની જિંદગી પણ મુકતા જોખમમાં
રાજકોટ-પડઘરી હાઈવે પર થ્રી વ્હીલર સહિતનાં વાહનોની રેસ લગાવી જુગાર રમાતો હોવાની બાતમી પડઘરી પોલીસને મળી હતી. પડઘરી પોલીસ મથકનાં પીએસઆઈ સહિતનો સ્ટાફ જામનગર હાઈવે પર પેટ્રોલિંગમાં હતી. તે દરમ્યાન તરઘડી ગામ પાસે કેટલાક શખ્સો જોવા મળતા પોલીસ દ્વારા તાત્કાલીક સ્થળ પર પહોંચી . મોત સે દોસ્તી નામનાં ગ્રુપનાં 14 શખ્શોની ધરપકડ કરી ઝડપી પાડ્યા હતા.
પકડાયેલા આરોપીઓ
પોલીસે રાજકોટનાં રૈયાધાર વિસ્તારમાં રહેતા વિશાલ વિશુ વાઘેલા, મહેન્દ્ર કેશુ કલાડિયા, રાજુ રઘુ અલગોતર, કિટીપરાનાં રોહિત મના સોલંકી, કૌશિક ઉર્ફે દેવો કાલુ કુવરિયા, કિસાનપરાનાં ગૌતમ પ્રવીણ મકવાણા, શિવપરાનાં વસીમ શબીર કાદરી. તેમજ મોરબી રોડ પર રહેતા યોગેશ કાનજી ચૌહાણ, ભગવતીપરાનાં સોહિલ ઉર્ફે ભોલો અરૂણ પરમાર, સાધુવાસવાણી રોડ પર રહેતા ધર્મેશ મનસુખ રાઠોડ, ધર્મરાજ પાર્કનાં પ્રભાત હરિ વાળા, વિજય નારણ સોલંકી, પોપટપરાનાં અજય દિનેશ સવાસડિયા અને પ્રદીપ રસિક મકવાણાની અટકાયત કરી પોલીસે કાયદેસરની કાર્યવાહી હાથ ધરી હતી.
વધુ વાંચોઃ આખા અમદાવાદ પર બાજ નજર, એકીસાથે ઘણા કામ, ચપટીમાં પકડશે નાના ગુનાઓ, લાગુ પડી જોરદાર સિસ્ટમ
બધા મિત્રો ભેગા મળી મોત સે દોસ્તી નામનું ગ્રુપ ચલાવીએ છીએ
તેમજ પોલીસે રોકડા રૂા. 42000, બાઈક, રિક્ષા, કાર સહિત નવ વાહન મળી કુલ રૂા. 6.42 લાખનો મુદ્દામાલ કબ્જે કર્યો હતો. આ બાબતે પોલીસે વિશાલ વાઘેલાની પૂછપરછ કરતા તેણે જણાવ્યું હતું કે, તે બધા મિત્રો ભેગા મળી મોત સે દોસ્તી નામનું ગ્રુપ ચલાવીએ છીએ. તેમજ અલગ- અલગ સમયે હાઈવે પર વાહનોની રેસ પર પૈસા લગાડી જુગાર રમીએ છીએ.
