તમારા કામનું / બેન્કોમાં 14 દિવસ આવે છે રજા: આજથી બદલાઈ ગયા આ નિયમો, તમારા ખિસ્સા પર જુઓ કેવી પડશે અસર?

• ઓગસ્ટ મહિનાની શરૂઆતમાં અનેક નિયમોમાં થઈ રહ્યા છે ફેરફાર
• આજથી જીએસટી રિટર્ન ફાઈલ કરનારે ભરવો પડશે દંડ
• LPG ગેસમાં ભાવ વધારાને લઈને ફરી ખોરવાઈ શકે છે ગૃહિણીઓનું બજેટ

 ઓગસ્ટ મહિનાની શરૂઆત એટલે કે આજથી જ નાણાકીય અનેક વ્યવહારોમાં નિયમો બદલાવાના છે. આ નિયમોમાં ITR રિટર્ન સિવાય GST અને ક્રેડિટ કાર્ડ પેમેન્ટ સંબંધિત નિયમોનો સમાવેશ થાય છે. આ ફેરફારની સીધી અસર તમારા ખિસ્સા પર પડશે. 1 ઓગસ્ટ, 2023 થી GST ચુકવણી સંબંધિત વિવિધ ફેરફારો અમલમાં આવશે. તેમજ LPG, PNG અને કોમર્શિયલ ગેસના ભાવમાં ફેરફાર થવાની ધારણા છે. ત્યારે આવો જાણીએ 1 ઓગસ્ટથી થનારા મુખ્ય ફેરફારો વિશે.

જીએસટીના નિયમો બદલાશે
સરકાર દ્વારા જાહેર કર્યા મુજબ 1 ઓગસ્ટ 2023 થી 5 કરોડ રૂપિયાથી વધુ ટર્નઓવર ધરાવતા ઉદ્યોગપતિઓએ ઇલેક્ટ્રોનિક ચલણ આપવા પડશે. આવી સ્થિતિમાં જીએસટીના દાયરામાં આવતા વેપારીઓએ સંબંધિત નિયમો વિશે વિગતવાર જાણીને ઈલેક્ટ્રોનિક ચલણ તૈયાર કરવું જરૂરી છે.

આજથી આવકવેરા રિટર્ન ફાઈલ કરનારને ભરવો પડશે દંડ
31 જુલાઈ ઈન્કમ ટેક્સ રિટર્ન ફાઈલ કરવાની છેલ્લી તારીખ હતી.  1 ઓગસ્ટથી આઈટીઆર ફાઈલ કરનારા લોકોએ દંડ ભરવો પડશે. જો 5 લાખ રૂપિયાથી વધુની આવક ધરાવતા લોકો આજે આઈટીઆર ફાઈલ કરશે તો તેઓને 1 રૂપિયાથી લઈને 5,000 રૂપિયા સુધીનો દંડ ભરવો પડી શકે છે.  ત્યારે સરકારે આવકવેરા રિટર્ન ભરવાની તારીખ લંબાવવાની કોઈ જાહેરાત કરી નથી.

બેંકોમાં 14 દિવસની રજાઓ
રક્ષાબંધન, સ્વતંત્રતા દિવસ સહિતના વિવિધ તહેવારોને કારણે ઓગસ્ટમાં બેંકો 14 દિવસ બંધ રહેશે. આ રજાઓમાં શનિવાર અને રવિવારની સાપ્તાહિક રજાઓનો પણ સમાવેશ થાય છે. પરંતું 14 દિવસની રજાઓમાં બેંકોની ઓનલાઈન સેવાઓનો લાભ ગ્રાહકો લઈ શકશે. 

એલપીજી સિલિન્ડરના ભાવમાં ફેરફારની શક્યતા
ઓગસ્ટમાં એલપીજી તેમજ કોમર્શિયલ સિલિન્ડરના ભાવમાં ફેરફાર થવાની સંભાવના છે. તેલ કંપનીઓ દર મહિનાની 1 અને 16 તારીખે એલપીજીના ભાવમાં ફેરફાર કરે છે. આ સિવાય પીએનજી અને સીએનજીના ભાવમાં પણ ફેરફાર થઈ શકે છે.

પેટ્રોલ અને ડીઝલના ભાવમાં પણ ફેરફાર થઈ શકે છે
તેલ કંપનીઓ દર મહિનાની છેલ્લી તારીખે મધ્યરાત્રિએ પેટ્રોલ અને ડીઝલના ભાવ જાહેર કરે છે. આવી સ્થિતિમાં 1 ઓગસ્ટથી પેટ્રોલ અને ડીઝલના ભાવમાં પણ ફેરફાર થઈ શકે છે. તમને જણાવી દઈએ કે ગયા વર્ષની 21 મે થી દેશમાં પેટ્રોલ અને ડીઝલની કિંમતોમાં કોઈ ફેરફાર થયો નથી. 

ક્રેડિટ કાર્ડમાં કેશબેકનાં નિયમોમાં ફેરફાર થશે
જો તમે એક્સિસ બેંકના ક્રેડિટ કાર્ડનો ઉપયોગ કરો છો તો પણ તમારા ખિસ્સા પર અસર થશે. નવા નિયમો અનુસાર, એક્સિસ બેંક અને ફ્લિપકાર્ટથી ખરીદી કરનારા લોકોને 12 ઓગસ્ટથી ખરીદી પર કેશબેક મળશે.