Anantnag Encounter / કાશ્મીરમાં એન્કાઉન્ટરના 100 કલાક: સેનાના જવાનોએ આતંકવાદીઓને જંગલમાંથી શોધી શોધીને ભડાકે દીધા, હજુ સર્ચ ઓપરેશન ચાલુ

જમ્મુ-કાશ્મીરના અનંતનાગમાં એન્કાઉન્ટર હાલમાં બંધ 
100 કલાક પછી ગોળીબાર બંધ કરી દેવામાં આવ્યો 
પરંતુ સેનાનું ઓપરેશન હજી પૂરું થયું નથી,  ડ્રોનથી સતત નજર

Anantnag Encounter : જમ્મુ-કાશ્મીરના અનંતનાગમાં સેના અને આતંકવાદીઓ વચ્ચે 100 કલાકથી વધુ સમયથી ચાલી રહેલું એન્કાઉન્ટર હાલમાં બંધ થઈ ગયું છે. વાત જાણે એમ છે કે , લગભગ 100 કલાક પછી ગોળીબાર બંધ કરી દેવામાં આવ્યો છે પરંતુ સેનાનું ઓપરેશન હજી પૂરું થયું નથી. સતત વરસાદને કારણે સેનાના સર્ચ ઓપરેશન પર પણ અસર પડી છે. વાસ્તવમાં વરસાદને કારણે આતંકવાદીઓને છુપાઈ જવાનો મોકો મળે છે અને શોધખોળ પણ મુશ્કેલ બની જાય છે. ગોળીબાર બંધ થઈ ગયો હોવા છતાં આતંકવાદીઓ પર ક્વોડકોપ્ટર અને ડ્રોનથી સતત નજર રાખવામાં આવી રહી છે. હવે આતંકીઓ તરફથી કોઈ ગોળીબાર કરવામાં આવ્યો નથી.

ગાઢ જંગલમાં છુપાયા છે આતંકીઓ 
અત્યાર સુધી એ જાણી શકાયું નથી કે બધા આતંકવાદીઓ માર્યા ગયા છે, પહાડી પરની ગુફામાં છુપાયેલા છે કે પછી ભાગી ગયા છે. સેના આતંકવાદીઓને મારવા માટે ઉચ્ચતમ ટેક્નોલોજીનો ઉપયોગ કરી રહી છે.  તમને જણાવી દઈએ કે, આ વિસ્તારમાં સેના પોતાનું સર્ચ ઓપરેશન ચલાવી રહી છે, આ ગાઢ જંગલ વિસ્તાર છે. આ આખો વિસ્તાર ટેકરીઓ અને ખાડાઓથી ભરેલો છે. આ વિસ્તાર પીર પંજાલ ટેકરીઓ સાથે જોડાયેલો છે. સેનાએ કાર્યવાહીના વિસ્તારને કોર્ડન કરી લીધો છે, એટલે કે દોઢથી બે કિલોમીટરના વિસ્તારને કોર્ડન કરી લીધો છે.

VIDEO | Arms and ammunition recovered from terrorists who were killed by security forces in Jammu and Kashmir's Baramulla earlier today. pic.twitter.com/RhwBd6qkd4

— Press Trust of India (@PTI_News) September 16, 2023

ત્રણ જવાન થયા હતા શહીદ 
નોંધનીય છે કે, મંગળવારે મોડી રાતથી સનાનું સર્ચ ઓપરેશન સતત ચાલુ છે. જોકે લગભગ 100 કલાક બાદ શનિવારે રાત્રે ગોળીબાર બંધ કરી દેવામાં આવ્યો હતો. સેનાના કર્નલ મનપ્રીત સિંહ, મેજર આશિષ અને જમ્મુ-કાશ્મીર પોલીસના ડીએસપી હુમાયુ ભટ્ટ મંગળવાર-બુધવારે આતંકવાદીઓ દ્વારા કરવામાં આવેલા ગોળીબારમાં શહીદ થયા હતા. ત્યારથી સતત એન્કાઉન્ટર ચાલુ છે. એવી આશંકા છે કે, પહાડી પરની ગુફામાં લશ્કરના બેથી ત્રણ આતંકવાદીઓ છુપાયા છે.

STORY | Three terrorists killed as security forces foil infiltration bid along LoC in J-K's Baramulla.

READ: https://t.co/Hnywho6aOG

VIDEO: pic.twitter.com/iTnjUOtGFR

— Press Trust of India (@PTI_News) September 16, 2023

સેનાના વરિષ્ઠ અધિકારીઓનું ઓપરેશન પર ચાંપતી નજર  
નોર્ધન કમાન્ડના કમાન્ડર લેફ્ટનન્ટ જનરલ ઉપેન્દ્ર દ્વિવેદી અને ચિનાર કોર્પ્સના GOC લેફ્ટનન્ટ જનરલ રાજીવ ઘાઈ જેવા વરિષ્ઠ અધિકારીઓ આતંકવાદીઓ સામે થઈ રહેલી કાર્યવાહી પર નજર રાખી રહ્યા છે. આ અધિકારીઓએ એન્કાઉન્ટર સ્થળની પણ મુલાકાત લીધી હતી અને પરિસ્થિતિનો તાગ મેળવ્યો હતો.

Visuals from encounter site at Kokernag in Anantnag district of Jammu and Kashmir. (n/1) pic.twitter.com/25dK4DmJH5

— Press Trust of India (@PTI_News) September 16, 2023