કરાર / વિશ્વની 'સૌથી લાંબી' ગેસ સપ્લાય ડીલ ફાઇનલ, 27 વર્ષ સુધી આ દેશ ચીનને LNG પૂરો પાડશે

• કતાર એ ચીન સાથે વિશ્વના સૌથી લાંબા નેચરલ ગેસ (LNG) સપ્લાય ડીલ કરી
• બંને દેશો વચ્ચે આ કરાર 27 વર્ષ માટે કરવામાં આવ્યો છે
• આ ડીલ 60 અબજ ડોલરમાં કરવામાં આવી છે

વૈશ્વિક ઉથલપાથલ વચ્ચે ખાડી દેશના કતાર એ સોમવારે ચીન સાથે વિશ્વના સૌથી લાંબા નેચરલ ગેસ (LNG) સપ્લાય ડીલ કરી હતી. જણાવી દઈએ કે બંને દેશો વચ્ચે આ કરાર 27 વર્ષ માટે કરવામાં આવ્યો છે અને આ કરાર વર્ષ 2026થી શરૂ થશે. આ કરાર હેઠળ કતાર એનર્જી તેના ન્યૂ નોર્થ ફિલ્ડ ઈસ્ટ પ્રોજેક્ટમાંથી ચાઈના પેટ્રોલિયમ એન્ડ કેમિકલ કોર્પોરેશનને વાર્ષિક 4 મિલિયન ટન ગેસ મોકલશે. 

QatarEnergy and Sinopec sign a 27-year 4 million tons per annum LNG supply agreement to China #QatarEnergy #YourEnergyTransitionPartner #Qatar pic.twitter.com/ZOEt4UqXrO

— QatarEnergy (@qatarenergy) November 21, 2022

મળતી જાણકારી અનુસાર આ ડીલ 60 અબજ ડોલરમાં કરવામાં આવી છે અને કતારના ઉર્જા મંત્રી અને કતાર એનર્જી ચીફ એક્ઝિક્યુટિવ સાદ શેરીદા અલ કાબીએ જણાવ્યું હતું કે આ ડીલ LAG ઉદ્યોગના ઇતિહાસમાં સૌથી લાંબી ગેસ સપ્લાય ડીલ માનવામાં આવે છે. 

એનર્જી ચીફ એક્ઝિક્યુટિવ કાબીએ વાતચીત દરમિયાન દોહામાં કહ્યું હતું કે, 'આજે નોર્થ ફિલ્ડ ઈસ્ટ પ્રોજેક્ટે રેકોર્ડ બનાવ્યો છે અને આ સોદો ખરીદનાર અને વેચનાર બંને માટે મહત્વપૂર્ણ છે. અમે સિનોપેક સાથેના આ સોદાથી ખૂબ જ ખુશ છીએ અને ભૂતકાળમાં પણ અમારા લાંબા ગાળાના સંબંધો હતા. હાલ થયેલ આ નવી ડીલ અમારા સંબંધોને નવી ઊંચાઈએ લઈ જશે તેવી અપેક્ષા છે. 'આ ઉપરાંત કાબીએ એ એમ પણ માહિતી આપી હતી કે 'ચીન અને યુરોપના અન્ય ખરીદદારો સાથે વાતચીત ચાલી રહી છે અને મને લાગે છે કે વૈશ્વિક અસ્થિરતાને કારણે હાલ ખરીદદારો લાંબા ગાળાના પુરવઠાનું મહત્વ સમજી ગયા છે. ' જણાવી દઈએ કે કતાર એલએનજી નિકાસમાં વિશ્વનો ટોચનો દેશ છે. 

QatarEnergy and Sinopec sign a 27-year 4 million tons per annum LNG supply agreement to China #QatarEnergy #YourEnergyTransitionPartner #Qatar pic.twitter.com/3NKFHJG5vh

— QatarEnergy (@qatarenergy) November 21, 2022

આ ડીલ પર ચીની કંપનીના ચેરમેનનું કહેવું છે કે તેમણે નોર્થ ફિલ્ડ સાઉથ પ્રોજેક્ટમાં કતાર પાસેથી સંપૂર્ણ ભાગીદારી માટે પણ વિનંતી કરી છે. જણાવી દઈએ કે નોર્થ ફિલ્ડ વિશ્વના સૌથી મોટા ગેસ ફિલ્ડનો એક ભાગ છે જેને કતાર ઈરાન સાથે શેર કરે છે.

જો કે આ સમાચાર એવા સમયે આવ્યા છે જ્યારે યુક્રેન પર રશિયાના હુમલા બાદ એલએનજીની માંગમાં નોંધપાત્ર વધારો થયો છે અને યુક્રેન પર રશિયાના હુમલા બાદ એલાનજી માટે સ્પર્ધા વધી ગઈ છે.  ખાસ કરીને યુરોપ ગેસ પર રશિયાની નિર્ભરતા ઘટાડવાની દિશામાં કામ કરી રહ્યું છે.