લદ્દાખ વિરોધ / VIDEO: માઇનસ 20 ડિગ્રી તાપમાનમાં લદ્દાખમાં કેમ રસ્તા પર ઉતર્યા હજારો લોકો? ઉગ્ર બન્યું આંદોલન

• કેન્દ્ર શાસિત પ્રદેશ લદ્દાખમાં હજારો લોકો રસ્તા પર ઉતર્યા
• લદ્દાખના લોકોનું કહેવું છે કે, કેન્દ્રશાસિત પ્રદેશને પૂર્ણ રાજ્યનો દરજ્જો મળવો જોઈએ
• -20 ડિગ્રી તાપમાનમાં પણ સ્ત્રી-પુરુષો રસ્તા પર ઉતરીને કરી રહ્યા છે વિરોધ

Ladakh Protest : દેશના કેન્દ્ર શાસિત પ્રદેશ લદ્દાખમાં હજારો લોકો રસ્તા પર ઉતરી આવ્યા છે. વાત જાણે એમ છે કે, લદ્દાખ જે સામાન્ય રીતે સૌથી વધુ શાંતિપૂર્ણ હોય છે ત્યાં લોકોને રસ્તા પર ઉતરતા જોઈને આશ્ચર્ય થાય છે. જોકે લોકો માત્ર રસ્તાઓ પર વિરોધ નથી કરી રહ્યા પણ તેમની એક ખાસ માંગ છે. લદ્દાખના લોકોનું કહેવું છે કે, કેન્દ્રશાસિત પ્રદેશને પૂર્ણ રાજ્યનો દરજ્જો મળવો જોઈએ. નોંધનીય છે કે, 5 ઓગસ્ટ, 2019ના રોજ લદ્દાખને જમ્મુ અને કાશ્મીરથી અલગ કરીને કેન્દ્રશાસિત પ્રદેશ બનાવવામાં આવ્યો હતો. 

લદ્દાખમાં હજારો લોકોના પ્રદર્શનને કારણે મોટા પાયે દુકાનો બંધ કરવામાં આવી છે. વિરોધનું નેતૃત્વ લેહ એપેક્સ બોડી (LAB) અને કારગિલ ડેમોક્રેટિક એલાયન્સ (KDA) દ્વારા કરવામાં આવી રહ્યું છે. વિરોધની હદનો અંદાજ એ વાત પરથી લગાવી શકાય છે કે, માઇનસ 20 ડિગ્રી તાપમાનની હાડ થીજવી દે તેવી કડકડતી ઠંડીમાં પણ સ્ત્રી-પુરુષો રસ્તા પર ઉતરીને વિરોધ કરી રહ્યા છે. આવી સ્થિતિમાં ચાલો જાણીશું કે, લદ્દાખમાં થઈ રહેલા વિરોધ પ્રદર્શન પાછળનું સાચું કારણ શું છે. 

શું છે આંદોલનકારીઓની માંગ? 
વાત જાણે એમ છે કે, 5 ઓગસ્ટ, 2019ના રોજ જમ્મુ અને કાશ્મીરમાંથી કલમ 370 અને 35A દૂર કરવામાં આવી હતી ત્યારે રાજ્યને બે કેન્દ્રશાસિત પ્રદેશોમાં વહેંચવામાં આવ્યું હતું. આમાંથી એક જમ્મુ અને કાશ્મીર હતું જે વિધાનસભા સાથે કેન્દ્રશાસિત પ્રદેશ બન્યું હતું. આ સાથે લદ્દાખને વિધાનસભા વગરનો કેન્દ્રશાસિત પ્રદેશ બનાવવામાં આવ્યો. શરૂઆતમાં લદ્દાખને કેન્દ્રશાસિત પ્રદેશ બનાવ્યા પછી તેમાં બહુ વિરોધો થયા ન હતા પરંતુ ધીમે ધીમે વિરોધના અવાજો ઊંચા થવા લાગ્યા, જેનું પરિણામ તાજેતરના વિરોધ છે.

#WATCH | Leh, Ladakh: Thousands brave the freezing cold as they march demanding statehood for Ladakh and protections under the 6th Schedule of the Constitution for the Union Territory. (03.02) pic.twitter.com/gwsiGZBxXc

— ANI (@ANI) February 4, 2024

પૂર્ણ રાજ્યના દરજ્જા માટે લડત 
વાસ્તવમાં લદ્દાખના લોકોનું કહેવું છે કે, તેઓને પૂર્ણ રાજ્યનો દરજ્જો જોઈએ છે. લોકો અહીંની નોકરિયાતશાહીથી કંટાળી ગયા છે અને જનતાને તેમના પ્રતિનિધિઓને ચૂંટવાની તક મળવી જોઈએ તેવી માંગ કરી છે. આ ત્યારે જ શક્ય બનશે જ્યારે રાજ્ય પૂર્ણ રાજ્ય બનશે. LAB અને KDA લદ્દાખના બે પ્રદેશોનું પ્રતિનિધિત્વ કરે છે અને આ દિવસોમાં તેઓ લોકોને ભેગા કરીને પ્રદર્શનનું નેતૃત્વ કરી રહ્યા છે. બંને ઓગસ્ટ 2021માં સાથે આવ્યા હતા જેથી વિરોધનો અવાજ ઉઠાવી શકાય. 

 

 

 

 

View this post on Instagram

 

 

 

 

 

 

 

 

 

 

 

A post shared by The Tatva (@thetatvaindia)

વધુ વાંચો: ઉત્તર પ્રદેશમાં ઝડપાયો ISI એજન્ટ: ATSએ મેરઠમાંથી કરી ધરપકડ, પાકિસ્તાનને આપતો હતો જાણકારી

લદ્દાખમાં વિરોધ કરી રહેલા લોકોની મુખ્ય માંગણીઓ કેન્દ્રશાસિત પ્રદેશને સંપૂર્ણ રાજ્ય બનાવવા, બંધારણની છઠ્ઠી સૂચિને લાગુ કરવા અને લેહ અને કારગિલ જિલ્લાઓ માટે અલગ સંસદીય બેઠકો સ્થાપિત કરવાની છે. છઠ્ઠી અનુસૂચિ હેઠળ આદિવાસી વિસ્તારોમાં સ્વાયત્ત જિલ્લાઓ બનાવવાની જોગવાઈ છે. લદ્દાખમાં પણ અનેક પ્રકારની આદિવાસીઓ રહે છે તેથી આ માંગ વધુ વધી રહી છે.