એલર્ટ / કર્યા મોટા લોચા ! જેમની પાસે આવા મોબાઈલ હશે તેમનું વોટ્સએપ 24 ઓક્ટોબરથી થઈ જશે બંધ

• whatsapp સર્વિસ અમુક ફોનમાં થશે બંધ
• જૂનાં iOS કે એન્ડ્રોઇડ પર whatsapp ચાલશે નહીં
• 24 ઑક્ટોબર 2022 થી સર્વિસ થશે બંધ

ઇન્સટંટ મેસેજિંગ એપની દુનિયામાં સર્વોચ્ચ સ્થાને રહેલ વૉટ્સએપનાં દુનિયામાં મંથલી 2 અરબથી વધારે યૂઝર્સ છે. ભારતમાં આ એપનું અતિમોટું માર્કેટ છે કારણકે આ એપના ભારતીય 50 કરોડથી પણ વધુ યૂઝર્સ છે. આ વૉટ્સએપએ હવે નવું પગલું ભર્યું છે જે અનુસાર આઇફોન અને એન્ડ્રોઇડના જૂનાં વર્ઝન પર આ એપ તારીખ 24 ઑક્ટોબર 2022 થી ચાલશે નહીં. જે ફોનમાં જૂનું iOS કે એન્ડ્રોઇડનું જૂનું ઑપરેટિંગ સિસ્ટમ છે તેમાં આ એપ સપોર્ટ કરશે નહીં.

આ ફોન પર whatsapp ચાલશે નહીં
જે પણ આઇફોન  iOS 10 અને iOS 11 પર ચાલે છે તેમની પાસેથી વૉટ્સએપ પોતાનો સપોર્ટ પાછું ખેંચે છે. આ સિવાય iPhone 5 અને iPhone Cનાં યૂઝર્સ પણ આ વૉટ્સએપ સર્વિસનો ઉપયોગ 24 ઑક્ટોબરથી કરી શકશે નહીં. આ વિશે whatsappએ કહ્યું કે આવા ફોન પર તેમની સર્વિસ બંધ થઇ રહી છે કારણકે આગળ કેટલાક અપડેટસ્ આવવાનાં છે જે આ ઓપરેટિંગ સિસ્ટમમાં સપોર્ટ કરશે નહીં.

આ એન્ડ્રોઇડ ફોન પરથી હટશે whatsapp
iPhone ની જેમ કેટલાક Android ફોન પર પણ whatsapp કામ કરશે નહીં.  આ કંપનીએ કહ્યું છે કે 4.1 કે તેથી વધુ જૂના એન્ડ્રોઇડ  વર્ઝન પર ચાલતા ફોનને વોટ્સએપ સર્વિસનો લાભ મળી શકશે નહીં. એટલે કે આ ઑપરેટિંગ સિસ્ટમ ધરાવતાં ફોનમાંથી ન તો મેસેજ મોકલી શકાશે કે ન તો કોઇ કોલ કે વીડિયો કોલ કરી શકાશે. જો આ એપની સુવિધાનો ઉપયોગ કરવો હોય તો યુઝરે પોતાના ફોનની ઓપરેટિંગ સિસ્ટમને અપડેટ કરવી પડશે. ૉ

શું કહ્યું whatsappએ?
કંપનીએ કહ્યું કે કેટલાક યૂઝર જૂનાં ડિવાઇઝ કે સોફ્ટવેરનો ઉપયોગ કરી રહ્યાં છે જો કે તેમની સંખ્યા ઘણી ઓછી છે. આ જૂનાં ફોનમાં લેટેસ્ટ સિક્યોરિટી અપડેટસ્ આવી શકતાં નથી અને વૉટ્સએપનાં અપડેટ પણ આ ફોનમાં સપોર્ટ કરતાં નથી. એટલા માટે જ સર્વિસ બંધ કરવામાં આવી રહી છે. 
વધુમાં કંપનીએ કહ્યું કે જે ફોન પર વૉટ્સએપ બંધ થવાનું હશે તેમને સમયસર આ જાણકારી આપતો મેસેજ મોકલી દેવામાં આવશે. યૂઝરને રિમાઇન્ડ કરવામાં આવશે કે ફોનને અપગ્રેડ કરો જેથી ફોન પર ચાલતાં ઑપરેટિંગ સિસ્ટમમાં વૉટ્સએપ સપોર્ટ કરી શકે.