આગાહી / હવામાન વિભાગની આગાહી, ગુજરાતમાં આ તારીખથી થશે ચોમાસાનો પ્રારંભ

નેઋત્ય ચોમાસુ મહારાષ્ટ્રનાં કોંકણ ખાતે પહોંચ્યું છે. ગુજરાતમાં વરસાદને લઇને હવામાન વિભાગે આગાહી કરી છે કે, આગામી 23 જૂને દક્ષિણ ગુજરાતમાં વરસાદ પડશે. ઉપરાંત ઉત્તર ગુજરાતનાં વિસ્તારમાં પણ હળવા અને ભારે ઝાપટાંની આગાહી કરાઇ છે. હવામાન વિભાગે કહ્યું કે, હાલ હાલ બંગાળની ખાડીમાં હળવું દબાણ સર્જાયું છે અને ચોમાસા માટે હાલ સાનુકૂળતા સર્જાઇ રહી છે. જેથી આગામી દિવસમાં વરસાદ પડે તેવી પૂરી સંભાવના છે.

તમને જણાવી દઇએ કે હાલમાં છેલ્લાં એકાદ અઠવાડિયાથી ગુજરાતનાં વાતાવરણમાં સતત પલ્ટો જોવાં મળી રહ્યો છે. જેથી ગુજરાતમાં છુટો છવાયો વરસાદ થઇ રહ્યો છે. જો કે વાયુ વાવાઝોડાને કારણે વરસાદી સિસ્ટમ સહેજ પણ બગડી નથી. વરસાદને લઇને કરવામાં આવેલ આગાહી અંગે તમને જણાવીએ કે, નૈઋત્ય ચોમાસુ મહારાષ્ટ્રનાં કોંકણ ખાતે પહોંચી ગયુ છે જેથી વરસાદને લઇને ગુજરાતમાં હવામાન વિભાગ દ્વારા આગાહી પણ કરવામાં આવી છે. આગામી 23 જૂનની આસપાસ ગુજરાતમાં ચોમાસાની શુભ શરૂઆત થશે. જો કે ગુજરાતમાં વરસાદને લઇને વાત કરીએ તો ગઈ કાલની રાત્રીએ પાટણનાં સિદ્ધપુરમાં 20 મીનિટમાં લગભગ એક ઈંચ જેટલો વરસાદ થયો હતો. જેને લઈને ખેડૂતોમાં ખુશીનો માહોલ સર્જાઇ ગયો હતો.

જો ગુજરાતમાં વાયુ વાવાઝોડું આવ્યું હોય તો કદાચ થોડાંક નુકસાન સાથે ભારે પવન સાથે વરસાદની સિસ્ટમ સક્રિય થઇ હતો. પરંતુ બાદમાં વાયુ વાવાઝોડું ગુજરાતને અથડાવાની જગ્યાએ અરબી સમુદ્રમાં જ સમાઈ ગયું. તેમ છતાં તેની અસરને લઇને ગુજરાતનાં ઘણા ખરાં ભાગોમાં ધોધમાર વરસાદ પણ પડ્યો હતો.

પરંતુ હવે હવામાન વિભાગે 24 જૂને દક્ષિણ ગુજરાતમાં વરસાદ થવાની આગાહી કરવામાં આવી છે. ઉપરાંત ઉત્તર ગુજરાતનાં વિસ્તારમાં પણ હળવા અને ભારે ઝાપટાંની આગાહી કરાઇ છે. જ્યારે રાજ્યનાં અન્ય વિસ્તારોમાં વાદળછાયું વાતાવરણ રહેશે અને સાથે સાથે હળવો વરસાદ પણ થાય તેવી સંભાવના છે.

ઉલ્લેખનીય છે કે, કેરળમાં 8 જૂને દક્ષિણ-પશ્ચિમી ચોમાસું બેસી ગયા બાદ તેની ગતિ ધીમી પડી ગઈ હતી અને હવે ચોમાસું આગળ વધીને મહારાષ્ટ્ર તરફ પ્રવેશ્યું છે. જેથી ગુજરાતમાં પણ 23 જૂનનાં રોજથી વિધિવત રીતે ચોમાસાનો પ્રારંભ થશે.