ક્રિકેટ / કેપ્ટનશિપ છોડવા મામલે પહેલીવાર કોહલીએ તોડ્યું મૌન, ધોનીનું નામ લઈને આપ્યું મોટું નિવેદન

ટેસ્ટ ટીમની કપ્તાની છોડ્યા બાદ વિરાટ કોહલીએ પહેલી વાર મૌન તોડ્યું છે. એક સેશન દરમિયાન વિરાટ કોહલીએ કહ્યું કે, લીડ થવા માટે તમારે કેપ્ટન હોવું જરૂર નથી. સાઉથ આફ્રિકામાં ટેસ્ટ સીરીઝ 1-2થી હાર્યા બાદ વિરાટ કોહલીએ અચાનક ટેસ્ટ ટીમનું કપ્તાન પદ છોડી દીધું હતું. તે પહેલા જ ટી 20, વન ડેની કેપ્ટન્સી ખોઈ ચુક્યો છે.

ટીમ ઈંડિયાના પૂર્વ કેપ્ટન વિરાટ કોહલીનું કહેવું છે કે, આપ ક્લિયર હોવા જોઈએ કે, ટાર્ગેટ મેળવવા માટે આપનો વિચાર શું હતો. તે આપ કરી શક્યા કે નહીં. દરેક વસ્તુનો એક સમય હોય છે. આપે એ વાતનું ધ્યાન રાખવાનું હોય છે. એક બેટ્સમેન તરીકે આપ ટીમને વધારે યોગદાન આપી શકો, ત્યારે આવા સમયે તેના પર ગર્વ કરવું જોઈએ.

 

વિરાટ કોહલીએ આપ્યું ધોનીનું ઉદાહરણ

એક ઈન્ટરવ્યૂ દરમિયાન વિરાટ કોહલીએ કહ્યુ હતું કે, એક લીડર થવા માટે આપ કેપ્ટન હોવા જરૂરી નથી. જ્યારે એમએસ ધોની ટીમ હતા, ત્યારે એનો અર્થ એવો નહોતો કે, તેઓ લીડર નહોતા. કેપ્ટનસી છોડ્યા બાદ પણ તેઓ એવા જ વ્યક્તિ હતાં. જેમની પાસેથી અમારે ઈનપુટની જરૂર રહેતી. જીત અથવા હાર આપના હાથમાં નથી હોતી. દરેક દિવસને સારો બનાવવા માટે આપે ટ્રાઈ કરતી રહેવી પડે છે.

વિરાટ કોહલીએ કહ્યું કે, આગળ વધવું તે લીડરશીપનો એક ભાગ છે. તેના માટે યોગ્ય સમયની પસંદગી કરવી જરૂરી છે. હું લાંબા સમયથી એમએસ ધોનીની અંડરમાં રમ્યો, બાદમાં હું ખુદ કેપ્ટન બન્યો પણ મારી રીતે હંમેશા એક જેવી જ રહી છે. જ્યારે હું કેપ્ટન નહોતો, ત્યારે પણ હું આવી રીતે જ વિચારતો હતો.

ટેસ્ટની કેપ્ટન્સી છોડતા સૌ કોઈ હૈરાન થઈ ગયા હતા

વિરાટ કોહલીનો કેપ્ટન તરીકે રેકોર્ડ શાનદાર રહ્યો છે. તેણે પોતાની કેપ્ટનસીમાં 40 મેચ જીતી છે. જે કોઈ પણ ભારતીય કેપ્ટન કરતા સૌથી વધારે છે. જ્યારે વિરાટ કોહલી પાસેથી ટી 20ની કેપ્ટનસી છીનવી લેવામાં આવી, ત્યારે કોઈને પણ વિશ્વાસ નહોતો બેસતો કે, ટેસ્ટની કેપ્ટનસી ચાલું રાખશે, કારણ કે, તેણે નવી ટીમ બનાવામાં મહેનત કરી છે, પણ સાઉથ આફ્રિકા સીરીઝ બાદ આવેલા નિર્ણયથી સૌ કોઈ હેરાન હતું.

પહેલી વાર રોહિતના અંડરમાં રમશે વિરાટ કોહલી

આપને જણાવી દઈએ કે, વિરાટ કોહલી હવે ક્રિકેટના ત્રણેય ફોર્મેટમાંથી એક બેટ્સમેન તરીકે જ રમતો જોવા મળશે. વેસ્ટઈંડીઝ વિરુદ્ધ રમાનારી ટી 20 અને ટેસ્ટ સીરીઝ પહેલો એવો સમય હશે, જ્યારે વિરાટ કોહલી રોહિત શર્માના અંડરમાં રમશે. વિરાટ કોહલીએ સૌથી પહેલા ટી 20 ફોર્મેટમાં કેપ્ટનસી છોડવાનો નિર્ણય જાહેર કર્યો હતો.

ટી 20 વર્લ્ડ કપ બાદ સિલેક્ટર્સે તેને વન ડેની કેપ્ટનસીમાંથી હટાવી દીધો. સાઉથ આફ્રિકામાં મળેલી હાર બાદ વિરાટ કોહલીએ ખુદ ટેસ્ટ ટીમની કેપ્ટનસી છોડી દીધી હતી. રોહિત શર્મા હાલમાં ટીમ ઈન્ડિયાના ટી 20સ વન ડે કેપ્ટન છે. સિલેક્ટર્સ ટૂંક સમયમાં ટેસ્ટ કેપ્ટનની પણ જાહેર કરશે. રોહિત શર્મા અહીં પણ આગળ છે.