માફી / Sorry! આ વાત માટે તો હું ખુદને પણ માફ નહીં કરી શકું : સિદ્ધાર્થના નિધન બાદ આ એક્ટરે માંગી માફી

• એઝાઝ ખાને અભિનેતા સિદ્ધાર્થ શુક્લાના નિધન પર શોક દર્શાવ્યો
• મારે તારી સાથે વાતચીત કરવી હતી, અધૂરી રહી ગઈ: એઝાઝ
• હવે મને ખબર નથી કે હું પોતાની જાતને કેવીરીતે માફ કરીશ: એઝાઝ

એઝાઝ ખાને સિદ્ધાર્થના નિધન પર શોક દર્શાવ્યો

તાજેતરમાં બિગ બોસ 14ના પ્રતિસ્પર્ધક એઝાઝ ખાને અભિનેતાના નિધન પર શોક દર્શાવ્યો છે. તેમણે એક લાંબી પોસ્ટ શેર કરી સોશિયલ મીડિયામાં માફી પણ માંગી છે. એઝાઝે શોક દર્શાવતા લખ્યું, મારે તારી સાથે વાતચીત કરવી હતી. વાત અધૂરી રહી ગઈ. હવે આ વાત કેવીરીતે કરું, ખબર પડતી નથી. સૌપ્રથમ હું તારી માફી માંગુ છું. મેં તને ફોન કરવાના અને મળવાના પ્રયત્ન કર્યા નહોતા. ખબર નહીં શું કારણ હતુ. કદાચ હું મારા કામમાં વ્યસ્ત થઈ ગયો હતો. મને લાગતુ હતુ કે આપણે બંને કોઈક જગ્યાએ સામે મળીશું. હવે મને ખબર નથી કે હું પોતાની જાતને કેવીરીતે માફ કરીશ.

એઝાઝે સિદ્ધાર્થની વાતોને પોતાની ભાષામાં વર્ણવી

સિદ્ધાર્થ શુક્લાને યાદ કરીને તેમણે વધુમાં લખ્યું, બિગ બોસના ઘરમાં તારી સાથે પ્રેમ થઈ ગયો હતો ભાઈ. મેં જીવનમાં આટલું નજીક કોઈનું અવલોકન કર્યુ નથી. બિગ બોસના ઘરમાં ફક્ત તું મને સારી રીતે સમજતો હતો. તારા સિદ્ધાંત, તારી સ્પષ્ટ બોલવાની કળા.. આ વાતોથી તુ શિખવાડતો હતો કે જ્યાં સુધી જીતીએ નહીં ત્યાં સુધી હાર નહીં માનવાની. તારા કાર્યને હંમેશા પોતાની રીતે સમજતો હતો. એઝાઝ ખાને લખ્યું, તુ મને સમજાવતો હતો કે ચારીત્ર્યની શક્તિ કેટલી જરૂરી છે. પોતાની હકીકતને બીજાની સામે મુકવી અને પછી હકીકતને કબુલ કરાવાની.. મેં પ્રયત્ન કર્યો, પરંતુ તારા જેવુ કોઈ ના બની શકે.

'અદભૂત, યાર': એઝાઝ ખાન 

તેમણે પોસ્ટમાં વધુ લખ્યું, તને જેટલો સમજ્યો. એટલા વધારે તારી સાથે લાડ કરવાની ઈચ્છા હતી યાર. આ જીવનમાં એક ઉંમર પછી સારી મિત્રતા કેળવાતી નથી. કારણકે તમને તક મળતી નથી કે તમે સાથે સમય ગાળો. પણ મને એ ગર્વ પ્રદાન થયુ કે તુ કેવીરીતે વર્કઆઉટ કરતો હતો અને તારું કયુ ગીત ફેવરિટ હતું. અદભૂત યાર.