વારાણસી / Video: 'ટમેટાં મળી Z+ સિક્યોરીટી..' શાકભાજી વિક્રેતાએ સુરક્ષામાં લગાવ્યા 2 બાઉન્સર, 9 થી 5 રહે છે તૈનાત

• બજારમાં ટામેટાનાં વધતા ભાવે ગૃહિણીઓનું બજેટ ખોરવ્યું
• વારાણસીમાં વેપારીએ સંગ્રહ કરેલ ટામેટાને બચાવવા બાઉન્સર ગોઠવ્યા
• "ભાજપ ટામેટાને ઝેડ પ્લસ સુરક્ષા આપે" અખિલેશ યાદવે વીડિયો ટ્વિટ કર્યો

 બજારમાં ટામેટાંની વધતા ભાવને લઈને માર્કેટમાં અનેક ચર્ચાઓ શરૂ થવા પામી છે. ત્યારે  વારાણસીના લંકા વિસ્તારમાં એક શાકભાજી વેચનારે તેના સંગ્રહ કરેલ ટામેટાંને બચાવવા માટે બે બાઉન્સર તૈનાત કર્યા છે. સમગ્ર વિસ્તારમાં ચર્ચાનો વિષય બનેલા શાકભાજી વિક્રેતા અજય ફૌજી સમાજવાદી પાર્ટીના કાર્યકર છે. ગયા અઠવાડિયે પાર્ટી સુપ્રીમો અખિલેશ યાદવના જન્મદિવસ પર તેમણે ટામેટાના આકારની કેક કાપી અને લોકોને ટામેટાં વહેંચ્યા ત્યારે મળતી માહિતી મુજબ પોલીસ દ્વારા આ વેપારીને પકડીને પોલીસ મથકે લઈ જવામાં આવ્યો હોવાનું પણ જાણવા મળી રહ્યું છે.

वाराणसी में महंगाई जैसे जनहित के विषय पर सरकार का ध्यानाकर्षण करनेवाले सब्ज़ीवाले को थाने में बिठाना कहाँ तक उचित है। इस समाचार के फैलने से प्रदेशभर के समस्त सब्ज़ी विक्रेता आक्रोशित हो रहे हैं। उस सब्ज़ीवाले को तुरंत छोड़ा जाए।

— Akhilesh Yadav (@yadavakhilesh) July 9, 2023

બાઉન્સર રાખવા વિશે દુકાન માલિકને પૂછતા ફૌજીએ જણાવ્યું હતું કે,  “બાઉન્સર એટલા માટે રાખવામાં આવ્યા છે કે ટામેટાનાં ભાવમાં આસમાને છે.  ત્યારે ટામેટાં માટે લડાઈ અને લૂંટફાટ થઈ રહી છે. આવી ઘટનાઓ ઘણી જગ્યાએ બની પણ છે.  અમે બીજા ટામેટા મંગાવ્યા છે. ટામેટા આવે ત્યારે અહીં કોઈ લડાઈ ન થાય તે માટે બાઉન્સરો રાખવામાં આવ્યા છે.

ટામેટાં ખરીદતી વખતે લોકો વચ્ચે ઉગ્ર બોલાચાલી થઈ હતી
વધુમાં દુકાન માલિક ફૌજીએ કહ્યું કે,  “ટામેટાંના ઊંચા ભાવને કારણે ટામેટાં ખરીદતી વખતે લોકો વચ્ચે મારા મારીનાં સમાચાર મળ્યા હતા. એટલે અમારી દુકાને આવતા લોકોએ પણ આવું જ કરવાનો પ્રયાસ કર્યો હતો. જે બાદ મેં અનુભવ કર્યો હતો કે હવે બઉ થયું. જે બાદ મેં મારી દુકાન પાસે બાઉન્સર રાખવાનો નિર્ણય કર્યો હતો.  
ફૌજીએ જણાવ્યું  કે આ મહિનાની શરૂઆતમાં તેની દુકાન પર સાદા કપડામાં બાઉન્સર ગોઠવવામાં આવ્યા હતા.  પરંતુ જ્યારે ટામેટાં ખરીદવા આવેલા ગ્રાહકોએ વધુ માથાકૂટ કરવાનો પ્રયત્ન કર્યો જે બાદ મેં યુનિફોર્મ વાળા બાઉન્સરો મારી દુકાન આગળ ગોઠવ્યા હતા. 

भाजपा टमाटर को ‘Z PLUS’ सुरक्षा दे. pic.twitter.com/k1oGc3T5LN

— Akhilesh Yadav (@yadavakhilesh) July 9, 2023

બાઉન્સર 9 થી 5 સુધી રખેવાળી કરે છે
હાલનાં સમયમાં 140 થી 160 રૂપિયા પ્રતિ કિલોના ભાવે ટામેટાં વેચી રહેલા સૈનિકે જણાવ્યું કે દુકાન પર રહેલા બંને બાઉન્સર સવારે 9 થી સાંજના 5 વાગ્યા સુધી ફરજ પર હોય છે. જો કે, તેમણે બાઉન્સરોને કરવામાં આવેલી કેટલી રકમ ચૂકવવામાં આવી તે અંગેની વિગતો આપવાની ના પાડી હતી. તેમજ કહ્યું હતું કે, "કોઈ એજન્સી મફતમાં બાઉન્સરો આપતી નથી."

ફૌજીએ કહ્યું, "જ્યાં સુધી મારી પાસે ટામેટાંનો સ્ટોક છે ત્યાં સુધી હું મારી દુકાન પર બાઉન્સર રાખીશ." બાઉન્સરનાં આવ્યા બાદ ગ્રાહકો દુકાને આવતાં ગભરાતા નથી તે પ્રશ્નનનાં જવાબમાં ફૌજીએ કહ્યું, 'લોકો દુકાને આવે છે, ભાવ પૂછે છે.  તેમજ બાઉન્સરોને પૈસા ચૂકવે છે અને તેમની પાસેથી સામાન લે છે.  કેટલાક લોકો ઉત્સુકતા સાથે બાઉન્સર ને જોવા માટે આવે છે. કારણ કે શાકભાજીની દુકાન પર બાઉન્સર હોવો એ બઉ મોટી વાત છે. 

અખિલેશ યાદવે વિડીયો ટ્વિટ કર્યો

આ દરમિયાન સમાજવાદી પાર્ટીના વડા અખિલેશ યાદવે ફૌજી સાથે સંબંધિત એક વીડિયો ટ્વિટર પર શેર કર્યો અને ટ્વીટ કર્યું કે, "ભાજપ ટામેટાને ઝેડ પ્લસ સુરક્ષા આપે."

થોડા સમય અગાઉ 1 જુલાઈના રોજ અખિલેશ યાદવના જન્મદિવસ પર ફૌજી તેમજ અન્ય પક્ષના કાર્યકરોએ ટામેટા આકારની કેક કાપીને તેનાં વધતા ભાવને ધ્યાનમાં રાખીને લોકોમાં ટામેટાં વહેંચ્યા હતા.