જરૂરિયાતની ચીજ / પેટ્રોલ, ખાદ્યતેલ અને હવે શાકભાજીના ભાવમાં પણ ભડકો, શું મોંઘવારીના માર વચ્ચે તહેવારો બનશે ફિક્કા

Shyam

Last Updated: 04:25 PM, 14 August 2021

FOLLOW ON

શેર કરો

મોંઘવારીના માર વચ્ચે તહેવારો ફિક્કા બને તેવા એંધાણ નજરે પડી રહ્યા છે, મહામારી અને વરસાદ ખેંચાતા શાકભાજીના ભાવ પર પણ મોટી અસર જોવા મળી

મોંઘવારીનો માર સહન કરતી જનતા પર વધુ એક માર
પેટ્રોલ, ડીઝલ, ગેસ બાદ હવે શાકભાજીના ભાવ આસમાને
કોરોનાથી સામાન્ય વર્ગની હાલત પહેલેથી જ બગડેલી

તહેવારોની હેલી જામી છે ત્યારે શાકભાજીના ભાવ વધતા હોય છે. પરંતુ આ વર્ષે કોરોનાની મહામારી ટ્રાન્સપોટેશન ખર્ચ અને વરસાદ ખેચાતા મોંઘવારીએ માજા મૂકી છે. જેના કારણે તહેવારો ફિકકા જોવા મળી રહ્યા છે. ત્યારે એક બાદ એક મોંઘવારીના મારે જનતાને નિરાશ બનાવી દીધા છે. તો હવે લીલા શાકભાજીના ભાવ વધતા લોકોને મુશ્કેલીમાં મૂક્યા છે.

શહેરમાં તહેવારો શરુ થયા છે અને તહેવારો શરુ થાય એટલે જીવન જરીરિયાતની ચીજ વસ્તુઓ સાથે ખાણીપીણીની માંગમાં પણ વધારો થાય છે. જો કે મોંઘવારીના માર વચ્ચે તહેવારો ફિક્કા બને તેવા એંધાણ નજરે પડી રહ્યા છે. રાજ્યમાં મોંઘવારીએ ફરી માજા મૂકી છે. વરસાદ આવતા જ ખેડૂતો ખુશ થઇ જતા હૉય છે. પરંતુ અતિવૃષ્ટિથી ક્યારેક ખેડૂતોએ રડવાનો વારો આવે છે. તો ક્યારેક અનાવૃષ્ટિને લીધે મોંઘવારી વધી જાય છે. પરંતુ હવે પેટ્રોલ-ડીઝલ તેલ સહિતના જીવન જરૂરિયાતની ચીજ વસ્તુઓના ભાવ આસમાને પહોંચ્યા છે. જેથી શાકભાજીના ભાવ પર પણ મોટી અસર જોવા મળી છે.