અસ્પૃષ્યતા / જગજનની સામે શેના ભેદભાવ? વાલ્મીકિ સમાજના દંપત્તિને ગરબા રમવા બદલ આણંદમાં આયોજકોએ ઢોર માર માર્યો

Kishor

Last Updated: 06:16 PM, 6 October 2022

FOLLOW ON

શેર કરો

આંકલાવ તાલુકાના ભેટાસી વાંટા વિસ્તારમાં ગરબા રમવા બાબતે વાલ્મિકી સમાજના દંપતીને આયોજકોએ ઢોર માર મારતા મહિલાને ગંભીર ઇજા પહોંચી હતી.

આણંદમાં ગરબા રમવા બાબતે વાલ્મિકી સમાજના દંપતીને મરાયો માર
આંકલાવ તાલુકાના ભેટાસી વાંટા વિસ્તારમાં મરાયો માર
બે દિવસ પૂર્વે ગરબા રમવા બાબતે થઇ હતી બબાલ

આજના આધુનિક યુગમાં અસ્પુષ્યતાએ પોતાનું અસ્તિત્વ ખોયું નથી. જે ચિંતાનો વિષય છે. આ અંગે છાશવારે અનેક કિસ્સાઑ સામે આવતા હોય છે. તેવામાં નવરાત્રિના આયોજન વેળએ આણંદમાં અસ્પુષ્યતાનું ભૂત ધૂણ્યું હતું. જેમાં શેરી ગરબા રમતી વેળાએ વાલ્મીકી પરીવાર સાથે આયોજકોએ માથાકૂટ કરી હતી. ત્યારબાદ ઢોર માર માર્યો હોવાની ઘટના સામે આવી છે.

વાલ્મિકી સમાજના દંપતીને માર માર્યો
આ અંગે જાણવા મળતી પ્રાથમિક વિગત અનુસાર આંકલાવ તાલુકાના ભેટાસી વાંટા વિસ્તારમાં નવરાત્રી નિમિત્તે ગરબાનું આયોજન કરવામાં આવ્યું હતું. આ દરમિયાન બે દિવસ પૂર્વે વાલ્મીકી પરીવાર સાથે ગરબા રમવા બાબતે બબાલ થઇ હતી. શેરી ગરબામાં વાલ્મીકી પરીવાર ગરબે ઘૂમતા માથાકૂટ થઇ હતી. જેને લઇને લોકોના ટોળે ટોળા એકઠા થયા હતા.

ગંભીર રીતે ઈજાગ્રસ્ત મહિલાને સારવાર અર્થે હોસ્પિટલ ખસેડાઇ
આ બબાલ બાદ દંપતી માફી માગવા ગયા હતા. જયા ગરબા આયોજકોએ ઉશ્કેરાઇ જઇ મહિલા અને તેના પતિ પર મોડી રાતે હુમલો કર્યો હોવાનું સામે આવ્યું છે. આ બનાવેને લઈને બંનેને ગંભીર ઇજા થવા પામી હતી. આથી ગંભીર રીતે ઘવાયેલી મહિલાને લોહીલુહાણ હાલતમાં સારવાર અર્થે હોસ્પિટલ ખાતે ખસેડવામાં આવી હતી. આ ઘટનાને લઈને આંકલાવ પોલીસ દોડી ગઈ હતી. જ્યાં નિવેદન લઈને આયોજકો વિરૂદ્ધ ગુનો નોંધી વધુ તપાસ હાથ ધરી છે.

સળગતા સવાલો