મહામારી / ભારે કરી... જે વેક્સિન સેન્ટર પર લોકો રસી લેવા ગયા ત્યાં જ કોરોના વિસ્ફોટ, 200 વ્યક્તિ પોઝિટિવ

• 200 કર્મચારીઓ કોરોના પોઝિટિવ આવ્યા
• 453 હેલ્થ વર્કર્સનો કોરોનાનો ટેસ્ટ કરવામાં આવ્યો
• આ દેશમાં 8 લાખથી વધુ લોકો કોરોનાથી સંક્રમિત  

200 કર્મચારીઓ કોરોના પોઝિટિવ આવ્યા
મલેશિયામાં મંગળવારે એક મોટા સામૂહિક વેકસીનેશન સેન્ટરને બંધ કરી દેવામાં આવ્યું. આ પાછળનું કારણ ઘણું જ ગંભીર છે. આ સેન્ટરમાં કામ  કરતાં મેડિકલ સ્ટાફના 200 કર્મચારીઓ કોરોના પોઝિટિવ આવ્યા. ત્યાંનાં વિજ્ઞાનમંત્રી ખૈરી જમાલુદ્દીને કહ્યું છે કે એ હજી એ કારણ સામે નથી આવ્યું કે આ સંક્રમણ સેન્ટરમાંથી જ ફેલાયું કે પછી બહારથી આવ્યું. તેમણે વધુમાં  કહ્યું કે સરકાર દ્વારા વધુ ઝડપે પગલાં લેવામાં આવી રહ્યા છે જેના કારણે ક્લસ્ટર બનતા રોકવામાં ઘણી મોટી સફળતા મળી છે. 

453 હેલ્થ વર્કર્સનો કોરોનાનો ટેસ્ટ કરવામાં આવ્યો 
આ મંત્રીએ ત્યાંનાં લોકોને આગ્રહ કર્યો છે કે જે લોકોએ શુક્રવારે આ સેન્ટર પર આવી વેકસીનેશન કરાવ્યું છે તે તમામ લોકો દસ દિવસ માટે પોતાની સેલ્ફને આઇસોલેટ કરી લે. તેઓ મલેશિયાના રસીકરણના પ્રમુખ પણ છે. તેમણે કહ્યું કે દેશના કેન્દ્રીય પ્રદેશ સેલાંગરમાં પહેલા કર્મચારી કોરોના પોઝિટિવ મળ્યા હતા. ત્યાર પછી તેમણે ત્યાંના બધા જ 453 હેલ્થ વર્કર્સનો કોરોનાનો ટેસ્ટ કરવાનો આદેશ આપવામાં આવ્યો. તેમાંથી કુલ 204 લોકો કોરોના પોઝિટિવ આવ્યા. વધુમાં તેમણે કહ્યું કે આ બધા જ લોકોમાં કોરોનાનો લોડ ઘણો ઓછો હતો, એટલે કે આ લોકોમાં વાયરસની માત્રા ઘણી ઓછી હતી. તેમનામાં સંક્રમણના લક્ષણ ઘણા જ ઓછા હતા.  

આ દેશમાં 8 લાખથી વધુ લોકો કોરોનાથી સંક્રમિત 
હાલમાં તે વેક્સિન સેન્ટર બંધ કરી દેવામાં આવ્યું છે, કારણકે તે સેન્ટરને સંપૂર્ણ રીતે સેનેટાઈઝ કરી દેવામાં આવે. વધુમાં ત્યાં કામ કરતાં બીજા લોકોને પણ આઇસોલેટ કરી દેવામાં આવ્યા છે. હવે આ સેન્ટરને ફરીથી બુધવારે ખોલવામાં આવશે. ત્યારે અહિયાં નવી ટીમ મૂકવામાં આવશે. એક જૂન બાદ અહિયાં લોકડાઉન આપી દેવામાં આવ્યું છે તેમ છતાં અહિયાં કોરોનાના સતત કેસો સામે આવી રહ્યા છે. અત્યાર સુધીમાં 8,44,000 લોકોમાં કોરોના સંક્રમણ ફેલાયેલું છે અને 6200 લોકોએ પોતાનો જીવ ગુમાવ્યો છે. અત્યાર સુધી માત્ર 11 ટકા લોકોનું જ વકેસીનેશન થઈ ચૂક્યું છે.