ઉત્તર પ્રદેશ / ગોરખપુર મંદિરમાં હુમલા બાદ યોગી સરકારનો મોટો નિર્ણય, CMએ જાણો શું આપ્યો આદેશ

Pravin

Last Updated: 02:15 PM, 4 April 2022

FOLLOW ON

શેર કરો

ઉત્તર પ્રદેશની યોગી આદિત્યનાથી સરકારે આઈપીએસ ઓફિસર નવીન અરોડાને યુપી એટીએસના પ્રમુખ બનાવ્યા છે.

ગોરખનાથ મંદિરમાં હુમલા બાદ યોગી એક્શનમાં આવ્યા
આ ઓફિસરોને આપી મોટી નિમણૂંક
એક્શનમાં આવી એટીએસ

ઉત્તર પ્રદેશની યોગી આદિત્યનાથી સરકારે આઈપીએસ ઓફિસર નવીન અરોડાને યુપી એટીએસના પ્રમુખ બનાવ્યા છે. ગોરખનાથ મંદિરમાં વિશેષ સંપ્રદાયના યુવકો દ્વારા પોલીસકર્મીઓ પર હુમલા બાદ એટીએસ એક્ટિવ થઈ ગઈ છે. તો વળી હવે નવીન અરોડને મહત્વની મનાતી એટીએસની કમાન સોંપી દીધી છે. હકીકતમાં જોઈએ તો, એસટીએફના ચીફ અમિતાભ યશ પાસે જ એટીએસની જવાબદારી હતી. તેથી રાજ્ય સરકારે એટીએસ પ્રમુખ પદેથી તેમને કાર્યમુક્ત કરવાનો નિર્ણય કર્યો છે અને એટીએસની કમાન હવે નવીન અરોડાને સોંપી દેવામાં આવી છે. અરોડાને સીએમ યોગીના નજીકના ઓફિસર માનવામાં આવે છે. લખનઉમાં કમીશ્નરી સિસ્ટમ લાગૂ કરવાના સમયથી તેમને સંયુક્ત આયુક્ત પર નિમણૂંક કરવામાં આવ્યા હતા.

પોતાના કાર્યકાળમાં કેટલાય ઓપરેશનો પાર પાડ્યા

નવીન અરોડ રાજ્યમાં કેટલાય મહત્વના પદો પર રહી ચુક્યા છે. તો વળી ગત વર્ષે આગરામાં આઈજી રેંજના પદ પર હતા, પણ સફાઈ કર્મચારીના મોત મામલા બાદ રાજ્ય સરકારે તેમને હટાવી દીધા હતા અને આઈજી બજેટ બનાવીને તેમને પોસ્ટીંગ આપ્યું હતું. બાદમાં તેમનું પ્રમોશન થયું હતું. જો કે, આગરામાં અરોડાએ કાયદો અને વ્યવસ્થા મજબૂત કરવાનું કામ કર્યું હતું. પોતાના કાર્યકાળમાં ઓપરેશનો ચલાવ્યા હતા.

ગોરખનાથ મંદિરમાં પહેલાની તપાસ કરવામાં લાગી એટીએસ

રવિવાર સાંજે ગોરખપુર સ્થિત ગોરખનાથ મંદિરમાં થયેલી વિશેષ સંપ્રદાયના યુવક દ્વારા પોલીસ હુમલા બાદ યુપી એટીએસે આ મામલે તપાસ કરી રહી છે. તો વળી પોલીસ પણ આ મામલે તપાસમાં લાગી ગઈ છે અને યુવકો સાથે પૂછપરછ કરી રહી છે. અહીં ઉલ્લેખનીય છે કે, સીએમ યોગી આદિત્યનાથ મંદિરના પીઠાધીશ્વર છે અને એટીએસ તમામ પાસાઓની તપાસ કરી રહી છે. કારણ કે, છેલ્લા કેટલાય દિવસથી સીએમ યોગી આદિત્યનાથને જાનથી મારી નાખવાની ધમકીઓ મળી રહી છે.

સંકળાયેલા મુદ્દાઓ

Yogi Government gorakhnath temple uttar pradesh એટીએસ ગોરખપુર યોગી આદિત્યનાથ Uttar Pradesh