પ્રશાસનિક નિર્ણય / યુપીના DGP મુકુલ ગોયલની સામે યોગી સરકારની મોટી કાર્યવાહી, હોદ્દા પરથી હટાવ્યાં, જાણો કેમ આવું કરાયું

•  DGP મુકુલ ગોયલ પર યોગી સરકારની મોટી કાર્યવાહી
• સરકારી કામમાં અવગણના બદલ હોદ્દા પરથી હટાવાયા 
• ડીજી સિવિલ ડિફેન્સના ચીફ બનાવાયા 
• મુકુલ ગોયલ 1987 ની બેચના આઈપીએસ અધિકારી

યોગી સરકારે રાજ્યના પોલીસ વડા  મુકુલ ગોયલને પદ પરથી હટાવીને તેમને  સિવિલ ડિફેન્સના ડીજી પદે નિયુક્તી આપી છે. યોગી સરકારે  એડીજી પ્રશાંત કુમારને ડીજીપીનો ચાર્જ સોંપ્યો છે. 2 જુલાઈ 2021 ના દિવસે તેમણે ડીજીપીનો કાર્યભાર સંભાળ્યો હતો, આમ એક વર્ષ કરતા પણ ઓછા સમયમાં તેમણે ડીજીપી પદ ગુમાવવું પડ્યું છે. માહિતી વિભાગે પરિપત્ર બહાર પાડીને આ નિર્ણયની જાણકારી આપી હતી. 

સરકારી આદેશની અવગણના બદલ કરાઈ કાર્યવાહી 
યોગી સરકારે  મુકુલ ગોયલને સરકારી કામની અવગણના, ખાતાકીય કામમાં રસ ન લેવા બદલ ડીજીપી પદેથી હટાવી દીધા છે. આરોપ છે કે તેઓ સરકારી આદેશની અવગણના કરતા હતા અને પોતાનું ધાર્યું કરતા નહોતા. આ વાતની ગંભીર નોંધ લઈને યોગી સરકારે કાર્યવાહી કરી હતી. 

Uttar Pradesh police chief Mukul Goel removed from post

— Press Trust of India (@PTI_News) May 11, 2022

મુકુલ ગોયલની કાર્યશૈલી પર સવાલ ઊભા થયા હતા 

મુકુલ ગોયલ આ પહેલા પણ ઘણા વિવાદોમાં રહી ચૂક્યા છે. કેટલીક ઘટનાઓ એવી પણ બની છે જ્યારે તેમની કાર્યશૈલી પર પણ સવાલો ઉભા થયા હતા. આ જ કડીમાં વર્ષ 2000માં મુકુલ ગોયલને તે સમયે એસએસપીના પદ પરથી સસ્પેન્ડ કરવામાં આવ્યા હતા. જ્યારે ભાજપના પૂર્વ ધારાસભ્ય નિર્ભય પાલ શર્માની હત્યા કરવામાં આવી હતી. મીડિયા રિપોર્ટ્સ અનુસાર વર્ષ 2006ના કથિત પોલીસ ભરતી કૌભાંડમાં કુલ 25 આઈપીએસ અધિકારીઓના નામ હતા. તેમાં મુકુલ ગોયલનું નામ પણ સામેલ હતું.

કોણ છે મુકુલ ગોયલ?

મુકુલ ગોયલ 1987 ની બેચના આઈપીએસ અધિકારી છે. પોતાની લાંબી કારકિર્દીમાં તેમણે ઘણા મહત્વના પદો પર પણ કામ કર્યું છે અને તેમને પોતાના કામ માટે સન્માન પણ મળ્યું છે. મુકુલ ગોયલનો જન્મ 22 ફેબ્રુઆરી, 1964ના રોજ ઉત્તર પ્રદેશના મુઝફ્ફરનગરમાં થયો હતો. મુકુલ ગોયલે આઈઆઈટી દિલ્હીથી ઇલેક્ટ્રિકલમાં બીટેક સાથે મેનેજમેન્ટમાં એમબીએની ડિગ્રી મેળવી હતી. આ ઉપરાંત ફ્રેન્ચ ભાષા પર પણ તેની જબરદસ્ત પકડ છે.1987માં આઈપીએસ અધિકારી બન્યા બાદ મુકુલ ગોયલની પહેલી પોસ્ટિંગ નૈનીતાલમાં એડિશનલ એસપી નૈનિતાલ તરીકે થઈ હતી. પ્રોબેશન પિરિયડ પૂરો કર્યા બાદ એસપી સિટી બરેલીની રચના કરવામાં આવી હતી અને કેપ્ટન તરીકે અલ્મોડા મુકુલ ગોયલનો પ્રથમ જિલ્લો હતો. અલ્મોડા બાદ મુકુલ ગોયલ જાલૌન, મૈનપુરી, આઝમગઢ, હાથરસ, ગોરખપુર, વારાણસી, સહારનપુર, મેરઠ સહિત અનેક જિલ્લાઓમાં કેપ્ટન હતા. સાથે જ તેમને ઈઓડબ્લ્યુ અને વિજિલન્સમાં પણ એસપી બનાવવામાં આવ્યા હતા.