G-7 Summit / ટ્રમ્પની સામે કાશ્મીર પર સવાલ થતાં PM મોદીએ આપ્યો આ જવાબ

દ્રિપક્ષીય વાર્તા દરમ્યાન મોદીએ કહ્યું કે, જ્યારે પણ મોકો મળે છે ત્યારે અમે મળીએ છીએ. પીએમ મોદીએ (narendra modi) કહ્યું કે, અનેક વિષયો પર ઊંડાઇથી વાતચીત થાય છે. બંને નેતાઓની આ મુલાકાત G-7 સંમેલનમાં થઇ છે. મોદીએ કહ્યું કે, ભારતમાં ચૂંટણી બાદ પાકિસ્તાને પીએમ ઇમરાન ખાન સાથે ફોન પર વાતચીત કરી હતી. મોદીએ કહ્યું કે, ભારત અને પાકિસ્તાન બંને દેશો ગરીબી સામે લડે છે. પીએમ મોદીએ અમેરિકી રાષ્ટ્રપતિની સામે જ્યારે કાશ્મીરને લઇ સવાલ કર્યો ત્યારે મોદીએ કહ્યું કે, કાશ્મીરનો મુદ્દો દ્રિપક્ષીય છે.

અમેરિકી રાષ્ટ્રપતિ ડોનાલ્ડ ટ્રમ્પે (Donald trump) કહ્યું કે, પ્રધાનમંત્રી મોદીની સાથે દ્રિપક્ષીય વાર્તા દરમ્યાન અમે વેપાર, સેના અને અન્ય મુદ્દાઓ પર વાતચીત કરી. અમારી વચ્ચે અલગ-અલગ વધુ મહત્વનાં મુદ્દાઓ પર વાતચીત કરી. અમે ગઇ કાલની રાત્રીએ ડિનર પર સાથે હતાં. મેં પ્રધાનમંત્રી મોદી પાસેથી ભારતનાં વિષયમાં ઘણી બધી મહત્વની બાબતો શીખી.

અમેરિકી રાષ્ટ્રપતિ ડોનાલ્ડ ટ્રમ્પે કાશ્મીર મુદ્દે અચાનક જ પોતાનાં નિવેદનથી પલટાઇ ગયાં. આ પહેલા તેઓએ એમ કહીને મુદ્દાને ઉછાળ્યો હતો કે પ્રધાનમંત્રી મોદીએ કાશ્મીર મુદ્દા પર મધ્યસ્થતાની રજૂઆત કરી હતી.

ડોનાલ્ડ ટ્રમ્પે પણ ભારત અને પાકિસ્તાનનાં મુદ્દાને દ્રિપક્ષીય જણાવ્યો છે. ટ્રમ્પે કહ્યું કે, અમે રવિવારનાં રાત્રીએ કાશ્મીર મુદ્દા પર વાત કરી. પીએમ મોદી માને છે કે તેની પર તેમનું નિયંત્રણ છે. તેઓ પાકિસ્તાનની સાથે વાત કરશે અને તેઓ કંઇક એવું કરશે કે જે વધારે ઉત્તમ હશે.

અમેરિકી રાષ્ટ્રપતિ ડોનાલ્ડ ટ્રમ્પે કહ્યું કે, પ્રધાનમંત્રી મોદીએ તેમણે જણાવ્યું કે, કાશ્મીરમાં બધું જ નિયંત્રણમાં છે. આ મુલાકાત દરમ્યાન મોદીએ ટ્રમ્પને કહ્યું કે, ભારત અને પાકિસ્તાનની વચ્ચે તમામ મુદ્દાઓનું સમાધાન દ્રિપક્ષીય વાર્તાથી જ કરી શકાય છે. આ મુલાકાત બાદ ટ્રમ્પે કહ્યું કે, મોદીએ જણાવ્યું કે, કાશ્મીરમાં બધું જ નિયંત્રણમાં છે.

અમેરિકી રાષ્ટ્રપતિ ડોનાલ્ડ ટ્રમ્પે પહેલાં એક એવું નિવેદન આપ્યું હતું કે, જેનાંથી ભારતની રાજનીતિમાં ભૂચાલ આવી ગયો હતો. ઇમરાન ખાનની સામે ટ્રમ્પે કહ્યું હતું કે, તેઓ કાશ્મીર નાં મુદ્દા પર મધ્યસ્થતા માટે તૈયાર છે અને આ માટે તેઓએ પીએમ મોદી સાથે પણ વાતચીત કરી છે. ટ્રમ્પનાં આ કથન પર ખૂબ બબાલ પણ થઇ. ભારત સરકારે આની પર સફાઇ પણ આપી અને બાદમાં ટ્રમ્પનાં આ દાવાને ખોટો કરાર કરી દીધો.