- મોદી આજે 341 કિલોમીટર લાંબા પૂર્વાચલ એક્સપ્રેસનું ઉદ્ધાટન કરશે
- મોદીના ભાષણ બાદ લગભગ અડધો કલાકનો એક શો પણ થશે
- મોદીની એન્ટ્રી C-130 સુપર હરક્યુલિસથી થશે
મોદી આજે 341 કિલોમીટર લાંબા પૂર્વાચલ એક્સપ્રેસનું ઉદ્ધાટન કરશે
ખાસ વાત એ છે કે કાર્યક્રમમાં પીએમ મોદીની એન્ટ્રી C-130 સુપર હરક્યુલિસથી બપોરે દોઢ વાગે પૂર્વાંચલ એક્સપ્રેસ વે પર લેન્ડ કરશે. પીએમના સ્વાગત માટે ઉત્તર પ્રદેશના સીએમ યોગી આદિત્યનાથ હાજર રહેશે. ત્યારે પીએમ મોદી 341 કિમી લાંબા પૂર્વાચલ એક્સપ્રેસ -વેના ઉદ્ધાટન બાદ ભાષણ આપશે. ઉલ્લેખનીય છે કે પૂર્વાંચલ એક્સપ્રેસ યોગીનો મેગા પ્રોજેક્ટ છે. ત્યારે જાણકારી મુજબ પીએમ મોદીના ભાષણ બાદ લગભગ અડધો કલાકનો એક શો પણ થશે. જેમાં દેશમાં ફાઈટર જેટ પોતાનું શક્તિ પ્રદર્શન કરશે.
મોદીના ભાષણ બાદ લગભગ અડધો કલાકનો એક શો પણ થશે
પૂર્વાંચલ એક્સપ્રેસ વે ઉદ્ધાટન થવાની સાથે એક્સપ્રેસ - વે પર રન વે પર ઈન્ડિયન એરફોર્સના ફાઈટર વિમાન એર શોના માધ્યમથી પોતાનું શક્તિ અને શૌર્ય પ્રદર્શન કરશે. જે માટે એક્સપ્રેસ વે પર સુલ્તાનપુરમાં કુરેભાર ગામની પાસે 3.2 કિમી લાંબો રન વે બનાવ્યો છે. ફાયટર એરક્રાફ્ટ સુખોઈ જગુઆર અને મિરાજ ફ્લાઈપાસ્ટ કરશે. બપોરે 2.40 વાગે એર શો શરુ થશે.
આ પ્રોજેક્ટમાં લગભગ 22 હજાર 495 કરોડ રુપિયાનો ખર્ચ થયો
ઉલ્લેખનીય છે કે આ સમગ્ર 341 કિમી પૂર્વાંચલ એક્સપ્રેસ વે બનાવવા માટે લગભગ 22 હજાર 495 કરોડ રુપિયાનો ખર્ચ થયો છે. આ હાઈવેથી રાજ્યના 9 જિલ્લા બારાબંકી, અમેઠી, સુલ્તાનપુર, અયોધ્યા, આંબેડકર નગર, આઝમગઢ, મઉ અને ગાજીપુરને જોડે છે.
અખિલેશે ટ્વીટ કરી કહ્યું આ અમારો પ્રોજેક્ટ છે
પીએમ મોદી દ્વારા 23 000 કરોડના ખર્ચથી બનેલા એક્સપ્રેસ વે સુલ્તાનપુર જિલ્લામાં ઉદ્ધાટનની પહેલા રાજનીતિ શરુ થઈ છે. સમાજવાદી પાર્ટીના રાષ્ટ્રીય અધ્યક્ષ અને પૂર્વ સીએમ અખિલેશ યાદવે આજે પ્રેસ કોન્ફ્રન્સમાં ભાજપ પર નિશાનો સાધ્યો. પૂર્વ સીએમે ભાજપ પર તેમની સરકારની યોજનોઓની ચોરીનો આરોપ લગાવ્યો છે.
તેમણે ટ્વીટરના માધ્યમથી ભાજપ પર સપાના કાર્યકાળની યોજનાઓને નવું નામ આપીને ક્રેડિટ ચોરવાનો આરોપ લગાવ્યો છે. તેણે ટ્વીટર પર એક તસવીર ટ્વીટ કરતા કહ્યું કે આ એક્સપ્રેસ વેનું ઉદ્ધાટન ડિસેમ્બર 2016માં તેમની સરકારના કાર્યકાળમાં થયું હતુ. તેમણે લખ્યું કે કેટલાક લોકો પોતાનું શાસન આમ જ ચલાવે છે. બીજાની પટ્ટી પર પોતાનું જહાજ ઉતારીને .
આ રસ્તો 19 મહિનામાં બનીને તૈયાર થયો
સીએમ આદિત્યનાથે કહ્યું કે કોવિડ -19 મહામારી છતાં આ રસ્તો 19 મહિનામાં બનીને તૈયાર થયો છે. સુલ્તાનપુર જિલ્લામાં ફાઈટર વિમાનની ઈમરજન્સી લેન્ડિંગના સમયે 3.3 કિમી લાંબો રસ્તો તૈયાર કર્યો છે. એક શો દરમિયાન મિરાજ 2000 અને Su-30MKI વિમાન ઈમરજન્સી એરસ્ટ્રીપથી અનેક વાર ઉડાન ભરશે. આ ઉપરાંત કેટલાક વિમાન કુરેભાર ગામમાં તૈયાર રનવે પર લેન્ડ કરશે. શુક્રવારે ભારતીય વાયુસેનાના વરિષ્ઠ અધિકારીઓની હાજરીમાં રિહર્સલ કરવામાં આવ્યું.
એક્સપ્રેસ વે પર 7 મોટા અને 114 નાના પુલ હશે. 7 રેલવે પુલ રહેશે. સાથે આમાં 271 અંડરપાસ પણ બનાવશે. પ્રવાસીઓની સુરક્ષા માટે પોલીસ એમ્બ્યુલન્સ જેવી વ્યવસ્થા પણ કરવામાં આવશે.
