- દલિત યુવતીની લાશ મળ્યાં બાદ રાજકારણ ગરમાયું
- પોસ્ટ મોર્ટમ રિપોર્ટમાં થયો ચોંકાવનારો ખુલાસો થયો
- યુવતીનુ મોત ગળુ દબાવવાના કારણે થયુ
આટલી હદે ક્રૂરતા? દીકરીના ગળાનું હાડકુ પણ તુટી ગયુ
સુત્રો મુજબ, પોસ્ટ મોર્ટમ રિપોર્ટમાં આ વાતનો ખુલાસો થયો છે કે યુવતીની મોત ગળુ દબાવવાના કારણે થઇ છે. તો ગળાનુ હાડકુ પણ તુટી ગયુ છે. આ સાથે માથામાં બે ગંભીર ઈજાના નિશાન મળ્યાં છે. ત્રણ ડૉકટરોની પેનલે પોસ્ટમોર્ટમ કર્યુ છે. યુવતીની માતા ન્યાય માટે ઘણા દિવસોથી ઝઝૂમી રહી હતી. કાંશીરામમાં રહેતા દલિત મહિલા રીતાની દીકરી પૂજા ગયા ડિસેમ્બર મહિનાથી ગુમ છે. ગુમ થયાનો રિપોર્ટ નોંધાવવામાં આવ્યો હતો. માંએ સપાના પૂર્વ રાજ્યમંત્રી અને સહકારી વિભાગના ચેરમેન રહેલા સ્વ. ફતેહબહાદૂરના દીકરા રાજોલ સિંહ પર ગુમ થયાનો આરોપ લગાવ્યો હતો. પોલીસે આ કેસને ગંભીરતાથી લીધો નથી. પરેશાન થયેલી માંએ અધિકારોની સ્પષ્ટતા પર ન્યાયની ગુહાર લગાવતી રહી, પરંતુ કોઈએ આ વાતને ગણકારી નહીં. 24 જાન્યુઆરીએ લખનઉમાં અખિલેશ યાદવની કાર આગળ તેની માતા કૂદી હતી.
પરિવારજનોમાં આક્રંદનો માહોલ
ઉલ્લેખનીય છે કે ઉન્નાવમાંથી જે પ્લોટમાંથી યુવતીની લાશ મળી છે, તેનો માલિક આરોપી રાજોલ સિંહ જ છે. પોલીસ આ મામલે તપાસ કરી રહી છે. એએસપી શશિ શેખર સિંહે કહ્યું કે ગત 8 ડિસેમ્બરે આ મામલે FIR નોંધાયા બાદ આરોપીની ધરપકડ કરવામાં આવી હતી. તપાસ બાદ યુવતીની લાશને લઇ લેવામાં આવી. લાશનુ પોસ્ટમોર્ટમ કરવામાં આવશે. લાશ મળ્યાં બાદ યુવતીના પરિવારજનોમાં આક્રંદનો માહોલ છવાયો છે. મૃતક યુવતીની માતાએ જણાવ્યું હતુ કે રાજોલ સિંહ તેની દીકરીને બળજબરીપૂર્વક પોતાની સાથે લઇ ગયો હતો. આ મામલે FIR નોંધાઈ. પરંતુ તેની દીકરીની કોઈ ભાળ મળી નહીં.
