NULL / ઉનાળામાં ઉપયોગી થશે આ ભૂગર્ભ ટાંકા દુષ્કાળની પરિસ્થિતિમાં થશે મદદરૂપ

જૂનાગઢઃ પાણીની સમસ્યા ન થાય તે માટે અલગ-અલગ પ્રકારના કાર્યો કરવામાં આવે છે. ત્યારે પાણીનો સંગ્રહ કરવા માટે ઘરના આંગણે ભૂગર્ભ ટાંકા બનાવવામાં આવે છે. આ ટાંકાના કારણે દુષ્કાળની પરિસ્થિતિમાં પણ ચોખ્ખુ પાણી વાપરવામાં આવે છે. 

કેવી રીતે ભૂગર્ભ ટાંકાનો ઉપયોગ કરવામાં આવે છે?
ભલે ગમે તેવા દુષ્કાળ હોય પરંતુ જો આ ભૂગર્ભ ટાંકામાં પાણી સાચવી રાખવામાં આવે તો તેનો ઉપયોગ આખા વર્ષ સુધી કરી શકાય છે. આ પાણી કેટલાય સમય સુધી રાખવામાં આવે પરંતુ આ પાણી ક્યારેય પણ બગડતુ નથી. અને આ પાણીનો પીવા માટે પણ ક્યારેય પણ ઉપયોગ કરવામાં આવી શકે છે.

આ ભૂગર્ભ ટાંકાને વિશિષ્ટ રીતે તૈયાર કરવામાં આવે છે કે જેનાથી વરસાદનુ પાણી સીધુ ટાંકામાં જાય છે. આખા વર્ષ સુધી આ પાણીનો ઉપયોગ કરી શકાય છે. જૂનાગઢમાં આવા ઘણા ભૂગર્ભ ટાંકા બનાવવામાં આવ્યા છે. આ ટાંકામાં વરસાદી પાણીનો સંગ્રહ કરવામાં આવે છે. વરસાદી પાણીનુ સંગ્રહ વ્યવસ્થિત રીતે કરવામાં આવે તો તે પાણી મિનરલ વોટર કરતા પણ શુદ્ધ અને મીઠુ હોય છે.

સામાન્ય રીતે વધુ સમય સુધી પાણી રાખવામાં આવે તો પાણી બગડી જતુ હોય છે. પરંતુ વરસાદ બાદ ધાબા સાફ કર્યા પછી તેની લાઈન આ ભૂગર્ભ ટાંકામાં આપવામાં આવે તો વરસાદના પાણીનો ઉપયોગ આખા વર્ષ સુધી કરી શકાય છે.

જૂનાગઢમાં આજે પણ ભૂગર્ભ ટાંકાથી કરાઇ છે પાણીનો સંગ્રહ
એક તરફ ઉનાળો પોતાનો મીજાજ બતાવી રહયો છે. ઘેર ઘેર પાણીની સમસ્યા પણ વધી છે. ત્યારે જૂનાગઢમાં આજે પણ એવા ઘર છે જેમાં ભૂગર્ભ ટાંકાથી પાણીનો સંગ્રહ કરવામાં આવે છે.

જૂનાગઢ શહેરના માંગનાથ વિસ્તારમાં નાગર જ્ઞાતિના અનેક ઘરો જોવા મળે છે. જેમાં નવાબી સમયથી ભૂગર્ભ ટાંકા બનાવામાં આવ્યા છે. આજે આ પાણીના ભૂગર્ભ ટાંકા આશીર્વાદ સમા બન્યા છે. આજથી 150 વર્ષ જુના ભૂગર્ભ પાણીના ટાંકા જોવા મળે છે. ચોમાસામાં વરસાદી પાણીનો સંગ્રહ કરવામાં આવે છે.  એક વર્ષ ચાલે તેટલું પાણીનો સંગ્રહ થાય છે. ત્યારે પોતાના પૂર્વજોની સારી દ્રષ્ટીના કારણે આજે આવનારી પેઢી માટે ભૂગર્ભ ટાંકા આશીર્વાદ સમાન બન્યા છે. ઘર નીચે 18 ફૂટની પોહળાઈના ટાંકાથી આજે ભર ઉનાળે શુદ્ધ પાણી પીવા મળે છે.

આજે જ્યારે જૂનાગઢના શહેરમાં પાણી સમસ્યા જોવા મળે છે ત્યારે માંગનાથ વિસ્તારમાં અનેક ઘરોમાં પાણીના ભૂગર્ભ ટાંકાથી મહિલાઓને પણ રાહત જોવા મળે છે. ત્યારે મહિલાઓના મતે આ ભૂગર્ભ પાણીના ટાંકામાં પીવા લાઈક શુદ્ધ પાણી મળી રહે છે. રસોઈ ઘરમાં પણ ખુબ ઉપયોગી સાબિત થાય છે. પાણીને શુદ્ધ કરવા વરસાદના પાણીથી ટાંકા ભરાય જાય પછી તેમાં ગળી ચૂનો અને ફટકડી નાખવાથી પાણી એક દમ ચોખ્ખું રહે છે. ત્યારે પૂર્વજોના આશીર્વાદથી આજે પીવાનું શુદ્ધ પાણી ઘરમાં જ મળી રહે છે.