ઉજવણી / જય જવાન! PM મોદી આ વખતની દિવાળી ફરી જમ્મુ કાશ્મીરમાં સૈનિકો સાથે મનાવશે, બાદમાં સંબોધન પણ કરશે

• દિવાળી સહિતના પર્વની ઉજવણીને લઈ લોકોમાં ભારે ઉત્સાહ
• વડાપ્રધાન જમ્મુ-કાશ્મીરના જવાનો સાથે દિવાળી ઉજવશે
• સેનાના જવાનોને સંબોધન પણ કરશે

દેશના યશસ્વી વડાપ્રધાન નરેન્દ્ર મોદી દર વર્ષે ભારતીય સેનાના જવાનો સાથે દિવાળી સહિતના પર્વની ઉજવણી કરતા હોય છે અને આ વર્ષે પણ આ પરંપરા અકબંધ રાખશે. પીએમ નરેન્દ્ર મોદી ફરી એકવાર સરહદ પર જવાનો સાથે દિવાળીનો તહેવાર ઉજવશે. આ વર્ષે વડાપ્રધાન જમ્મુ-કાશ્મીરના જવાનો સાથે દિવાળી ઉજવી શકે છે. આ દરમિયાન તેઓ સેનાના જવાનોને સંબોધન પણ કરશે.

PM મોદીની દિવાળી સૈનિકો સાથે 

પીએમ મોદી લગભગ છેલ્લા 9 વર્ષથી આ પરંપરા જાળવી રાખી છે. મહત્વનું છે કે ગત વર્ષે વડાપ્રધાન સૈનિકો સાથે દિવાળી મનાવવા કારગીલ ગયા હતા. જ્યા જવાનો સાથે જુસ્સાભેર પ્રકાસનું પર્વ ઉજવ્યું હતુ. જ્યારે આ વર્ષે પીએમ મોદીએ જમ્મુ-કાશ્મીરના નૌશેરા સેક્ટરમાં સેનાના જવાનો સાથે જશે.

મહત્વની વાત એ છે કે વડાપ્રધાન મોદી ગત વર્ષે કારગીલ, 2021 માં જમ્મુ અને કાશ્મીરના નૌશેરા સેક્ટર, તથા 2020માં રાજસ્થાનના જેસલમેરમાં દિવાળી મનાવવા ગયા હતા. વધુમાં 2019 માં રાજૌરીમાં સૈનિકોની સાથે નવું વર્ષ ઉજવી તેઓનો જુસ્સો વધાર્યો હતો. તો 2018માં ઉત્તરાખંડના હરસિલ ગામમાં ગયા હતા. આમ તેઓની આ જૂની સિસ્ટમ છે અને તે દર વર્ષે આ નિમિત્તે જ દિવાળીની ઉજવણી કરતા હોય છે.