મહામારી / આ તો કોરોના પાછો વકર્યો, દુનિયા ફરી ભરડામાં, જુઓ ક્યાં-ક્યાં કેસ વધવા લાગ્યા

• દુનિયા ફરી કોરોનાના ભરડામાં
• ચીન, હોંગકોંગ,અમેરિકા, યુરોપમાં વધવા લાગ્યા કેસ
• ભારતમાં કેરળ વધારી રહ્યું છે ચિંતા

દુનિયા ફરી વાર કોરોનાની ગર્તા તરફ ધકેલાઈ રહી છે. હાલના સમયે ચીન, હોંગકોંગ, અમેરિકા, યુરોપ અને ભારતના કેરળમાં કોરોનાના કેસ વધી રહ્યાં છે જે આવનારી આફતના અણસાર છે. 

ચીન,હોંગકોંગ,યુરોપના દેશમાં વધવા લાગ્યા કોરોના કેસ
હાલમાં ચીન,હોંગકોંગ,યુરોપના દેશમાં કોરોના કેસ વધવા લાગ્યા છે. ચીનમાં તો કેટલાય શહેરોમાં લોકડાઉન લગાડી દેવાયું છે. જ્યારે હોંગકોંગમાં ઓમિક્રોનનો પેટા વેરિયન્ટ પગપેસારો કરી રહ્યો છે. યુરોપના કેટલાક દેશોમાં પણ કોરોનાએ બિલ્લીપગે પ્રસરી રહ્યો છે. 

અમેરિકાના ઘણા રાજ્યોમાં કોરોના કેસ વધવા લાગ્યા
અમેરિકાના ઘણા રાજ્યોમાં કોરોનાના કેસ વધી રહ્યા હોવાનો ટ્રેન્ડ સામે આવ્યો છે. અમેરિકા કોરોનાની ભયાનક લહેરનો સામનો કરી ચૂક્યું છે. 

દક્ષિણ કોરિયા પણ વધવા લાગ્યા છે કેસ
દક્ષિણ કોરિયા અને કેટલાક યુરોપિયન દેશોમાં ફરીથી ચેપ વધતા દેશના લોકોમાં આ ચિંતા ઉભી થવા લાગી છે. હોંગકોંગમાં કોરોના સંક્રમણને કારણે મોટી સંખ્યામાં લોકોના મોત થઈ રહ્યા છે. આવી સ્થિતિમાં એ સમજવું જરૂરી છે કે દેશના ટોચના ડોકટરો કોરોના પર શું કહી રહ્યા છે. ડોક્ટરોનું સ્પષ્ટ કહેવું છે કે ટૂંક સમયમાં દેશમાં કોવિડ સંક્રમણ વધવાની કોઈ શક્યતા નથી પરંતુ ચોથી લહેરની શક્યતા નકારી ન શકાય અને તે દિલ્હીથી શરુ થઈ શકે છે. 

ફ્રાન્સ, યુકે, નેધરલેન્ડ અને ડેનમાર્કમાં ડેલ્ટાક્રોનના કેસ 
ડબ્લ્યુએચઓ અનુસાર, ફ્રાન્સ, યુકે, નેધરલેન્ડ અને ડેનમાર્ક સહિત યુરોપના ઘણા દેશોમાં ડેલ્ટાક્રોનના કેસ નોંધાયા છે. USના કેટલાંક ભાગોમાં ડેલ્ટાક્રોન વેરિઅન્ટના કેસો પણ મળી આવ્યાં છે. જો કે, હાલમાં તેના કેસો ઘણાં ઓછાં છે પરંતુ તે એક નવી લહેર લાવી શકે છે.

India had supplied 16.29 crore COVID-19 vaccine doses to 98 countries as on February 21: Govt to Parliament

— Press Trust of India (@PTI_News) March 15, 2022

ભારતમાં કેરળમાં આજે કોરોનાના નોંધાયા 1193 કેસ
કેરળમાં છેલ્લા ચોવીસ કલકમાં કોરોનાના 1193 કેસ નોંધાયા છે જે બીજા રાજ્યો કરતા સૌથી વધારે છે. ભારતમાં પણ ઓમિક્રોનનો પેટા વેરિયન્ટ ઘુસ્યો હોવાના અહેવાલ છે.