સાબરકાંઠામાં આદિવાસી વિસ્તાર માટે ઉતરાયણ તે આગામી વર્ષનો વરતારો જોવાનો દિવસ છે આજના દિવસે દેવ ચકલી ની પૂજા કરી તેને ઉડાડવામાં આવે છે અને તેના આધારે આગામી વર્ષ કેવું રહેશે તે નક્કી કરાય છે.
Share
ઉત્તરાયણનું પર્વ એ પતંગ દોરી સહિત દાન અને પૂણ્ય અવસર મનાય છે
આદિવાસીઓ માટે ઉતરાયણ આગામી વર્ષનો વરતારો જોવાનો દિવસ
આજના દિવસે દેવ ચકલી ની પૂજા કરી તેને ઉડાડવામાં આવે છે
ગુજરાતમાં ઉત્તરાયણનું પર્વ એ પતંગ દોરી સહિત દાન અને પૂણ્ય અવસર મનાય છે પરંતુ સાબરકાંઠામાં આદિવાસી વિસ્તાર માટે ઉતરાયણ તે આગામી વર્ષનો વરતારો જોવાનો દિવસ છે આજના દિવસે દેવ ચકલી ની પૂજા કરી તેને ઉડાડવામાં આવે છે અને તેના આધારે આગામી વર્ષ કેવું રહેશે તે નક્કી કરાય છે. જે મુજબ આજે પણ સાબરકાંઠાના ઇડર તાલુકાના આદિવાસી વિસ્તારમાં દેવ ચકલી ની પૂજા કરી તે ઉડાડતા તે લીલા વૃક્ષો પર બેસતા આગામી વર્ષ તમામ માટે ફળદાયી તેઓ દેવ ચકલી એ વરતારો આપ્યો છે.
દેવ ચકલીની પૂજા કર્યા બાદ તેને ઉડાડવામાં આવી
દેવ ચકલી ઉડાડતાં તે લીલા વૃક્ષ ઉપર બેસતા આગામી વર્ષ સ્થાનિક વિસ્તાર માટે શુકનિયાળ રહેશે
સાબરકાંઠાના ઇડર તાલુકા ના ધોળીયા અને સીયાસણ વિસ્તારમાં વર્ષોની પરંપરા અનુસાર ઉત્તરાયણનું પર્વ ઉજવાય છે. જે અંતર્ગત આજે સ્થાનિક આદિવાસી લોકોએ દેવ ચકલી ને પકડી તેની પૂજા કરી હતી. તલ ગોળ ખવડાવી ત્યારબાદ ખુલ્લા વિસ્તારમાં તેને ઉડાડી મૂકતા દેવ ચકલી ઉડીને લીલી ડાળી ઉપર બેસતા આગામી વર્ષ સારા વરસાદની સાથે સાથે દરેક વ્યક્તિ માટે ફળદાયી બની શકે તેઓ વધારો આપ્યો છે. જોકે દેવ ચકલી સૂકા લાકડા ઉપર બેસે તો આગામી વર્ષ વરસાદ વિનાનું તેમજ અપશુકનિયાળ ગણાય છે. જોકે આજે દેવ ચકલી ઉડાડતાં તે લીલા વૃક્ષ ઉપર બેસતા આગામી વર્ષ સ્થાનિક વિસ્તાર માટે શુકનિયાળ બની રહેશે તેવું માનવામાં આવે છે.
દેવ ચકલી ઉડાડ્યા બાદ લોકોએ ઉજવણી કરી
સ્થાનિકો દ્વારા આજના દિવસની ઉજવણી કરાઈ
સ્થાનિકો તલ, ગોળ સિગ દાણા ખજૂર ખાઈ અને નાચ ગાણ કરી આજના દિવસની ઉજવણી કરે છે. જોકે આગામી વર્ષ સારુ રહેવાની દેવ ચકલી એ આપેલા વધારાથી સ્થાનિક વિસ્તારના લોકોમાં પણ ખુશી જોવા મળી છે જોકે આ પરંપરા હવે દિન-પ્રતિદિન લુપ્ત થઈ રહી છે તેમજ સમગ્ર ઉત્તર ગુજરાતમાં હવે માત્ર સાબરકાંઠાના વિજયનગર પૂરતી જ મર્યાદિત બની રહી છે.
