રાજકારણ / 2024માં ફરી જીતવા માટે ગુજરાત અને ઉત્તરપ્રદેશને લઈને ભાજપ લઈ શકે છે મોટો નિર્ણય

Ronak

Last Updated: 01:16 PM, 26 July 2021

FOLLOW ON

શેર કરો

2022નું વર્ષ ચૂંટણીઓને લઈને દેશ માટે ઘણું ખાસ રહેશે. ઉત્તરપ્રદેશ અને ગુજરાતમાં ચૂંટણી યોજાવાની છે જેથી ભાજપ દ્વારા મોટા નિર્ણયો લેવામાં આવી શકે છે.

વર્ષ 2022 દેશ માટે મહત્વનું
2024ની ચૂંટણી પર 2022ની અસર
ઉત્તરપ્રદેશ અને ગુજરાતની ચૂંટણી સાથે યોજાય તેવી શક્યતા

ભારતમાં ચૂંટણીઓને લઈને 2022 ઘણું મહત્વનું વર્ષ રહેવાનું છે. 2022માં ગુજરાત અને ઉત્તરપ્રદેશ સહિત ઘણા રાજ્યોમાં ચૂંટણીઓ આવી રહી છે. 2024માં લોકસભા ચુટણીને લઈને 2022ની ચૂંટણીઓ ઘણી મહત્વની છે. ગુજરાતની સાથે સાથે માર્ચમાં પણ ચૂટણી થઈ શકે છે. જોકે આ વખતેતો મુખ્યમંત્રીના ચહેરા વગર ભાજપ ચૂંટણી લડવાના મૂડમાં છે.

બંને રાજ્યોમાં સાથે ચૂંટણી યોજાશે

એવું માનવામાં આવી રહ્યું છે કે ઉત્તરપ્રદેશમાં જો ચૂંટણી પહેલા થઈ તો પરિણામ ગુજરાતની ચૂંટણી પર પડી શકે છે. માટે બંને રાજ્યોમાં એક સાથે ચૂંટણીના આયોજનનો વિચાર કરવામાં આવી રહ્યો છે. સાથેજ એવું પણ કહેવામાં આવી રહ્યું છે કે ગુજરાતના મંત્રિમંડળ વિસ્તારમાં નેતૃત્વ પરિવર્તન પણ કરવામાં આવી શકે છે.

ભાજપમાં અંગત વિખવાદ

ગુજરાતમાં આ વખતે પ્રદેશ ભાજપની કમાન સી.આર.પાટીલના હાથમાં છે. પાટિલનું પ્રમુખ મોડલ જો ગુજરાતમાં સફળ નથી થયું જેના કારણે કાર્યકર્તાઓને જવાબદારી સોંપવામાં આવી છે. તેનું પરિણામ એ આવ્યું કે તેમના કામકાજમાં બેદરકારી જોવા મળી હતી. હવે પાર્ટીને લાગી રહ્યું છે કે અંગત વિખવાદને કારણે ચૂંટણી પ્રચાર પર અસર પડી શકે છે.

2002માં સમય પહેલા ચૂંટણી થઈ હતી

આપને જણાવી દઈએ કે અગાઉ 2002માં ગોધરા કાંડ બાદ વિધાનસભા ભંગ કરવામાં આવી હતી. 2002માં સમયથી 8 મહિના પહેલા ચૂંટણી લડવામાં આવી હતી. 2002માં ગોધરાકાંડ વખતે ગુજરાતમાં કાયદો વ્યવસ્થાને લઈને ઘણા સવાલો ઉઠ્યા હતા. પરંતુ તે સમયે નરેન્દ્ર મોદીની લોકપ્રીયતાના કારણે ભાજપને ઘણો ફાયદો થયો હતો.

સંકળાયેલા મુદ્દાઓ

2022 BJP elaction ચૂંટણી તૈયારીઓ ભાજપ politics