રાજકારણ / જાણો શા માટે સુરત આમ આદમી પાર્ટીના કોર્પોરેટર્સે પોતાની ગ્રાન્ટ માટે ફોર્મ બહાર પાડ્યા

Shyam

Last Updated: 10:28 PM, 2 June 2021

FOLLOW ON

શેર કરો

સુરતમાં કોર્પોરેટરોને મળતી ગ્રાન્ટનો ઉપયોગ કોઈ ફાલતુ ખર્ચ માટે નહીં, પરંતુ લોક ઉપયોગી કામ માટે થઈ શકે તેવો પ્રયાસ અપનાવવામાં આવ્યો

સુરતમાં AAPની અનોખી પહેલ
કોર્પોરેટરોને મળતી ગ્રાન્ટને લઈને મહત્વનો નિર્ણય
બાકડાઓ પાછળ નહીં ખર્ચાય ગ્રાન્ટના રૂપિયા

સુરત મહાનગરપાલિકામાં પહેલીવાર વિપક્ષમાં બેઠેલી આમ આદમી પાર્ટીએ અનોખી પહેલ શરૂ કરી છે. કોર્પોરેટરોને મળતી ગ્રાન્ટનો ઉપયોગ કોઈ ફાલતુ ખર્ચ માટે નહીં, પરંતુ લોક ઉપયોગી કામ માટે થઈ શકે તેવો પ્રયાસ અપનાવવામાં આવ્યો છે. અને આ માટે આમ આદમી પાર્ટીએ કોર્પોરેટરને મળતી ગ્રાન્ટ ક્યાં વાપરવી તે માટે લોકો પાસેથી સૂચનો મંગાવ્યા છે. જેના ભાગરૂપે કોર્પોરેટરોને મળતી ગ્રાન્ટનો ઉપયોગ ક્યાં અને કેવી રીતે કરવો તે માટે જનતાની મરજી જાણવા ફોર્મ બહાર પાડવામાં આવ્યા છે.

આમ આદમી પાર્ટીના દરેક કોર્પોરેટરો દ્વારા આ ફોર્મ તૈયાર કરવામાં આવ્યા છે. જેમાં સોસાયટીના આંતરિક પાકા રસ્તા, ગટર લાઈન, પીવાના પાણીની લાઈન, સ્ટ્રીટ લાઈટ, પેવર બ્લોક ફીટીંગ, સોસાયટીમાં સીસીટીવી કેમેરા તેમજ જો અન્ય કોઈ સૂચન હશે તો તેની જાણકારી લોકો પાસેથી મેળવવામાં આવશે. તે મુજબની ફાળવણી થઈ શકે તેવા પ્રયાસો હાથ ધરવામાં આવશે.પરંતુ ગ્રાન્ટમાંથી એક પણ રૂપિયો બાંકડા પાછળ નહીં ખર્ચવામાં આવશે. અને એક પણ બાંકડા નહિ મૂકી આપવામાં આવે તેવું પણ સ્પષ્ટ ફોર્મમાં જણાવવામાં આવ્યું છે.

આમ, સુરતમાં કોરોનાનું સંક્રમણ સૌથી વધુ હતું ત્યારે પાલિકાની ગ્રાન્ટ નહીં ફાળવનારા આમ આદમી પાર્ટીના કોર્પોરેટર હવે લોકોના અભિપ્રાય લઈને ગ્રાન્ટની ફાળવણી કરશે. જો કે, બાકડાઓ માટે ગ્રાન્ટની ફાળવણી કરાશે નહી. માત્ર પ્રાથમિક સુવિધા માટે જ ગ્રાન્ટ ફાળવવામાં આવશે.

સંકળાયેલા મુદ્દાઓ

SMC aap corporator surat આમ આદમી પાર્ટી કોર્પોરેટર ગ્રાન્ટ સુરત Surat AAP