સુનાવણી / ખેડૂત આંદોલન પર SCએ વ્યક્ત કરી ચિંતા, કહ્યું 'પરિસ્થિતિમાં કોઇ જ બદલાવ આવ્યો નથી', હવે આ તારીખે ફરી સુનાવણી

• ખેડૂત આંદોલન સર્વોચ્ચ અદાલતે ચિંતા વ્યક્ત કરી 
• 11મી જાન્યુઆરીએ ખેડૂતો મુદ્દે બધી જ અરજીઓ પર સુનાવણી કરશે કોર્ટ 
• સરકાર તરફથી કહેવામાં આવ્યું ટૂંક સમયમાં જ સમાધાન આવી જશે  

કોર્ટે વ્યક્ત કરી ચિંતા 

ત્રણ કૃષિ કાયદાઓની સામે ચાલી રહેલા આંદોલનમાં વારંવાર વાતચીત છતાં કોઇ પરિણામ આવી શક્યું નથી ત્યારે આ મામલે કોર્ટે પણ ચિંતા વ્યક્ત કરી છે. જોકે કોર્ટમાં સરકાર તરફથી સોલિસિટર જનરલ તુષાર મેહતા અને અટોર્ની જનરલ વેણુગોપાલે કહ્યું કે ખૂબ જલ્દી ગતિરોધ સમાપ્ત થઈ શકે છે. કૃષિ કાયદાથી જોડાયેલી અરજી પર સુનાવણી કરતાં સર્વોચ્ચ અદાલતે ખેડૂત આંદોલન પર ચિંતા વ્યક્ત કરી છે.  સુપ્રીમ કોર્ટે કહી ઉકે અમે પરિસ્થિતિને સમજીએ છે અને અમે ઈચ્છીએ છીએ કે સરકાર વાતચીતથી સમાધાન લાવે. 

આજે ફરી કરાઇ હતી એક અરજી 

નોંધનીય છે કે જ્યાં એક તરફ ખેડૂતોને લગતી વિવિધ અરજીઓ પર પહેલા જ સુનાવણી ચાલી રહી છે ત્યારે આ ત્રણેય કાયદાને રદ્દ કરવાની માંગ સાથે વધુ એક અરજી આજે કરવામાં આવી હતી જેના પર અદાલતે અરજીકર્તાને પૂછ્યું કે શું તમને ખબર છે કે કોર્ટમાં ખેડૂતોના આંદોલનને લઈને શું ચાલી રહયું છે ? તો અરજી કરનાર એમએલ શર્માએ જવાબ આપ્યો કે તેમણે સંશોધિત અરજી દાખલ કરી છે. જે બાદ અદાલતે SG તુષાર મેહતાને સવાલ કર્યો કે ખેડૂતોના પ્રદર્શનને લઈને સુનાવણી ક્યારે થશે ? તુષાર મેહતાએ જવાબ આપ્યો કે હજુ સુધી તારીખ નક્કી થઈ શકી નથી. સાથે જ તુષાર મેહતાએ કહ્યું કે બીજા મામલાની સાથે જ આ મામલાને ન લેશો. 

હવે સોમવારે ફરી થશે સુનાવણી 

તુષાર મેહતાની દખાસ્ત બાદ અદાલતે કહ્યું કે અમે બીજા મામલાઓની સાથે જ આ કેસને લઈશું કારણ કે હજુ સુધી આંદોલનને લઈને કોઇ જ સમાધાન સામે આવ્યું નથી. હવે બધી જ અરજીઓ પર એક સાથે 11મી જાન્યુઆરીએ સુનાવણી હાથ ધરવામાં આવશે. અદાલતે કહ્યું કે અમે બધા કેસ પર એક સાથે સોમવાર સુનાવણી કરીશું. કોર્ટની પણ ઈચ્છા છે કે વાતચીત જ સમાધાન નીકળે. અદાલતે એમ પણ કહ્યું કે ખેડૂતોના વિરોધ મામલે કોઇ જ સુધારો જોવા મળ્યો નથી. જે બાદ AG કે કે વેણુગોપાલે કહ્યું કે ટૂંક સમયમાં કોઇ નક્કર પરિણામ સામે તેવી સંભાવના છે.