લીલી ઝંડી / મોદી સરકારના ડ્રીમ પ્રોજેક્ટ સેન્ટ્રલ વિસ્ટાને સુપ્રીમ કોર્ટની મંજૂરી

• સેન્ટ્રલ વિસ્ટા પ્રોજેક્ટને સુપ્રીમ કોર્ટે આપી લીલીઝંડી
• પર્યાવરણ સમિતિની ભલામણ યોગ્ય
• નિર્માણ પહેલા સરકાર હેરિટેજ કમિટીની મંજૂરી લે

Supreme Court gives a go-ahead to the redevelopment plan of the Central Vista project https://t.co/8xRfwkqppN pic.twitter.com/SFmgAatQpi

— ANI (@ANI) January 5, 2021

સુપ્રીમ કોર્ટે પર્યાવરણ કમિટીના રિપોર્ટને પણ નિયમોને અનુરુપ માન્યું છે. કોર્ટે લેંડ યૂઝ ચેંજ કરવાના આરોપના કારણે સેંટ્રલ વિસ્ટાની માન્યતા પર સવાલ ઉભો કરનાર અરજીને હાલમાં પેન્ડિંગ રાખી છે. 
 

આ મુદ્દા પર જસ્ટિસ એએમ ખાનવિલ્કર, દિનેશ માહેશ્વરી અને સંજીવ ખન્નાની ત્રણ જ્જની બેંચ દ્વાાર મંગળવારે પોતાનો ચુકાદો સંભળાવ્યો. સુપ્રીમ કોર્ટે જણાવ્યું કે અમે સેન્ટ્રલ વિસ્ટા પરિયોજનાને મંજૂરી આપતા સમયે પર્યાવરણ મંત્રાલય દ્વારા આપવામાં આવેલી ભલામણને યથાવત રાખીએ છીએ. સુપ્રીમ કોર્ટે કહ્યું કે નિર્માણ કાર્ય શરુ કરતા પહેલા હેરિટેજ કન્ઝર્વેશન કમિટીની મંજૂરી આવશ્યક છે. 

સેન્ટ્રલ વિસ્ટા પ્રોજેક્ટને સુપ્રીમ કોર્ટ દ્વારા લીલી ઝંડી આપવામાં આવી છે. સુપ્રીમ કોર્ટે જણાવ્યું છે કે પર્યાવરણ સમિતિની ભલામણ યોગ્ય છે. નિર્માણ પહેલા સરકાર હેરિટેજ કમિટીની મંજૂલી લઇ લે. તેમજ નિર્માણ શરુ થયા બાદ સ્મોલ ટાવર લગાવવામાં આવે.
 

કેન્દ્ર સરકારની આ મહત્વકાંક્ષી યોજનાને અનેક અરજીકર્તાઓએ પડકારી હતી. હજારો કરોડોની યોજના માત્ર સરકારી નાણાની બરબાદી હોવાનો ઉલ્લેખ કર્યો હતો. ઐતિહાસિક ઇમારતોને નુકસાન થવાની પણ આશંકા વ્યકત કરાઇ હતી. ઉલ્લેખનીય છે કે પ્રધાનમંત્રી નરેન્દ્ર મોદીએ 10 ડિસેમ્બરના રોજ સેન્ટ્રલ વિસ્ટા પ્રોજેક્ટનો શિલાન્યાસ કર્યો હતો. 

નવી સંસદને લઇને સરકારે રાખ્યા હતા આ તર્ક

સોલિસિટર જનરલ તુષાર મહેતાએ કહ્યું હતું કે હાલનું સંસદ ભવન ગંભીર આગની આશંકા અને ઓછી જગ્યાનો સામનો કરી રહ્યું હતું. આ પ્રોજેક્ટ હેઠળ હેરિટેજ બિલ્ડિંગને સંરક્ષિત કરવામાં આવશે. હાલનું સંસદ ભવન 1927માં બનાવામાં આવ્યું હતું જેનો ઉદ્દેશ્ય વિધાન પરિષદ ભવનના નિર્માણનો હતો ન કે બે સદનનો હતો. પરંતુ જ્યારે લોકસભા અને રાજ્યસભાનું સંયુક્ત સત્ર આયોજિત કરવામાં આવે છે ત્યારે સાંસદો પ્લાસ્ટીકની ખુરશી પર બેસે છે. જેનાથી સંસદની ગરીમા જળવાતી નથી.