IPL 2020 / સનરાઇઝર્સ હૈદરાબાદે રૉયલ ચેલેન્જર્સ બેંગલુરૂને 5 વિકેટથી હરાવ્યું, SRH ટૉપ-4માં પહોંચ્યું

Hiren

Last Updated: 12:02 AM, 1 November 2020

FOLLOW ON

શેર કરો

IPLની 13મી સીઝનના 52માં મુકાબલામાં મેચમાં શનિવાર રાત્રે શારજાહમાં સનરાઇઝર્સ હૈદરાબાદે બાજી મારી. તેમણે રૉયલ ચેલેન્જર્સ બેંગલુરૂને 5 વિકેટથી હરાવ્યું.

સનરાઇઝર્સ હૈદરાબાદે રૉયલ ચેલેન્જર્સ બેંગલુરૂને 5 વિકેટથી હરાવ્યું
સનરાઇઝર્સ હૈદરાબાદ ટૉપ-4માં પહોંચ્યું
રૉયલ ચેલેન્જર્સ બેંગલુરૂ હજુ પણ ક્વોલવિફાઈ કરવાથી 2 પોઇન્ટ દૂર

સનરાઇઝર્સ હૈદરાબાદે રૉયલ ચેલેન્જર્સ બેંગલુરૂને 5 વિકેટથી હરાવ્યું છે. પહેલા તો તેમણે બેંગલુરૂને 120/7 રનો પર રોક્યું અને ત્યાર બાદ 14.1 ઓવરમાં 5 વિકેટ ગુમાવીને જીતનું લક્ષ્ય (121 રન) મેળવી લીધું. ઋદ્વિમાન સાહાએ સૌથી વધુ 39 રન બનાવ્યા. જેસન હોલ્ટર(અણનમ 26 રન, 10 બોલ, 3 છગ્ગા, 1 ચોગ્ગો) ના છગ્ગા સાથે જીત અપાવી. કરો યા મરોના મુકાબલામાં જીતની સાથે સનરાઇઝર્સની આશા વધી ગઇ છે.

A 5-wicket win and two crucial points in the bag for @SunRisers 💪💪#Dream11IPL pic.twitter.com/rsuO6svtVx
— IndianPremierLeague (@IPL) October 31, 2020

સનરાઇઝર્સની આ 13 મેચોમાં 6ઠ્ઠી જીત છે અને 12 પોઇન સાથે તેઓ ચોથા સ્થાન પર આવી ગયા છે. હવે તેમને એક મેચ બાકી રહી છે, જે 3 નવેમ્બરે મુંબઈ ઇન્ડિયન્સ વિરૂદ્ધ રમાશે. આ મેચમાં જીતીને તેઓ ક્વોલિફાઈ કરી શકે છે, કારણ કે તેમની પાસે સારી નેટ રન રેટ છે.

બીજી તરફ રૉયલ ચેલેન્જર્સ બેંગલુરૂ હજુ પણ ક્વોલવિફાઈ કરવાથી 2 પોઇન્ટ દૂર છે. તેમની આ છઠ્ઠી હાર રહી. 13 મેચોમાં તેમના 14 પોઇન્ટ છે. RCBની એક મેચ બાકી છે, જે 2 નવેમ્બરે દિલ્હી કેપિટલ્સ (14 પોઇન્ટ) સામે રમાશે. આ મેચ જીતનારી ટીમ 16 પોઇન્ટ સાથે ક્વોલિફાઈ કરી શકશે. પરંતુ હારનારી ટીમના નેટ રન રેટના આધારે નિર્ણય થશે.