બેદરકારી / નર્સે કહ્યું 'ઓક્સિજન જોતાં રહેજો', માતા જોતી રહી પરંતુ પોતાના 5 મહિનાના બાળકને બચાવી ન શકી

• સ્ટાફ નર્સ દર્દીનાં માતા પિતાને ઓક્સિજન ચેક કરવાનું કહ્યું હતું
• દર્દીનાં સગા ફરીયાદ કરતા તેમ છતાં કોઈએ ન સાંભળી
• હોસ્પિટલમાં સફાઈનાં નામે મીંડુ છે

5 મહિનાનાં બાળકનું મોંત નિપજ્યું હતું

પદ્મા રાવલ રાજસ્થાને કોટા જિલ્લાનાં જેક લોન સરકારી હોસ્પિટલમાં એક વિશાળ પરિસરની અંદર છે. જ્યાં લોકો ઘણાં તણાવમાં છે. તેમની ઉંમર 20 વર્ષની આસપાસ છે અને તે પતિ સંજયનીસાથે છે. તે ઘણી ચિડ, ગુસ્સા અને દુ:ખમાંથી પસાર થઈ રહ્યાં છે. રાવલે હૈયાવરાળ ઠાવતાં કહ્યું કે, 'ઘણી બધી પ્રાર્થનાઓ પછી મને બાળક મળ્યું હતું , પરંતુ હવે એને પણ હું ગુમાવી ચૂકી છું. '  નિમોનિયાથી પીડિત હોવાને કારણે તેને આ હોસ્પિટલમાં પોતાનાં બાળકે દાખલ કર્યો હતો. દાખલ કર્યા બાદ એક દિવસ 23 ડિસેમ્બરે તેનાં 5 મહિનાનાં બાળકનું મોંત નિપજ્યું હતું.

હોસ્પિટલમાં સફાઈનાં નામે મીંડુ છે

પદમાનાં પતિ સંજય સ્થાનીક બીજ બજારમાં કામ કરે છે. તેમણે જણાવ્યું હતું કે , 'હોસ્પિટલનાં કર્મચારી કહેતાં હતાં કે તમે ચેક કરતાં રહેજો કે ઓક્સિજન પાઈપ કામ કરી રહી છે કે નહી? પણ અમે આ કેવી રીતે જાણી શકીએ? શું આ સ્ટાફ નર્સની ફરજ નહોતી? બીજું કે અહીં સફાઈ પણ નથી.' ડિસેમ્બર મહિનામાં જેકે હોસ્પિટલમાં 100 બાળકોનાં મોંત થયાં હતાં. રાવલ દંપતિનું બાળક પણ આ બાળકોમાંનુ એક હતું. 

 મહિનાં 100 બાળકોનાં મોંત થયા છે

હાલમાં સત્તા પર રહેલી કોંગ્રેસ સરકાર એમ કહીને પોતાનો બચાવ કરી રહી છે કે આ અસામાન્ય ઘટનાં નથી. જેકે લોન સરકારી હોસ્પિટલમાં 2019માં 963 બાળકોનાં મોંત ભૂતકાળનાં વર્ષોની તુલનામાં ઓછાં છે. આ પહેલા 1198 (2014), 1260 (2015), 1193(2016), 1027 (2017) અને 1005(2018) બાળકોના મોત થઈ ચૂક્યાં છે. મહિનામાં 100 બાળકોનાં મોંત થયા છે.

 ઓક્સિજન સિલેંડર ચારેય તરફ વિખરાયેલા મળ્યાં

મીડિયા દ્વારા હોસ્પિટલની મુલાકાત લઈ તેની સુવિધા અંગે તપાસ કરવામાં આવી ત્યારે જોવા મળ્યું હતું કે દર્દીઓનાં પરિવારોએ નિરાશાજનક સુવિધાઓ તરફ આંગળી ચિંધી હતી અને ફરિયાદ કરતા કહ્યું હતું કે મદદ માટે બૂમો પાડવા છતાં તેમનું કોઈ સાંભળતું નહોતું.  ઉલ્લેખનીય છે કે નિયોનેટલ ઈંટેંસિવ કેર યૂનિટ(એનઆઈસીયુ)ની બહાર એક ખૂલ્લા ડસ્ટબીનમાં વધેલું જમવાનું રાખેલું મળ્યં અને સર્જિકલ માસ્કનો ઉપયોગ કરવામાં આવ્યો. જ્યારે કે ઓક્સિજન સિલેંડર ચારેય તરફ વિખરાયેલા મળ્યાં. લોકોની લાંબી લાઈન, જેમાં બાળકોનાં માતા-પિતા અને દર્દીઓનાં સંબંધી મદદની રાહ જોઈ રહ્યાં હતાં. 

દર્દીઓનાં પરિવારોની વાત કોઈ સાંભળતું નહોતું

કોટામાં રહેવાવાળા 32 વર્ષીય વસીમ ખાને જણાવ્યું હતું કે, ' અહીં સફાઈ બિલકુલ નથી અને દર્દીઓનાં પરિવારોની વાત કોઈ સાંભળતું નથી. મારા ભત્રીજાનો જન્મ લગભગ 15 દિવસ પહેલાં હોસ્પિટલમાં થયો હતો.  લગભગ એક અઠવાડિયા પછી તેને અને તેની મમ્મીને રજા આપ દેવાઈ હતી પરંતુ ઘરે જવાનાં બે દિવસની અંદર તેને શ્વાસ લેવામાં તકલીફ થઈ ગઈ અને તેને હોસ્પિટલમાં દાખલ કરવામાં આવ્યાં. ' હોસ્પિટલનાં બાળ રોગ વિભાગ મુજબ જાન્યુઆરી 2019થી દર મહિને ઓછામાં ઓછાં 60 બાળકોનાં મોંત થાય છે. થોડાક મહિનામાં આ સંખ્યા 100ની થઈ ગઈ. ઓગષ્ટમાં 87, સપ્ટેમ્બરમાં 90, ઓક્ટોબરમાં 91, નવેમ્બરમાં 101 અને ડિસેમ્બરમાં 100ની આસપાસ થઈ ગઈ હતી.