- રાજકોટના જસદણમાં રાજકારણ ગરમાયું
- ભાજપના પૂર્વ મહામંત્રીએ કર્યા આક્ષેપ
- પૂર્વ મહામંત્રીએ કુંવરજી બાવળીયા પર કર્યા આક્ષેપ
લોકસભાની ચૂંટણી પહેલા ફરી એકવાર રાજકારણ ગરમાયું છે. ગુજરાતના ફરી એકવાર આક્ષેપો પ્રતિ આરોપો તેમજ પક્ષ પલટાની રાજનીતિનો દોર શરૂ થયો છે. સૌરાષ્ટ્રના સેન્ટર પોઈન્ટ એવા રાજકોટના જસદણમાં રાજકારણ ગરમાયું છે. વિંછીયા તાલુકા ભાજપના પૂર્વ મહામંત્રીએ કુંવરજી બાવળીયા પર કેટલાક ગંભીર આક્ષેપ કર્યા છે.
ભાજપના કાર્યકરોને સાઈડલાઇન કરાયાનો આક્ષેપ
ભૂપતભાઇ કેરાળીયાએ કુંવરજી બાવળીયા પર ગંભીર આક્ષેપ કર્યો છે. તેમણે કહ્યું કે, જુના ભાજપના કાર્યકરોને સાઈડલાઇન કરાયા છે. ભાજપના જ બે નેતાઓ વચ્ચે ગજગ્રાહ સામે આવતા રાજકારણ ગરમાયું છે. અત્રે જણાવીએ કે, ભૂપતભાઇ કેરાળીયાના આ આક્ષેપ બાદ જસદણના રાજકારણમાં પહલ ચહલ શરૂ થઈ છે. રાજકોટ ભાજપનો જૂથવાદ મામલો વધુ એક વાર સામે આવતા અનેક અટકળો શરૂ થઈ છે
લોકસભામાં ભાજપનો 26નો ટાર્ગેટ
પ્રદેશ ભાજપ અધ્યક્ષ સી આર પાટીલએ એક નિવેદનમાં જણાવ્યું હતું કે, હું ભાજપના કાર્યકર્તાઓથી લઇને સૌ આગેવાન મિત્રોને વિનંતી કરું છું કે પ્રધાનમંત્રી નરેન્દ્ર મોદીના નેતૃત્વમાં આવનારી લોકસભાની ચૂંટણીમાં આપણે ગુજરાતની 26એ 26 સીટ, જે પહેલાં પણ બેવાર આપ સૌ જીત્યા છીએ, ત્યારે ત્રીજી વાર પણ ગુજરાતના સૌ ભાઇ-બહેન મતદારોના સહકાર સાથે એમના આશીર્વાદ સાથે 26એ 26 સીટ જીતીને આપણે હેટ્રિક તો કરવાની જ છે, પણ 5 લાખથી વધુ મતોના જીત સાથેના સંકલ્પ સાથે આપણે આગળ વધવાનું છે.
