બ્રેકિંગ ન્યુઝ
લોકસભા ચૂંટણી 2024 / 'કોંગ્રેસ અને આપ પાર્ટીના લોકો જુઠ્ઠાણાં ચલાવે છે' અમિત શાહે વિપક્ષને આડે હાથ લીધું
લોકસભા ચૂંટણી: કેન્દ્રીય ગૃહમંત્રી અમિત શાહની ગોધરામાં વિજય સંકલ્પ સભા, જનસભામાં મોટી સંખ્યામાં લોકો ઉમટી પડ્યા
લોકસભા ચૂંટણી 2024: મુંબઈ નોર્થ સેન્ટ્રલથી પૂનમ મહાજનનું પત્તુ કપાયું, આતંકી કસાબને ફાંસી અપાવનારા ઉજ્જવલ નિકમને ભાજપે ટિકિટ આપી
સલમાન ખાન ફાયરિંગ કેસ: અનમોલ બિશ્નોઇ સામે લુકઆઉટ નોટીસ જાહેર
1983ના 41 વર્ષ જૂના કેસમાં દાઉદ ઇબ્રાહિમ દોષ મુક્ત
22 એપ્રિલથી 'તારક મહેતા કા ઉલ્ટા ચશ્મા'ના કલાકાર સોઢીનો સંપર્ક કટ
Priyakant
Last Updated: 10:38 AM, 27 March 2024
Lok Sabha Election 2024 : લોકસભા ચૂંટણીને લઈ રાજકારણ ગરમાઈ ચૂક્યું છે. આ તરફ ભાજપે અત્યાર સુધીમાં લોકસભાના ઉમેદવારોની છ યાદી જાહેર કરી છે. જેમાં 405 બેઠકો માટે ઉમેદવારોની જાહેરાત કરવામાં આવી છે. આમાં ભાજપે તેના 89 વર્તમાન સાંસદોની ટિકિટ રદ કરી છે. એવા 11 નેતાઓ છે જેમણે થોડા મહિના પહેલા જ સંસદ સભ્યપદેથી રાજીનામું આપી દીધું છે કારણ કે તેમને વિધાનસભાની ચૂંટણી લડવાની ફરજ પડી હતી. ચૂંટણી જીત્યા બાદ તેઓ ધારાસભ્ય છે અને હરિયાણામાં સાંસદને મુખ્યમંત્રી બનાવવામાં આવ્યા છે.
આ રીતે ભાજપે ગત ચૂંટણી જીત્યા બાદ આ વખતે પોતાના 101 સાંસદો બદલ્યા છે. કેટલાક સાંસદોની લોકસભાની બેઠકો પણ બદલવામાં આવી છે. એવું માનવામાં આવે છે કે સાંસદોની સત્તા વિરોધી સ્થિતિનો સામનો કરવા માટે ભાજપે સાંસદોની ટિકિટો રદ કરી છે. ઉપરાંત આ વખતે ભાજપે કેટલાક વિવાદાસ્પદ નેતાઓથી પોતાને દૂર રાખ્યા છે અને અન્ય પક્ષોના નેતાઓ પર ઘણો પ્રેમ વરસાવ્યો છે. બીજેપીમાં થોડા દિવસ અને થોડા કલાકો પહેલા જ ભાજપમાં જોડાયેલા નેતાઓને પણ ટિકિટ આપવામાં આવી છે.
66 મહિલા ઉમેદવારો
ભાજપે અત્યાર સુધીમાં 66 મહિલા ઉમેદવારોને મેદાનમાં ઉતાર્યા છે. પ્રથમ યાદીમાં કુલ 195 ઉમેદવારોના નામ હતા જેમાં 28 મહિલાઓ છે. બીજી યાદીમાં 75 ઉમેદવારોમાંથી 15 મહિલા, ત્રીજી યાદીમાં 9 ઉમેદવારોમાંથી કોઈ મહિલા નથી, ચોથી યાદીમાં 15 ઉમેદવારોમાંથી 2 મહિલા અને પાંચમી યાદીમાં 111 ઉમેદવારોમાંથી 20 મહિલા છે. છઠ્ઠી યાદીમાં ત્રણ નામોમાં એક મહિલા છે. ભાજપે બિહારની 17 બેઠકોમાંથી એક પણ મહિલા ઉમેદવારને ટિકિટ આપી નથી. BJP બિહારમાં 17 સીટો પર ચૂંટણી લડી રહી છે. સાથી પક્ષ JDU 16 બેઠકો પર, સહયોગી LJP (પાસવાન) 5 બેઠકો પર અને જીતન માંઝી અને ઉપેન્દ્ર કુશવાહાની પાર્ટી 1-1 બેઠક પર ચૂંટણી લડી રહી છે.
દિલ્હીમાં 7માંથી 6 અને કર્ણાટકમાં 25માંથી 12 ટિકિટો રદ
ભાજપે અત્યાર સુધી જે ઉમેદવારોની જાહેરાત કરી છે તેમાંથી તેણે દિલ્હીના સાતમાંથી છ સાંસદોની ટિકિટ રદ કરી છે. ઉત્તરાખંડમાં પાંચમાંથી 2 સાંસદોની ટિકિટ રદ કરવામાં આવી છે. રાજસ્થાનમાં 8 સાંસદોની ટિકિટ કાપવામાં આવી છે, જેમાંથી 3 ધારાસભ્યો બની ચૂક્યા છે. આસામમાં 9 સાંસદોમાંથી 5 અને ગુજરાતમાં 26માંથી 15 સાંસદોની ટિકિટ રિજેક્ટ કરવામાં આવી છે. ઝારખંડમાં 11માંથી 5 સાંસદોની ટિકિટ રદ કરવામાં આવી છે અને ત્રિપુરામાં બંને બેઠકો પર વર્તમાન સાંસદોને ટિકિટ આપવામાં આવી નથી.
હરિયાણામાં પણ 3 સાંસદોની ટિકિટ કાપવામાં આવી છે, એક સાંસદ પહેલાથી જ કોંગ્રેસમાં જોડાઈ ચૂક્યા છે અને એકને મુખ્યમંત્રી બનાવવામાં આવ્યા છે. કર્ણાટકના 25માંથી 12 સાંસદોની ટિકિટ રદ કરવામાં આવી છે. ઓડિશામાં 4 અને બિહારમાં 3 સાંસદોની ટિકિટ રદ કરવામાં આવી છે.ભાજપે કર્ણાટકમાં તેના વર્તમાન સાંસદ શોભના કરંદલાજે અને પશ્ચિમ બંગાળમાં વર્તમાન સાંસદ દેબશ્રી ચૌધરી અને દિલીપ ઘોષની બેઠકો બદલી છે.
વિવાદાસ્પદ સાંસદોની પણ કપાઇ ગઈ ટિકિટ
ભાજપની યાદી જોતા સ્પષ્ટ થાય છે કે, ભાજપે તેના અનેક વિવાદાસ્પદ સાંસદોની ટિકિટ રદ કરી છે. જોકે યાદીમાં એવા નામો છે જે વિવાદાસ્પદ રહ્યા છે પરંતુ વિપક્ષ પર પ્રહારો કરી રહ્યા છે અને ભાજપે તેમની ટિકિટ જાળવી રાખી છે. ભાજપે મધ્યપ્રદેશથી પ્રજ્ઞા ઠાકુરની અને દિલ્હીથી રમેશ બિધુરીની ટિકિટ રદ કરી છે. મહાત્મા ગાંધીને લઈને પ્રજ્ઞા ઠાકુરના નિવેદન પર ઘણો વિવાદ થયો હતો. રમેશ બિધુરીએ એક મુસ્લિમ સાંસદ વિરુદ્ધ સંસદમાં વિવાદિત નિવેદન આપ્યું હતું.
મૈસુરના સાંસદ પ્રતાપ સિંહાની ટિકિટ રદ કરવામાં આવી છે. થોડા મહિનાઓ પહેલા જ્યારે સંસદની સુરક્ષામાં ભંગ થયો હતો અને લોકસભાની વિઝિટર ગેલેરીમાંથી બે લોકો ગૃહમાં ઘૂસ્યા હતા ત્યારે પ્રતાપસિંહાના નામનો પાસ બનાવીને સંસદમાં પહોંચ્યા હોવાનું બહાર આવ્યું હતું. કર્ણાટકમાંથી નલિન કુમાર કાતિલની ટિકિટ પણ રદ કરવામાં આવી છે, તેઓ તેમના કટ્ટર હિંદુ નિવેદનોને કારણે વિવાદોમાં પણ રહ્યા છે. કર્ણાટકમાંથી અનંત કુમાર હેગડેની ટિકિટ પણ રદ કરવામાં આવી છે. તાજેતરમાં તેમણે કહ્યું હતું કે બંધારણ બદલવા માટે ભાજપને 400થી વધુ બેઠકોની જરૂર છે.
અન્ય પક્ષોના નેતાઓ માટે ટિકિટ
ભાજપે થોડા સમય પહેલા ભાજપમાં જોડાયેલા નેતાઓને પણ ટિકિટ આપી છે. બસપા છોડીને આવેલા રિતેશ પાંડેને યુપીના આંબેડકર નગરથી ઉમેદવાર બનાવવામાં આવ્યા છે. ઝારખંડના પૂર્વ મુખ્યમંત્રી મધુ કોડાની પત્ની અને કોંગ્રેસ સાંસદ ગીતા કોડા થોડા દિવસો પહેલા જ ભાજપમાં જોડાઈ છે. તેમને ચાઈબાસાથી ટિકિટ આપવાની પણ જાહેરાત કરવામાં આવી છે. થોડા દિવસો પહેલા જ બીઆરએસમાંથી ભાજપમાં જોડાયા હતા. પાટીલને તેલંગાણાની ઝહીરાબાદ બેઠક પરથી પણ ટિકિટ આપવામાં આવી છે.
રણજીત ચૌટાલાને હરિયાણાના હિસારથી ટિકિટ આપવામાં આવી છે. ચૌટાલા હાલમાં હરિયાણા સરકારમાં મંત્રી અને અપક્ષ ધારાસભ્ય છે. ટિકિટની જાહેરાતના કલાકો પહેલા જ તેઓ ભાજપમાં જોડાયા હતા. કુરક્ષેત્રના પૂર્વ સાંસદ નવીન જિંદાલને ટિકિટ આપવામાં આવી છે. તેઓ પણ ટિકિટ જાહેર થયાના અડધા કલાક પહેલા કોંગ્રેસ છોડીને ભાજપમાં જોડાયા હતા. એ જ રીતે માત્ર અડધો કલાક પહેલાં જ ભાજપમાં જોડાયેલા વરપ્રસાદ રાવને તિરુપતિથી ઉમેદવાર તરીકે નિયુક્ત કરવામાં આવ્યા છે.
સિરસાથી અશોક તંવરને ટિકિટ આપવામાં આવી છે. તેઓ પહેલા કોંગ્રેસમાં રહ્યા અને પછી આમ આદમી પાર્ટીમાં તેઓ થોડા મહિના પહેલા જ ભાજપમાં જોડાયા હતા. શિબુ સોરેનની વહુ સીતા સોરેનને ઝારખંડની દુમકા સીટથી ટિકિટ આપવામાં આવી છે. તે થોડા દિવસો પહેલા જ જેએમએમ છોડીને ભાજપમાં જોડાઈ હતી. BJPએ લોકસભા ચૂંટણીમાં તેના રાજ્યસભાના સાંસદોને પણ મેદાનમાં ઉતાર્યા છે. પીયૂષ ગોયલ, અનિલ બલુની, ધર્મેન્દ્ર પ્રધાન, મનસુખ માંડવિયાને પણ લોકસભા ચૂંટણીમાં ઉમેદવાર બનાવવામાં આવ્યા છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir
પ્રચાર
ટોપ સ્ટોરીઝ
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir